Átta ára stúlka sló sölumet og lætur gott af sér leiða

Hin 8 ára gamla Lilly er skátastelpa sem sló á …
Hin 8 ára gamla Lilly er skátastelpa sem sló á dögunum met í sölu á smákökum. Skjáskot/Instagram

Hin átta ára gamla Lilly er skátastelpa sem sló á dögunum met í sölu á smákökum. Slík sala er algeng hjá skátum en á síðustu þremur mánuðum tókst henni að selja meira en 32 þúsund kassa af smákökum.

20 þúsund dollarar af smákökusölunni renna til samtakanna St. Baldrick's Foundation og eru ætlaðir til tækjakaupa fyrir krabbameinsrannsóknir hjá þeim. Lilly, sem er búsett í San Bernardino í Kaliforníu, glímdi við krabbamein sem ungbarn en hefur verið laus við krabbameinið frá því hún var eins árs.

Þrátt fyrir ungan aldur er mikill drifkraftur í henni og hefur hún einnig stutt við samtökin Hiccups Pizza Project sem útvega mat fyrir heimilislausa.

Hún segist vilja hjálpa því hún viti að lífið geti verið erfitt. Hún segir að hún og önnur börn sem berjast við krabbamein geti breytt heiminum og vill veita öðrum innblástur.

Ótrúlega flott stelpa hér á ferð og smákökur sem láta gott af sér leiða geta bara ekki klikkað!

mbl.is
Í loftinu núna
Endalaus tónlist

#taktubetrimyndir