Jólalögin farin að óma á Retró

JólaRetró hóf útsendingar í dag og sendir út „bara bestu ...
JólaRetró hóf útsendingar í dag og sendir út „bara bestu jólalögin“ alla daga fram að jólum.

Systurstöð K100, Retró 89,5, sem alla jafna spilar það besta frá '70, '80 og '90 breytist í JólaRetró frá og með deginum í dag. „Bara bestu jólalögin“ verður einkennisorð stöðvarinnar.

„Jólin eru alltaf að færast framar og framar. Jólavörur og skraut komið upp í sumum verslunum. Sömuleiðis er krafan um að jólalögin heyrist fyrr í útvarpinu alltaf meiri og meiri svo við erum bara að svara því kalli,“ segir Sigurður Þorri Gunnarsson, Siggi Gunnars, dagskrár- og tónlistarstjóri K100 og Retró 89,5. 

Eins og einkunnarorðin segja til um verður boðið upp á „bara bestu jólalögin“ alla daga fram að jólum, allan sólahringinn. „Dagskrárgerðarmenn verða einnig með léttar innkomur með fróðleik og upplýsingum um það sem er að gerast í aðdraganda jóla. En aðalfókusinn verður á jólalögin sem allir þekkja,“ segir Siggi.

Retró hefur aukið vinsældir sínar töluvert síðastliðið ár samkvæmt mælingum Gallup og er ljóst að vinsældirnar munu bara aukast í aðdraganda jóla. „Það eru að jafnaði 35.000 manns sem hlusta á Retró í hverri viku og fer hlustendahópurinn á stöðina ört vaxandi, það er greinilegt að það er hljómgrunnur fyrir þessum gömlu góðu. Reynslan hefur líka kennt okkur að það er mikil eftirspurn eftir jólaútvarpsstöð svo við erum viss um að fjöldi hlustenda muni aukast töluvert í aðdraganda jóla,“ segir Siggi. 

Hægt er að hlusta á JólaRetró á FM 89,5 á höfuðborgarsvæðinu, FM 101,9 á Akureyri, á netinu á retro895.is og í útvarpsspilara sjónvarpsþjónustanna. Einnig er hægt að hlusta á Retró í gegnum öppin „Spilarinn“ eða „TuneIn“ í öllum Apple- og Android-símum. 

„Við vonum að hlustendur kunni að meta jólastemninguna á JólaRetró alla daga fram að jólum,“ segir Siggi sem kominn er í jólaskapið umtalaða eftir undirbúning stöðvarinnar sl. vikur. 

Hlustaðu á JólaRetró á netinu með því að smella hér.

mbl.is
„Hands-on“ kynlífsmarkþjálfar hafa það hlutverk að fylgjast með fólki í rekkjubrögðum og leiðbeina því með betri árangur að markmiði.
Fréttir

Kynlífsmarkþjálfi til að bæta samlíf

Þeim fer fjölgandi sem leita sér hjálpar hjá „kynlífsmarkþjálfa“ til að bæta samlíf sitt. Nánar

Verðmætir eru sokkar Michael Jackson.
Fréttir

Sokkar Michael Jackson metnir á 125 milljónir

Sokkar Michael Jackson eru mjög verðmætir en í þeim tók hann hið svokallaða „Moonwalk“-spor. Nánar

Margrét Dórothea Sigfúsdóttir, skólameistari Hússtjórnarskólans
Síðdegisþátturinn

„Hættu að nota mýkingarefni, elskan mín“

Reykingarlykt fór ekki úr fötum eftir margítrekaðan þvott. Mýkingarefni liggja undir grun. Nánar

Eyþór Ingi Gunnlaugsson er með leyndan hæfileika.
Fréttir

„Ég get gleypt dverg og látið hann tala“

Skemmtikrafturinn dáði, Eyþór Ingi Gunnlaugsson, hefur leyndan hæfileika. Nánar

Hugbúnaðargalli í útgáfu iOS 13.2.2 í iPhone-símum ræsir óvart myndavélina um leið og Facebook-forritið er opnað. Einn stjórnenda fyrirtækisins viðurkennir þetta og segir þetta lagað í hvelli.
Fréttir

Facebook ræsir óvart myndavél notenda

Um leið og Facebook-forritið er opnað ræsist myndavélin í bakgrunni. Nánar

Bragi Þór og Arnar Hólm standa þessa dagana fyrir foreldrafræðslu um rafíþróttir.
Ísland vaknar

Áhorfsmet í rafíþróttum

Í dag eru yfir 400 milljónir manns sem fylgjast með rafíþróttum í heiminum. Stærstu viðburðirnir hafa sett áhorfsmet sem oft gefa hefðbundnum íþróttum ekkert eftir. Nánar

Ævar Þór Benediktsson rithöfundur.
Ísland vaknar

Búðu til þinn eigin tölvuleik

Ævar Þór Benediktsson fékk hugmynd sem hann varð að gera að veruleika. Hann settist niður og skrifaði bók sem er eins og tölvuleikur. Nánar

Bandaríska söngkonan Billie Eilish er gríðarlega vinsæl.
Fréttir

Billie Eilish býður á tónleika

Þeir sem lofa að berjast gegn loftslagsvánni geta komist frítt á tónleika Billie Eilish. Nánar

Í loftinu núna
Endalaus tónlist