Nýtt lag með Láru Rúnars

Lára Rúnars.
Lára Rúnars. Ljósmynd/Kristín Pétursdóttir

Lára Rúnars var að senda frá sér lagið Landamæri sem hún syngur með manninum sínum Arnari Gíslasyni, best þekktur sem einn fremsti trommuleikari landsins úr Mugison, Jónas Sig, Ensími og Dr. Spock.

Landamæri fjallar um fegurð þess að opna hjartað og vegferðina þangað, um breyskleika mannsins og hvað það getur verið mikið átak að gefa eftir og treysta.

Lagið vann Lára með upptökustjóranum Arnari Guðjónssyni (Warmland, Leaves) en þau eru nú að leggja lokahönd á komandi breiðskífu Láru.

Lára Rúnarsdóttir er tónlistarkona, frumkvöðull og meðferðaraðili. Hún er stofnandi og eigandi ANDAGIFTAR // INSPIRE sem er vettvangur fyrir sköpun, samfélag og heilun. Lára er jógakennari, hljóðheilari og nemi í NA-sjamanisma. Hún er með meistaragráðu í kynjafræðum og er einn stofnenda KÍTÓN, félags kvenna í tónlist, en Lára gegndi þar bæði formennsku og varaformennsku fyrstu ár félagsins.

Lára hefur gefið út sex sólóplötur og fékk íslensku tónlistarverðlaunin fyrir lag sitt Altari árið 2020. Þá er Lára annar meðlimur hljómsveitarinnar SILVRA, ásamt Arnari Guðjónssyni.

Lagið má nálgast á Spotify í spilaranum hér fyrir neðan:

mbl.is

#taktubetrimyndir