menu button

Fáðu koktailbarþjón í veisluna

Jónas Heiðarr kokteilabarþjónn
Jónas Heiðarr kokteilabarþjónn

„Citrus Cocktail Co.“ sem Jónas Heiðarr er í forsvari fyrir býður upp á þá þjónustu að mæta með allt hráefni í mismunandi kokkteila og blanda kokkteilana á staðnum fyrir þyrsta gesti í veislum af ýmsum toga. Hann heimsótti Ísland vaknar í vikunni og sagði frá vinsældum þjónustunnar.


Mikill undirbúningur

Margir velja orðið að kaupa þessa þjónustu í staðinn fyrir að bjóða upp á pylsubíl, matarvagn eða annað en hann bendir á að þjónustan kosti sitt. Undirbúningur barþjónanna er mikill, sérstaklega þegar gestirnir í veislunni eru margir. Jónas þarf oft að vakna klukkan 8 á morgnana til að byrja undirbúning fyrir brúðkaup með því að kreista fram safa fyrir kokkteilana, búa til sírópið, útvega ferska ávexti, svo eitthvað sé nefnt. Svo þarf auðvitað að fara með öll herlegheitin í veisluna og blanda kokkteilinn á staðnum. 

Basil Gimlet 

Jónas segir að hann hafi ekki farið í sértækt nám til að læra að vera kokkteilbarþjónn heldur sé hann sjálfmenntaður. Í fjölskylduboðum, þegar Jónas er spurður við hvað hann starfi, veki titillinn kokkteilbarþjónn mun meiri eftirtekt heldur en að segjast bara vera barþjónn. Nýjar uppskriftir að kokkteilum skjóta oft upp kollinum og sumir þeirra ná fótfestu. Þeir klassísku halda aftur á móti vinsældum sínum. Basil Gimlet er einn þeirra en þar er á ferðinni grænn drykkur sem mörgum þykir girnilegur. Þessi kokkteill er grænn að lit, borinn fram í fallegu glasi og standa basilíkulauf upp úr drykknum. Kristín Sif, einn þáttastjórnenda Ísland vaknar sagði í þættinum að þetta væri hennar nýi uppáhaldskokkteill þó að hún hefði aldrei smakkað hann. Það er því ljóst að stór hluti upplifunarinnar af því að drekka vandaðan kokkteil felst í útliti hans. Hráefnið í Basil er gin, ferskur lime-safi, sykursíróp og fersk basilíkulauf. Þetta er allt sett saman í réttum hlutföllum í blandara og hrist vel.

Koktailabarþjónn að störfum í veislu
Koktailabarþjónn að störfum í veislu


Koktailabarir hafa skotið upp kollinum

Ástæður fyrir því að kokkteilarnir virðast vera að ná fyrri hæðum í vinsældum má að einhverju leyti rekja til þess að á Slippbarnum var fyrsti íslenski kokkteilbarinn opnaður, en fjölmargir áhugamenn um góða kokkteila leggja leið sína þangað til að kynna sér nýjar tegundir. Jónas vakti athygli á því að Slippbarinn hefði í upphafi gefið sig út fyrir að bjóða ekki upp á drykkinn Mojito enda var hann í boði á nánast öllum öldurhúsum borgarinnar og naut gríðarlegra vinsælda. Jónas segir að gæði kokkteila liggi að miklu leyti í hráefnunum. Áðurnefndur Slippbar auglýsti til að mynda að þeir byðu upp á ferskt hráefni sem Jónas segir að skipti gríðarlega miklu máli fyrir viðskiptavini sem vilji vandaða og góða vöru.

Gimlet Basil koktaillinn er klassískur
Gimlet Basil koktaillinn er klassískur



Koktailbarþjónar eru sumir sirkuslistamenn 

Margir kokkteilbarþjónar sýna listir sem minna á sirkusatriði þegar þeir blanda kokkteila. Þannig henda menn flöskum upp í loft, láta þær snúast í heilan hring áður en kokkteillinn er blandaður og sumir kasta þeim aftur fyrir sig og yfir höfuð eins og heimsbyggðin sá til dæmis í vinsælu kvikmyndinni Cocktail með Tom Cruise í aðalhutverki á níunda áratug síðustu aldar. Jónas segir að hann ástundi þessar listir ekki mikið en þó séu margir kokkteilbarþjónar á Íslandi býsna flinkir í þessu. Stælar af þessu tagi hafa hins vegar alls ekkert úrslitavald um gæði kokkteilbarþjónsins. Þeir sem ekki drekka áfengi og þeir sem vilja ekki verða ölvaðir þurfa ekki að upplifa sig útundan. Lítt áfengir og jafnvel áfengislausir kokkteilar verða stöðugt vinsælli að sögn Jónasar og eru fjölmargar uppskriftir til að slíkum sem náð hafa miklum vinsældum. Þannig geta menn nú drukkið kokkteila án þess að þurfa að hafa áhyggjur af timburmönnum daginn eftir. islandvaknar@k100.is

mbl.is
Fréttir

Gamaldags rafmagnshjól

Græja dagsins er þetta rafmagnshjól sem hannað er í stíl fortíðar. Það kostar litla 7 þúsund dali. Nánar »

Fréttir

Katy Perry aftur sökuð um kynferðislega áreitni

Sjónvarpskona í Georgíu sakar Katy Perry um kynferðislega áreitni. Nánar »

Ísland vaknar

Nýir þættir að koma á Netflix

Það styttist í haustið og þá fara streymisveitur, eins og til dæmis Netflix, að kynna hvað er í vændum. Nánar »

Íslensk börn upplifa jafnvel meira ofbeldi en önnur börn á Norðurlöndum.
Ísland vaknar

Stöðvum feluleikinn

Ingibjörg Magnúsdóttir kom í Ísland vaknar í vikunni og ræddi verkefni Unicef sem heitir: Stöðvum feluleikinn. Einar Hansberg ætlar að róa einn metra fyrir hvert barn en talið er að 13.000 börn verði fyrir einhvers konar ofbeldi fyrir 18 ára aldur. Nánar »

Ísland vaknar

Krummi kominn í Kántrý

Krummi í Mínus er loksins kominn með nýtt lag. Hann er að vísu einn í þetta skiptið en nú er hann kominn aftur heim, í kántríið. Nánar »

Fréttir

Viðrar vel til bolta-árása um helgina

Síðasta fullorðinsmót sumarsins í strandblaki fer fram núna um helgina. Nánar »

Ísland vaknar

Lengir grænmeti lífið?

Stöðugt er verið að ræða hvað sé heilbrigt og hollt. Stundum á að borða mikið af grænmeti og lítið af kjöti og síðan öfugt. Nánar »

Ísland vaknar

Þórunn Harðardóttir er buguð móðir

Það getur verið erfitt að vera foreldri þegar líða tekur á sumarið. Það hefur Þórunn Harðardóttir reynt á eigin skinni. Nánar »

George Michael á tónleikum árið 2007.
Fréttir

Rómantísk gamanmynd með tónlist George Michael

Fyrsta kynningarstiklan úr myndinni Last Christmas hefur litið dagsins ljós. Nánar »

Ísland vaknar

Barnabílstólar til leigu

Guðmundur Birgir Ægisson rekur nýtt fyrirtæki sem leigir út barnabílstóla. Talið er að hvert barn þurfi minnst þrjá mismunandi bílstóla frá fæðingu. Nánar »

Í loftinu núna
Endalaus tónlist