menu button

Þetta eru aðallögin í kvöld

Fyrri undankeppni Eurovision 2019 fer fram í kvöld.
Fyrri undankeppni Eurovision 2019 fer fram í kvöld.

Það hefur væntanlega ekki farið fram hjá neinum að fyrra undankvöld Eurovision er í kvöld þar sem okkar fólk í Hatara mun koma fram en þau verða verða númer 13 í röðinni af 17. Það verða svo 10 lög sem komast áfram í lokakeppninni á laugardaginn og er sá einstaklingur vandfundinn sem spáir Íslandi ekki öruggu sæti í henni. Af tveimur undanriðlum er þessi fyrri síðri og verður samkeppnin á fimmtudaginn um laust sæti án efa harðari. 

Til þess að allir geti farið sæmilega vel undirbúnir inn í kvöldið skulum við fara stuttlega yfir nokkur lög sem skipta máli í kvöld og flestir telja að muni veita okkar fólki í Hatara samkeppni um sæti í lokakeppninni.

Grikkland: Katerine Duska - Better love
Við stöldrum fyrst við í Grikklandi. Fulltrúi Grikkja í ár er ansi frambærileg söngkona, Katarina Duska, sem er af kanadísku og grísku bergi brotin. Hún er fæddist í Montreal árið 1989 en býr nú í Aþenu. Hún mætir með ansi nútímalegt og rólegt popplag undir breskum poppáhrifum enda lagahöfundurinn sem gerði það með henni skoskur. Lagið er mjög auðmelt og hljómar eins og eitthvað sem gæti verið vinsælt í útvarpinu um þessar mundir. Katarina verður með ballettdansara á sviðinu með sér sem verður bleiktóna. Veðbankar eru sammála um að lagið fljúgi áfram upp úr undankeppninni í kvöld.

Kýpur: Tamta - Replay
Næstir eru frændur Grikkja frá Kýpur. Kýpverjum gekk einstaklega vel en hún Eleni lenti í öðru sæti með lagið Fuego sem sló svo í gegn á útvarpsstöðvum víða um Evrópu í kjölfarið, m.a. á K100. Það má segja að þeir ætli að veðja á endurtekið efni í keppninni í ár en í stað Eleni er grísk-georgíska söngkonan Tamata mætt með suðrænan sumar- og sólskinsslagara sem svipar mjög til lagsins í fyrra. Til þess að toppa þetta heitir lagið Replay! Söngur Tamta hefur ekki heillað þá sem hlýtt hafa á æfingar í Tel Aviv en sviðssetningin verður flott og telja flestir að það muni skila henni öruggri í úrslitin.

Ungverjaland: Joci Pápai - Az én apám
Hann Joci komst alla leið í 8. sætið í Eurovision 2017 með mjög heillandi lagi sem heitir Origo (við gáfum því 2 stig í símakosningunni!). Hann er mættur aftur til leiks í ár og ætlar að freista þess að bæta árangurinn frá því 2017. Vandamálið er bara að lagið sem hann mætir með til leiks í ár er mun lakara en Origo. Þetta lag er í mjög þjóðlegum stíl og fjallar um minningar Joci frá því að hann var barn en lagið heitir „Az én apám„ eða „Faðir minn“.

Tékkland: Lake Malawi - Friend Of A Friend
Tékkar mæta til leiks með ansi hressandi hljómsveit sem starfað hefur síðan 2013, Lake Malawi. Liðsmenn hljómsveitarinnar eiga það sameiginlegt að vera nokkuð myndarlegir og hressir. Það má segja að spilagleðin skíni af þeim á sviðinu. Hljómsveitin minnir eilítið á bandarísku sveitina Walk The Moon sem gerði lagið Shut Up and Dance vinsælt fyrir nokkrum árum. Sannkallað gleðipopp þarna á ferðinni sem grípur mann auðveldlega. Litríkt sviðið og lifandi sviðsframkoma ásamt frambærilegu lagi mun koma þessum strákum í úrslitin á laugardaginn.

Belgía: Eliot - Wake Up
Það er frönskumælandi ríkisútvarp Belga sem sér um atriði þeirra í ár. Þeim hefur tekist einstaklega vel upp síðustu ár að koma með flott atriði í keppnina sem öll eiga það sameiginlegt að skarta ungum, töff týpum, sem vakið hafa athygli. Árið 2015 sendu þeir hinn 19 ára Loic Nottet til leiks með lagið Rythm Inside sem vakti gríðarlega athygli og aðdáun sem skilaði honum fjórða sætinu. Árið 2017 sendu þeir svo hina 16 ára Blanche með lagið City Lights sem sömuleiðis vakti mikla athygli og skilaði þeim einnig fjórða sætinu. City Lights varð mjög vinsælt hér á landi eftir keppnina. Enn og aftur veðja hinir frönskumælandi Belgar á unga og töff týpu, nú er það hinn 18 ára gamli Eliot sem flytur lagið Wake Up. Með Eliot er á ferðinni sami lagahöfundur og færði okkur City Lights. Fagmannleg framkoma og gott lag Belga mun klárlega koma þeim áfram í kvöld.

Eistland: Victor Crone - Storm
Eistar senda sænskan söngvara til leiks í ár, Victor Crone, sem hefur reynt hefur að komast í Eurovision fyrir hönd Svíþjóðar án árangurs en hefur fundið sér leið í keppnina í gegnum Eistland. Lagið sem Victor mætir með til leiks er pottþétt popplag undir sterkum sænskum áhrifum frá listamönnum á borð við Avicii. Lagið hefur einmitt notið mikilla vinsælda í sænsku útvarpi. Sviðsframkoman á æfingum hefur ekki verið neitt sérstök og gæti það staðið í vegi fyrir því að þetta fína popplag fari áfram. 

 

Ástralía: Kate Miller-Heidke - Zero Gravity
Ástralir hafa, síðan þeir fengu þátttökurétt í keppninni árið 2015, sent frekar hefðbundin popplög til leiks. En í ár verður heldur betur breyting á því. Það er eins og þeir hafi hugsað, nú verðum við að prófa að fara „all in“ í Eurovision-flippinu. Lagið Zero Gravity er einhvers konar dans/óperulag sem er einstaklega furðulegt. Sviðsfrakoman verður líka nokkuð furðuleg en engu að síður glæsileg og mun það skila laginu upp úr undanriðlinum og jafnvel langt í aðalkeppninni. Orðið á götunni er að þetta lag sé það sem helst getur veitt okkur samkeppni um sigur í keppni kvöldsins. Það vill líka svo óheppilega til að þetta atriði er næst á undan okkur í kvöld, eða númer 12.

Skrýtnu lögin

Eurovision væri ekkert án skrýtnu laganna. Fyrir utan framlag Ástrala í ár er skrýtnasta lag keppninnar er án efa framlag Portúgal en margir eiga hreinlega erfitt með að greina að þar sé tónlist á ferðinni. Það er Conan Osíris sem keppir fyrir hönd Portúgal í ár með lagið Telemovés og það verður að segjast að lagið og sviðssetningin er mjög svo einkennileg. En Eurovision væri klárlega fátækari ef við fengjum ekki svona lög í keppnina. 

Svo má ekki gleyma hinum eina sanna Serhat sem er tyrkneskur en tekur þátt í keppninni fyrir hönd San Marino. Það er mikið gleðiefni að smáríki eins og San Marino takið þátt í keppninni ár eftir ár þrátt fyrir árangurinn láti á sér standa. Þetta er í annað skipti sem hann Sehrat tekur þátt fyrir hönd San Marino en hann mætir til leiks með diskóslagarann Say Na Na Na. Lagið er eins konar sakbitin sæla, maður elskar það en hatar að elska það. Það verður þó að teljast harla ólíklegt að Serhat komist áfram í kvöld, en allt getur svo sem gerst! Hann mun loka keppninni í kvöld og það gæti unnið með honum. 

Eins taka frændur okkar Finnar þátt í kvöld en það er Darude sem er eflaust flestum Íslendingum að góðu kunnur fyrir lagið Sandstorm sem semur lag Finna í ár. Fæstir spá þeim hins vegar áfram í kvöld. Eins er talið að framlög Sloveníu og Serbíu geti blandað sér í baráttuna í kvöld, hér er hægt að kynna sér hvaða lönd taka þátt í kvöld og hverju veðbankar spá fyrir um gengi þeirra. 

Góða skemmtun í kvöld. Megi hatrið sigra! Áfram Ísland! 
 

mbl.is
Eyþór hvetur ósátta borgarbúa til að mótmæla áformum borgarinnar í skipulagsmálum.
Ísland vaknar

Hvetur til mótmæla

Mikið er rætt um skipulagsmál borgarinnar um þessar mundir og ekki eru allir á eitt sáttir þegar kemur að áformum um að byggja á grænum svæðum borgarinnar, skipulag miðborgarinnar og fleira í þeim dúr. Eyþór Arnalds, oddviti sjálfstæðismanna í borgarstjórn, hefur haldið uppi gagnrýni á meirihlutann og segir þrjóskju ríkja í borgarstjórn. Nánar »

Góður svefn er lífsnauðsynlegur
Ísland vaknar

Hvernig sofum við betur?

Það verður ekki undirstrikað nóg hversu mikilvægur góður svefn er fyrir heilsuna. Um þetta eru allir helstu sérfræðingar sammála og sumir ganga svo langt að segja að stóran hluta heilsufarsvandamála megi rekja til lélegs svefns. Nánar »

Ísland vaknar

Við erum að ganga af göflunum

Um verslunarmannahelgina ætla slökkviliðsmenn af öllu landinu að ganga af göflunum. Þetta er í þriðja sinn sem þeir gera það. Ganga af göflunum er átaksverkefni slökkviliðsmanna, en þá taka þeir upp á ýmsu og óvanalegu. Nánar »

Ísland vaknar

Bréfdúfuþjálfun er stunduð hér á landi

Bréfdúfur eru merkilegt fyrirbæri og hér á landi er þónokkur hópur fólks sem heldur dúfurnar og þjálfar þær upp. Ragnar Sigurjónsson er blaðafulltrúi bréfdúfufélagsins og upplýsti hann hlustendur morgunþáttarins Ísland vaknar um hvernig bréfdúfuþjálfun fer fram. Nánar »

Steinunn Ósk er orðinn sérfræðingur í vörnum gegn lúsmýi.
Siggi Gunnars

Ekkert bit eftir þrjár útilegur

Hárgreiðslukonan Steinunn Ósk hefur tekið það upp hjá sjálfri sér að verða einn helsti sérfræðingur landsins í vörnum gegn lúsmýi. Nánar »

Landnámshænur eru vinsælar í útleigu.
Ísland vaknar

Viltu leigja hænu?

Júlíus Mar Baldursson býður fólki að leiga af sér landnámshænur gegn vægu gjaldi. Hann segir að þeim fjölgi sem vilja vera með hænur í kofa úti í garði, jafnvel í þéttbýli, og kostnaðurinn af því er minni en margan myndi gruna. Nánar »

Fréttir

Hvað gerist eftir fullnægingu?

Kristín Sif varpaði enn einni sprengjunni í lok vinnuvikunnar þegar hún spurði strákana hvað gerðist hjá þeim eftir fullnægingu. Það var nokkuð ljóst að spurningin kom á óvart og varð til mikilla vandræða fyrir drengina. Hún á það til að verða býsna nærgöngul í málefnum sem Jax og Ásgeiri þykir ekki eðlilegt að ræða á kaffistofum, hvað þá heldur í útvarpsþætti. Nánar »

Ísland vaknar

Ekki þvo fötin þín of oft

Margir þvo fötin sín eftir eins dags notkun. Margrét Dórothea Sigfúsdóttir skólastýra Hússtjórnarskólans segir það í flestum tilfellum óþarfa. Að hennar sögn slitna fötin mun hraðar en þörf er á ef þau eru þvegin daglega og styttir þetta endingatíma flíkanna til muna að hennar sögn. Nánar »

Jón Trausti Ólafsson forstjóri Öskju.
Ísland vaknar

Nægt rafmagn fyrir rafbílaflotann?

Skv. skýrslu Landsnets verður ekki nóg framboð af rafmagni á Íslandi til að knýja rafbílaflotann. Ísland vaknar lét sig málið varða í vikunni og fékk Jón Trausta Ólafsson forstjóra Öskju til að ræða þennan mögulega vanda. Nánar »

Ilmur Eir Sæmundsdóttir stofnandi maur.is.
Ísland vaknar

Viltu ná þér í iðnaðarmann?

Nýja vefsíðan maur.is býður iðnaðarmönnum, verktökum og öðrum sem taka að sér þjónustu fyrir fólk og fyrirtæki upp á að skrá sig í gagnagrunni síðunnar. Notendur síðunnar geta svo leitað á vefsíðunni að þeirri þjónustu sem þeim hentar og gefið þeim ummæli eftir frammistöðu. Ilmur Eir Sæmundsdóttir fékk þessa hugmynd þar sem oft væri erfitt að finna iðnaðarmenn og fleiri sem tækju að sér verkefni. Nánar »

Í loftinu núna
Endalaus tónlist
Ásgeir kom með einn góðan í morgunsárið (15.7.2019) — 00:00:59
1507 Klæddi sig í múffu (15.7.2019) — 00:01:22
Hver er kynþollafyllsti aldurinn (15.7.2019) — 00:02:42
Landnámshænur til leigu (15.7.2019) — 00:08:06