103 ára amma fékk sér húðflúr eftir einangrun

Dorothy Pollack ákvað að fá sér húðflúr í tilefni að …
Dorothy Pollack ákvað að fá sér húðflúr í tilefni að því að 103 ára afmæli sínu og því að hún fékk loksins að fara út eftir einangrun vegna kórónuveirufaraldurs. Facebook/@Teresa Gomez Zavitz-Jones

Hin 103 ára gamla Dorothy Pollack lét á dögunum draum sinn rætast og fékk sér sitt allra fyrsta húðflúr. Grænn og krúttlegur froskur varð fyrir valinu og er Dorothy í skýjunum. Síðastliðna mánuði hefur hún verið í algjörri einangrun á hjúkrunarheimilinu þar sem hún býr, sökum Covid-19. Hún fagnaði 103 ára afmæli sínu 16.júní síðasliðin og átti aðeins eina ósk fyrir afmælið sitt, sem loksins rættist nú á dögunum þegar hún gat farið á húðflúrsstofu.

Húðflúr af froski varð fyrir valinu en Dorothy hefur miklar …
Húðflúr af froski varð fyrir valinu en Dorothy hefur miklar mætur á slíkum dýrum. Facebook/@Teresa Gomez Zavitz-Jones

Fyrir ári síðan sagði barnabarn hennar við hana að hún ætti að fá sér húðflúr í tilefni af 102 ára afmæli sínu. Það vakti ekki mikinn áhuga hjá henni, en mánuðum seinna fór hana að langa mikið í. Hún ákvað að húðflúra á sig frosk einfaldlega vegna þess að hún elskar froska. Húðflúrs listamaðurinn Ray Reasoner tók á móti henni á A.W.O.L Custom Tattooing og sagði að Dorothy hefði verið mikil hetja. Hún kvartaði ekki neitt á meðan að þessu stóð og yfirgaf svo stofuna himin lifandi með húðflúrið. Seinna um daginn skellti Dorothy sér svo í mótórhjólaferð sem hana hafði einnig alltaf langað til þess að gera.

Það má með sanni segja að þessi töffara amma kunni að lifa lífinu!

Frétt Tank Good News.

mbl.is
Í loftinu núna
Endalaus tónlist