Bohemian Rhapsody vinsælasta lagið

Freddie Mercury flytur Bohemian Rhapsody.
Freddie Mercury flytur Bohemian Rhapsody.

Útvarpsstöðin Retró 89,5 vakti mikla athygli milli jóla og nýárs þegar 500 bestu lögin frá '70, '80 og '90 voru talin niður. Landinn sat límdur við útvarpið enda yfirferðin yfir þessi lög spennandi og rifjaði eflaust upp minningar hjá mörgum. Aðrir sem yngri eru kynntust eflaust fullt af lögum.

Topplagið kom kannski mörgum á óvart, þó að val á svona lista sé alltaf umdeilt, en það var Queen sem skipaði toppsætið með hið ódauðlega tónverk Bohemian Rhapsody. 

„Við fengum frábær viðbrögð við þessu uppátæki okkar og munum klárlega ráðast í þetta aftur og jafnvel gera aðra lista í svipuðum dúr,“ segir Sigurður Þorri Gunnarsson, dagskrár- og tónlistarstjóri Retró og K100. „Við þökkum hlustendum fyrir frábær viðbrögð.“

Listann má nú nálgast í heild sinni á Spotify undir nafninu „Retro Topp 500“. Á eftir Queen komu Eagles með Hotel California, síðan Whitney Houston með I wanna dance with somebody, þar á eftir kom George Michael með Careless Whisper og í fimmta stæti var Phil Collins með In the air tonight.

„Við vonum svo að þetta uppátæki okkar hafi vakið enn meiri athygli á útvarpsstöðinni Retró sem sækir stöðugt í sig veðrið. En stöðin helgar sig tónlist frá þessum áratugum og er lítið um mas og auglýsingar á stöðinni. Bara góð músík allan sólarhringinn,“ bætir Sigurður við.

Spotify listinn:

 

mbl.is

Bloggað um fréttina