menu button

Nýir áhugaverðir sjónvarpsþættir

AFP

Björn Þórir Sigurðsson, Bíó-Bjössi, má ekkert vera að því að vera í vinnunni svo hann nái að komast yfir allt það glænýja sjónvarpsefni sem í boði er. Stærstu sjónvarpsstöðvar og streymisveitur kynna nú nýja þætti í dagskrá sinni.

Why Women Kill 

Þessir þættir, sem sýndir eru á CBS-sjónvarpsstöðinni, eru runnir undan rifjum sama höfundar og Desperate Houswifes. Sögur kvenna á þremur mismunandi tímabilum fléttast saman. Þær eiga það sameiginlegt að eiga algjörlega glataða eiginmenn, í orðsins fyllstu merkingu.


Emergence 

Þættirnir Emergence hefja göngu sína 24. september á ABC-sjónvarpsstöðinni. Þeir eru sagðir í anda Lost-þáttanna sem héldu áhorfendum spenntum svo mánuðum skipti. Flugslys verður nálægt litlum bæ og lítil stúlka er sú eina sem lifir það af. Röð undarlegra atvika gerir bæjarbúa forviða. Það er eitthvað skrítið við stúlkuna litlu.


Prodical Son 

Fox-sjónvarpsstöðin er með spennandi þætti um týnda soninn, Prodical Son. Söguhetjan starfar hjá lögreglunni við að greina hegðun fjöldamorðingja. Hann er eins og fæddur í starfið því pabbi hans skildi eftir sig blóði drifna slóð, einmitt sem fjöldamorðingi. Þarna tekst semsagt á hið eilífa streð að vera ekki að blanda fjölskyldunni saman við starfið og að starfa við það sem maður þekkir best.


Beforeigners 

Fyrsta norræna HBO-þáttaröðin hefur göngu sína á Stöð 2 um helgina. Um er að ræða þættina Beforeigners sem skartar þeim Ágústu Evu Erlendsdóttur og Jóhannesi Hauki Jóhannessyni í hlutverkum. Tímaflakkarar frá löngu liðinni tíð mæta allt í einu í Osló og þurfa að aðlagast aðstæðum.  

The Spy

Hér er á ferðinni mjög áhugaverð sería á Netflix þar sem sögu ísraelsks leyniþjónustumanns, sem fer huldu höfði í arabalöndum, eru gerð skil. Gamanleikarinn Sacha Baron Cohen er hér kominn mjög langt frá hlutverkum sínum sem Borat og Ali-G og sýnir á sér alveg nýja hlið.

The Capture

BBC sýnir þessa þætti sem sagðir eru svipaðir að gæðum og spennuþættirnir Bodyguard sem naut mikilla vinsælda.

Bíó-Bjössi fór nánar yfir þessa þætti og aðra í viðtali, sem sjá má hér að neðan, við morgunþáttinn Ísland vaknar á K100.

mbl.is
Ringo Starr tekur lagið með tónlistarmönnum út um allan heim.
Fréttir

Ringo Starr tekur lagið með tónlistarmönnum úti um allan heim

„Í hvaða dúr er lagið Robbie?“ spyr Ringo Starr áður en hann telur í lagið The Weight. Nánar »

Sandra Mjöll Jónsdóttir-Buch, lífeindafræðingur og Kolbrún Björnsdóttir framkvæmdastjóri Lífs ræddu um kynheilbrigði kvenna í Ísland vaknar.
Ísland vaknar

„Þurrkur í leggöngum er rosalegt feimnismál“

Sveppasýkingar, leggangaþurrkur og áverkar eftir fæðingar geta skert lífsgæðin verulega. Nánar »

Hver vill ekki eiga tól sem er bæði kartöfluflögumatari og snjallsímapenni?
Fréttir

Gagnslaus uppfinning frá Japan

Orkulausir sófaletingjar, sem nenna ekki einu sinni að nota puttana til að mata sig á snakki, geta glaðst því nú er búið að finna upp tól sem auðveldar þeim lífið. Nánar »

Elísabet Reynisdóttir, næringafræðingur.
Ísland vaknar

Næringafræðingur: „Keto-þráhyggja er ekki holl“

„Þetta mataræði hentar mjög þröngum hópi,“ segir Elísabet Reynisdóttir, næringafræðingur. Nánar »

Nýttu hroturnar til góðs!
Kynning

Íslandsmót í hrotum

Nú gefst tækifæri á að nýta hið leiða vandamál sem hrotur eru til góðs. Nánar »

Hugleikur Dagsson segir það sjaldan koma fyrir að hann fái kvartanir þegar hann fer yfir strikið með gríni sínu.
Ísland vaknar

Hugleikur: „Draumur hvers listamanns að vera umdeildur“

Síðasta uppistand Hugleiks verður í kvöld. Boðið verður upp á dansatriði og erótískan upplestur. Nánar »

Þúsaldakynslóðinni svonefndu er stundum kennt um að hafa slátrað iðngreinum. Það kemur á óvart að það er einmitt hjá henni þar sem hið prentaða orð nýtur mestra vinsælda.
Fréttir

„Hefðbundnar“ bækur seljast ennþá meira en rafbækur

63% af bókum sem seldar eru í Bretlandi eru til fólks sem er yngra en 44 ára. Nánar »

Jóna Þórey Pétursdóttir, formaður Stúdentaráðs Háskóla Íslands.
Ísland vaknar

„Unga kynslóðin er að kalla á þær eldri“

Boðað hefur verið til séstaklega stórs viðburðar á morgun, föstudag, í loftslagsverkfalli nemenda. Nánar »

Gylltar strendur og sól bíða ferðalanga í hrekkjavökuferð K100 og Heimsferða.
Kynning

Hrekkjavaka á Spáni

K100 lætur sér ekki nægja að fagna hryllingnum á hrekkjavökunni hér heima á Íslandi heldur ætlar stöðin í samstarfi við Heimsferðir að standa fyrir hrekkjavökuferð til Spánar, nánar til tekið til heimsborgarinnar Palma á Mallorca. Nánar »

Leikarinn Paul Rudd fer á kostum í nýjum þáttum á Netflix sem heita Living With Yourself.
Fréttir

Paul Rudd glímir við annað eintak af sjálfum sér

Einhvers staðar djúpt inni í sögupersónu Pauls Rudds liggur betri útgáfa af honum sem lifnar við. Nánar »

Í loftinu núna
Endalaus tónlist