Áhrifaríkt lag Bubba og Bríetar

Bubbi Morthens og Bríet.
Bubbi Morthens og Bríet. Ljósmynd/Aðsend

Lagið Ástrós með Bubba Morthens kom út í dag, fimmtudaginn 4. mars en með honum í laginu syngur söngkonan Bríet sem hjálpar svo sannarlega til við að segja söguna.

GDRN ljáir laginu bakraddir með sínum einstaka hljóm, auk félaga úr Aurora Kammerkór undir kórstjórn Sigríðar Soffíu Hafliðadóttur.

Lagið Ástrós fjallar um vandmeðfarið mál í íslensku samfélagi, heimilisofbeldi. Hér er Bubbi enn og aftur mættur til að opna augu fólks fyrir viðkvæmri umræðu og heldur áfram að brjóta blað í íslenskri tónlistarsögu.

Ástrós er þriðja lagið sem kemur út af væntanlegri plötu en Bubbi stefnir að útgáfu hennar 6. júní. Á plötunni eru sömu hljóðfæraleikarar og á síðustu plötu Bubba, Regnbogans stræti. Það voru þeir Guðmundur Óskar Guðmundsson bassaleikari, Hjörtur Ingvi Jóhannsson hljómborðsleikari, Örn Eldjárn gítarleikari, Aron Steinn Ásbjarnarson saxófónleikari og Þorvaldur Þór Þorvaldsson trommari.

Lagið má hlusta á í spilaranum hér fyrir neðan:

 

mbl.is