Dásamlegir jólakokteilar

Við á JólaRetró erum strax komin í jólaskapið og farin að huga að undirbúningi jólanna. Hér birtum við sniðugar hugmyndir að jólakokteilum sem Elínrós Líndal tók saman í fyrra í jólablaði Morgunblaðsins.

Það getur verið gaman að blanda fallega drykki um jólin, hvort heldur sem er fyrir fjölskylduna alla eða einvörðungu fullorðna fólkið. Eftirfarandi drykkir eru dásamlegir fjölskyldudrykkir sem gefa má jólabörnum á öllum aldri.

Jóla-fizz

2 cl trönuberjasafi
1 msk. límónusafi
1 flaska sódavatn

Aðferð: Blandið trönuberja- og límónusafa saman með klaka í hristara og hristið vel. Hellið síðan drykknum í glas og fyllið með sódavatni.

Skreytið með rósmarínstöng og granateplafræjum.

Jóla-mímósa

2 cl sprite
2 cl engiferöl
2 cl trönuberjasafi

Aðferð: Blandið sprite, engiferöli og safa í kampavínsglas.

Skreytið með sykurhúðuðum trönuberjum.

Jóla-fun

2 cl Fun light wild berries
4 cl piparmyntute frá Te og kaffi
sódavatn

Aðferð: Blandið 2 cl af Fun light á mann í könnu á móti 2 cl af köldu piparmyntutei og fyllið upp með sódavatni. Fallegt er að skreyta með tveimur kanilstöngum, sem bragðbætir kokkteilinn. Eins er mælt með að setja appelsínur í fallegum skífum ofan í blönduna.

Drykkurinn er sykurlaus.

mbl.is
Í loftinu núna
Endalaus tónlist