Sást til Matt og Rachel saman um helgina

Matt James og Rachael Kirkonnell.
Matt James og Rachael Kirkonnell. Skjáskot/Instagram

Stjörnufréttir Evu Ruzu:

Detta mér nú allar dauðar lýs úr höfði! Haldiði að það hafi ekki sést til Matt James og Rachael Kirkonnell saman í New York um helgina. Jesús minn hvað er að gerast?!

Ljósmynd/Skjáskot

Eins og Bachelor-heimurinn man svo glögglega sagði Matt Rach upp eftir að upp komst um kynþáttaníð sem Rachael hafði gerst sek um fyrir nokkrum árum. Hann gat ekki einu sinni horft i augun á henni í lokaþættinum og kom varla upp orði, svo sár var hann.

En, eins og allir vita er ég spákona. Ég var búin að spá því að þau myndu ná saman á ný – og af hverju spyrjið þið? Ég veit það ekki. Ég hafði tilfinningu.

Ljósmynd/Skjáskot

Þessi tilfinning svíkur mig yfirleitt aldrei. Ég sagði meira að segja í hlaðvarpi í upphafi þáttaraðarinnar að ég sæi Rachael standa uppi sem sigurvegara. Þá voru tveir þættir búnir. Reyndar var ég ekki búin að sjá fyrir skandalinn sem kom svo í kjölfarið. Ég er samt ótrúleg, þótt ég segi sjálf frá.

Við vitum svo sannarlega ekki hvernig þetta ástarævintýri endar, en ég get lofað ykkur því að ég mun vera on top of things!!

mbl.is