Flogið þotum í 35 ár

Sigríður Einarsdóttir, flugstjóri.
Sigríður Einarsdóttir, flugstjóri. Mynd: Aðsend

Sigríður Einarsdóttir, flugstjóri, er fyrsta konan sem fékk starf sem flugmaður og síðar flugstjóri hjá Flugleiðum/Icelandair. Hún hóf störf í desember árið 1984 svo það fer að styttast í 35 ára starfsaldur hennar hjá fyrirtækinu.  Sigríður varð fyrst flugstjóri á Fokker 50 árið 1996 og síðar flugstjóri á Boeing 757 árið 1999 og Boeing 767 árið 2005. Hún flýgur núna bæði B-757 og B-767 þotum félagsins.

35 ár hafa flogið hratt

„Mér finnst alltaf jafngaman að fljúga,“ segir Sigríður. „Þessar flugvélar sem ég flýg, B-757 og B-767, eru með frábæra flugeiginleika, liprar, kraftmiklar og þurfta tiltölulega stuttar brautir. Útsýnið er oftast einstaklega fallegt. Einna fallegast finnst mér að fljúga yfir Grænland og Klettafjöllin. Það er líka alltaf tilkomumikið að sjá Ísland rísa úr sæ þegar við nálgumst landið.“

Sigríður telur sig hafa verið lánsama þegar hún valdi flugið sem sitt ævistarf. „Það hafa verið margar áskoranir í starfi við að ryðja brautina fyrir konur. Menning er ennþá karllæg en er að breytast hratt með fjölgun kvenflugmanna. Núna eru við konurnar um 12% af flugmannahópnum en okkur hefur fjölgað mjög hratt hin síðari ár. Það sem stendur upp úr þegar ég lít til baka er allt þetta frábæra samstarfsfólk, jafnt flugmenn sem flugfreyjur auk flugumsjónarmanna og flugvirkja. Mér finnst liðsheildin yfirleitt einstaklega góð og hlakka ennþá til hvers vinnudags.“

Gefur ráð um norðurljósin

Bandaríska ferðatímaritið CN Traveller leitaði nýlega til Sigríðar um hvar, hvenær og hvernig væri best að sjá norðurljósin, enda fáir sem hafa komist oftar nær þeim á flugi yfir norðurslóðir en Sigríður. Þar mælir hún með að fljúga undir lok nóvembermánaðar, nálægt vetrarsólstöðum eða stysta degi ársins þegar myrkrið leggst yfir eins og teppi. „Það er einstök upplifun að sjá norðurljósin úr flugvél. Ljósin eru skærari og þú getur betur séð fíngerðar hreyfingar þeirra. Mér finnst norðurljósin alltaf stórkostleg en það er eitthvað einstakt að sjá þau á flugi,“ segir Sigríður.

Sérstök upplifun

„Það er aldrei öruggt hvar og hvenær norðurljósin birtast og þau eru aldrei eins. Ég flaug nýlega frá Heathrow-flugvelli í London og við sáum mjög falleg norðurljós þegar við nálguðumst Ísland. Tveimur dögum síðar þegar ég flaug frá Washington þá birtust þau rétt suður af Grænlandi. Þá voru þau mjög öflug og dönsuðu villtan dans á himnum. Daginn þar á eftir sá ég þau mjög vel frá heimili mínu í Reykjavík. Eftirlætisstundir mínar eru þegar ég flýg yfir Grænland á leið heim til Íslands með norðurljósin dansandi á himnum og fyrstu geislar morgunsólar birtast.”

mbl.is
Ævar Þór Benediktsson rithöfundur.
Ísland vaknar

Búðu til þinn eigin tölvuleik

Ævar Þór Benediktsson fékk hugmynd sem hann varð að gera að veruleika. Hann settist niður og skrifaði bók sem er eins og tölvuleikur. Nánar

Bandaríska söngkonan Billie Eilish er gríðarlega vinsæl.
Fréttir

Billie Eilish býður á tónleika

Þeir sem lofa að berjast gegn loftslagsvánni geta komist frítt á tónleika Billie Eilish. Nánar

Söngkonan Adele er svo mikill aðdáandi Kryddpíanna að hún vill helst ganga í sveitina og koma fram með þeim á tónleikum.
Fréttir

Adele á svið með Kryddpíum?

Adele vill ganga í stúlknasveitina en Kryddpíur eru sagðar harðneita að stíga á svið með henni. Nánar

Í kringum síðustu aldamót má segja að Skítamórall hafi tekið yfir tónlistarsenuna á Íslandi og varla var á þeim tíma haldið gott partý án þess að hljómsveitin kæmi fram.
Ísland vaknar

Skítamórall heldur upp á 30 ára afmæli

13 ára töffarar á Selfossi stefndu hátt og ætluðu að spila harða tónlist í ætt við Deep Purple. Nánar

Elín Sif Halldórsdóttir er hæfileikarík listakona.
Fréttir

Tjáir tilfinningar með tónlist

Söng- og leikkonan Elín Sif Halldórsdóttir hefur í mörgu að snúast þessa dagana. Margir muna eftir henni úr kvikmynyndinni „Lof mér að falla“ þar sem hún sýndi sannkallaðan stórleik í hlutverki Magneu. Nánar

Robin, Barry og Maurice Gibb. Myndin var tekin árið 1997.
Fréttir

Kvikmynd um Bee Gees í bígerð

Graham King, sem framleiddi meðal annars kvikmyndina Bohemian Rhapsody um Freddie Mercury og Queen, hefur hafið undirbúning kvikmyndar um hljómsveitina Bee Gees. Nánar

Skjáskot úr þýsku þáttunum We are the Wave sem sýndir eru á Netflix.
Fréttir

Nýtt á Netflix um helgina

Björn Þórir Sigurðsson fór yfir nýjustu bíómyndir og þætti í morgunþættinum Ísland vaknar á K100 í vikunni. Það er margt áhugavert að sjá um helgina. Nánar

Ellý Ármanns spáði fyrir Þorgerði Katrínu í beinni á K100.
Ísland vaknar

Spáir Þorgerði hásæti

„Ég er ekki að fara að sækja um eitt eða neitt en þetta er samt áhugavert,“ sagði Þorgerður Katrín Gunnarsdóttir, formaður Viðreisnar, þegar spákonan Ellý Ármanns lagði spilin á borð fyrir hana í beinni útsendingu á K100 í morgun. Nánar

Í loftinu núna
Endalaus tónlist