Hætt að fylgja Miley Cyrus eftir áramótadaður

Kim Kardashian er hætt að fylgja Miley Cyrus á instagram. …
Kim Kardashian er hætt að fylgja Miley Cyrus á instagram. Ástæðan er líklega sú að það sást til Miley að daðra við Pete Davidson, kærasta Kim, á áramótunum. AFP

Eva Ruža flyt­ur pistla um stjörn­urn­ar á hverj­um degi á sinn ein­staka hátt á K100.

Drama mama góðan daginn. 

Kim K hefur samkvæmt fréttamiðlum vestanhafs ýtt á „unfollow“ á Miley Cyrus á instagram. 

Ástæðan ku vera sú að Miley var of mikið að daðra við Pete Davidson um áramótin. Miley og Pete sáu um að dingla nýja árið saman inn á sérstökum áramótaviðburði NBC í Miami. 

Eitthvað fór daðrið fyrir brjóstið á Kim og þá gerði hún það sem svíður mest hjá stórstjörnunum – hún „unfollowaði“ Miley. 

Hún hefur nú samt ekki erft þetta alvarlega við Pete, því þau sáust fara um borð í einkaþotu sem flutti þau til Bahamaeyja í gær. 

Ég er í fyrsta lagi steinhissa á að Kim sé enn að leika sér með Pete, og í öðru lagi steinhissa á að Kim hafi hætt að fylgja Miley þrátt fyrir daðrið. 

Miley hins vegar er enn að fylgja Kim og skilur eflaust ekkert í þessu drama. 

mbl.is

#taktubetrimyndir