Hatari svarar spurningum í Ísrael

Rúnar Freyr Gíslason fjölmiðlafulltrúi Eurovision hópsins segir að konan sem stýrði blaðamannafundunum í Ísrael hafi alltaf reynt að stöðva spurningar til keppenda sem snerust um stríðsátökin fyrir botni Miðjarðarhafs.  Að hans sögn var það sami blaðamaðurinn sem alltaf spurði út í þetta og í tilfelli Hatara kom spurningin upp undir lok fundarins og tíminn sem skammtaður er fyrir hverja þáttökuþjóð var úti.  

Vopnaðir öryggisverðir fylgja hópnum

Í viðtali við Rúnar í morgunþættinum Ísland vaknar kom fram að allt gengi eins og í sögu.  Þó allir séu meðvitaðir um ófriðinn sem ríkir skammt frá keppnisstaðnum verði þau ekki vör við neitt að öðru leiti en því að vopnaðir öryggisverðir fylgi þáttakendum hvert fótmál.

Heyra má áhugavert viðtal við Rúnar Frey í spilaranum hér að neðan.

mbl.is