menu button

Hugleikur: „Draumur hvers listamanns að vera umdeildur“

Hugleikur Dagsson segir það sjaldan koma fyrir að hann fái ...
Hugleikur Dagsson segir það sjaldan koma fyrir að hann fái kvartanir þegar hann fer yfir strikið með gríni sínu. Styrmir Kári

„Það góða við kúk og piss er að allir í heiminum kúka og pissa og ég get bara haldið mig við svoleiðis grín. Líkamsvessagrín skilst alls staðar í heiminum.“ Þetta segir Hugleikur Dagsson, listamaður og grínari, í viðtali við morgunþáttinn Ísland vaknar á K100.

Hann flytur nú af landi brott til Berlínar þar sem hann hefur haslað sér völl að undanförnu. Síðasta uppistand hans og félaga hans, Jonathans Duffys, verður í Austurbæ í kvöld. Þar ætla þeir að vera með dansatriði og erótískan upplestur.

„Það hljómar ekki sérstaklega vel að vera grínisti í Þýskalandi. Þjóðverjar eru ekki beint þekktir fyrir húmor,“ segir Hugleikur. „Það búa þó allra þjóða kvikindi þarna. Berlín er alþjóðleg borg svo grínsenan er eins og í New York eða London.“ Þeir Hugleikur og Jonathan hafa ferðast til 18 landa að undanförnu og verið með uppistand. Eftir sýninguna í kvöld mun Hugleikur flytja til Berlínar þar sem hann ætlar að dvelja í ár.  

Hugleikur segir það sjaldan koma fyrir að hann fái kvartanir þegar hann fer yfir strikið með gríni sínu. „Örsjaldan hefur fólk komið til mín til að gera athugasemdir. Ég man eftir einu skipti að kona á miðjum aldri kom upp að mér og kvartaði yfir því að ég væri alltaf að ögra. Hún var ekki nógu nákvæm því ég var svo forvitinn að vita hvaða brandari það var sem stuðaði hana. Ég varð þó svo upp með mér því fólk hefur aldrei komið til mín og kvartað. Aðallega segir það eitthvað jákvætt. Það er draumur hvers listamanns að vera umdeildur en mér finnst ég ekkert vera umdeildur því ég fæ aldrei kvartanir, þær rata aldrei beint til mín, nema ég skrolli niður þræðina á Facebook en ég má ekkert vera að því.“

Viðtalið við Hugleik í heild sinni má sjá í spilaranum hér fyrir neðan.


mbl.is
Fréttir

Villi Naglbítur er fanta blokkflautuleikari

Villi Naglbítur var fyrsti gestur Loga Bergmann og Sigga Gunnars í 20 ógeðslega mikilvægum spurningum og þar kom ýmislegt fram! Nánar »

Sigga Kling sér um stjörnuspána á mbl.is.
Fréttir

Logi Bergmann og Sigga Kling tókust á

Sigga Kling, spákona Íslands, lagði línurnar fyrir komandi samstarf í nýjum síðdegisþætti á K100. Nánar »

Fréttir

Sjón skrifar handrit að nýrri mynd með Nicole Kidman

Kvikmyndin um Norðmanninn er sögð eiga að gerast á Íslandi á víkingaöld. Nánar »

Sörur eru eitt af því besta sem til er.
Fréttir

Sörur seljast eins og heitar lummur

Hægt er að kaupa tilbúnar Sörur sem oft eru seldar í fjáröflunarskyni á netinu. Nánar »

Kristinn Bjarnason, framkvæmdastjóri sölusviðs Toyota, og Haraldur Johannessen, ritstjóri Morgunblaðsins, draga út vinningshafa í áskriftarleik Morgunblaðsins.
Ísland vaknar

Vann Toyota Corolla í áskriftarleik Morgunblaðsins

Ágústa Elín Ingþórsdóttir var í morgun dregin út í áskriftarleik Morgunblaðsins og vann glæsilega Toyotu Corollu. Nánar »

Sturla Sighvatsson í hlutverki Benjamíns dúfu.
Fréttir

Benjamín dúfa keypti blokk á Ásbrú

Fjárfestir og fasteignamógúll með forsögu úr kvikmyndum keypti blokk á Ásbrú. Nánar »

Bryan Adams hefur selt yfir 65 milljón platna á heimsvísu og er einn af vinsælustu tónlistarmönnum í heimi.
Kynning

Tónleikar til heiðurs Bryan Adams

Þann 5. nóvember næstkomandi mun kanadíski tónlistarmaðurinn og Íslandsvinurinn Bryan Adams verða 60 ára. Að því tilefni verða haldnir tónleikar honum til heiðurs 1. nóvember í Gamla Bíó. Nánar »

John Lithgow í hlutverki sínu í kvikmyndinni Bombshell.
Fréttir

John Lithgow ógnvekjandi

Ný stikla úr kvikmyndinni „Bombshell“ hefur litið dagsins ljós. Myndin er byggð á sannsögulegum atburðum innan bandarísku Fox fréttastöðvarinnar þar sem fréttakonur máttu þola kynferðislega áreitni frá yfirmanni þeirra, Roger Ailes, um langt árabil. Nánar »

Björgvin Halldórsson.
Ísland vaknar

Brimkló saman á ný?

Sterkur orðrómur er á kreiki um að hljómsveitarmeðlimir séu að dusta rykið af hljóðfærunum og ræða að koma fram á ný. Rætt var við stórsöngvarann Björgvin Halldórsson í morgunþættinum Ísland vaknar á K100. Nánar »

Hallgrímur Ólafsson ásamt konunni sinni, Matthildi Magnúsdóttur, sem er vön að skrifa athafnir daglegs lífs niður á miða fyrir hann.
Fréttir

Halli Melló er með skæðan athyglisbrest

Leikarinn Hallgrímur Ólafsson, eða Halli Melló, er með gríðarlegan athyglisbrest. Hann náði samt mikilvægum áfanga í gær þegar konan hans fór til útlanda. Nánar »

Í loftinu núna
Endalaus tónlist