Bingó í beinni: „Þurfum eitthvað til að gleðja okkur“

Siggi Gunnars mun stýra bingói á mbl.is á morgun.
Siggi Gunnars mun stýra bingói á mbl.is á morgun.

Siggi Gunnars mun stýra sannkallaðri fjölskyldugleði annað kvöld í beinni útsendingu á mbl.is. Klukkan 19:00 fer af stað bingó þar sem þú og þín fjölskylda getið unnið stórglæsilega vinninga.

Siggi verður bingóstjóri kvöldsins og mun hann færa landsmönnum sjóðandi heitar tölur beint heim í stofu. Samfélagsmiðlastjarnan Eva Ruza verður Sigga til halds og trausts og hægt er að nálgast bingóspjöldin hér á mbl.is/bingo frá og með deginum í dag.

Bingó til að brjóta upp daginn

„Það var virkilega gaman að fá þetta verkefni upp í hendurnar, að stýra bingói á mbl.is. Það er kannski allt of oft sagt þessa dagana að við þurfum eitthvað til að gleðja okkur en það er bara þannig og hvað er betra en bingó til þess að brjóta daginn aðeins upp?“ segir Siggi Gunnars, dagskrár- og tónlistarstjóri K100 og nú bingóstjóri mbl.is.

„Þetta er klassískur leikur sem allir geta verið með í, ungir sem aldnir, og vonumst við til þess að geta sameinað fjölskyldur, vinahópa eða jafnvel vinnustaði yfir skjánum í bingógleði. 

Það er einfalt að vera með, fólk sækir einfaldlega bingóspjöld inn á mbl.is/bingo og fylgist svo með útsendingunni í beinni á fimmtudagskvöld kl. 19.00. Þú þarft svo ekki að hrópa upp BINGÓ þegar þú færð svoleiðis, nóg er að smella á bingótakkann hliðina á spjaldinu, en ég mæli samt alltaf með því að lifa sig inn í aðstæðurnar og hrópa bingó heima í stofu,“ segir hann og hlær.

Siggi Gunnars og Eva Ruza í studíói K100.
Siggi Gunnars og Eva Ruza í studíói K100.

Siggi og Eva hafa oft unnið saman í gegnum tíðina og segist Siggi ánægður að fá að gera þetta með henni.

„Við náum einstaklega vel saman og höfum stýrt útvarpsþáttum, bingóum og fleiru saman í gegnum tíðina. Það er allavegana klárt mál að með Evu innanborðs verður þetta algjör gleðisprengja,“ segir hann að lokum.

Hvað þarftu að vita til að taka þátt í bingóinu? 

Þátttaka verður takmörkuð og því nauðsynlegt að hafa snör handtök. 

Til að vera með verður þú að horfa á beina útsendingu á mbl.is

Þátttaka kostar ekkert.  Þú skráir þig einfaldlega inn á síðunni og nærð í fyrsta spjaldið þitt. 

Hægt að bæta við tveimur spjöldum í viðbót með því að horfa á auglýsingu. 

Hver bingóspilari má vera með alls þrjú spjöld. 

Til að ná í spjöld smellir þú á hlekkinn „Sækja bingóspjöld“.   

Fyrir bestu upplifunina mælum við með að horfa á útsendinguna í einu tæki og spila í öðru. 

Fyrst verða spilaðar allar B-I-N-G-O-raðirnar, síðan allt spjaldið. 

Þegar þú færð BINGÓ verður þú að tilkynna það strax á meðan útsending stendur yfir með því að ýta á Bingo-takkann við spjaldið. Kerfið les strax úr upplýsingunum og lætur þig vita hvort um alvöru BINGÓ sé að ræða. Ekki er hægt að tilkynna BINGÓ eftir að útsendingu lýkur. 

Ef þú ert með BINGÓ þá færðu upplýsingar sendar í símann þinn um tilhögun afhendingar vinnings.

Fjöldi vinninga í boði og allir sem fá BINGÓ fá vinning.

mbl.is

#taktubetrimyndir