Jón fékk póst um að Eurovision yrði aflýst

Óvíst er hvort Daði Freyr og Gagnamagnið munu fá að …
Óvíst er hvort Daði Freyr og Gagnamagnið munu fá að stíga á Eurovision-sviðið í Rotterdam í ár ef tölvupósturinn sem Jón Axel, þáttastjórnandi Ísland vaknar, fékk frá starfsmanni Evrópusambandsins í morgun, reynist réttur. mbl.is/Eggert

„Í dag verður það tilkynnt opinberlega að Eurovision söngvakeppninni verði aflýst í ár.“ Þetta kemur fram í óstaðfestum tölvupósti sem Jón Axel, einn þáttastjórnenda morgunþáttarins Ísland vaknar, las upp fyrir hlustendur í morgun. Var pósturinn frá hollenskum vini Jóns sem starfar hjá Evrópusambandinu í Brussel. 

Felix Bergsson gat ekki staðfest þessar fréttir í símaviðtali við Ísland vaknar í morgun en sagði að fulltrúar Íslensku keppendanna í Eurovision væru á þeirri stundu á leið á fund með stjórnendum söngvakeppninnar. 

„Það væri ákaflega sorglegt ef svo væri. Við verðum bara að sjá hvað kemur út úr þessum fundi í dag,“ sagði Felix. „Við ættum að fá einhverjar fyrstu fréttir af þeim fundi í dag.

Ég ætla ekki að hafa fleiri orð um þetta en ég trúi ekki að þau slái hana af. Ég bara trúi því ekki.“

Hlustaðu á allt viðtalið í Ísland vaknar á K100 í spilaranum hér að neðan.

Fyrirsögn fréttar hefur verið uppfærð.

mbl.is