menu button

Hjóla frá Danmörku til Frakklands

Team Rynkeby er samnorrænt góðgerðarstarf. Stuðningsmenn þess hjóla á hverju sumri til Parísar til styrktar krabbameinssjúkum börnum. Félagið var stofnað árið 2002 þegar 11 hjólreiðamenn ákváðu að hjóla til Parísar í þeim tilgangi að sjá lokin á Tour de France-hjólreiðakeppninni. Guðbjörg Þórðardóttir einn forsvarsmanna keppninnar hér á landi heimsótti Ísland vaknar í gærmorgun, en hún segir að íslenskir hjólreiðamenn hafi safnað milljónum fyrir styrktarfélag krabbameinssjúkra barna.

Að mörgu að hyggja

Fyrirkomulagið er þannig að hver hjólreiðamaður greiðir þátttökugjald, en innifalið í því er reiðhjól, sérmerktur hjólafatnaður sem liðið hjólar í, gisting á leiðinni auk þess sem öll umgjörð keppninnar er innifalin í þátttökugjaldi. Hugsa þarf fyrir mörgu þegar hjóla skal á annað hundrað kílómetra á hverjum degi. Hjólreiðamönnunum fylgja bílar og bílstjórar sem sjá þátttakendum fyrir næringu á leiðinni.

Fimmtíu og fjögur lið

Í dag samanstendur Team Rynkeby af tvö þúsund og eitt hundrað hjólreiðamönnum og fimm hundruð aðstoðarmönnum. Þessi hópur skiptist í fimmtíu og fjögur lið frá Danmörku, Svíþjóð, Finnlandi, Noregi, Færeyjum, Íslandi og nú hefur Þýskaland einnig bæst í hópinn. Guðbjörg sagði í viðtalinu að þeir Íslendingar sem ætluðu að hjóla með í ár væru við stöðugar æfingar um þessar mundir.

Þægilegra að hjóla í Evrópu

Að hennar sögn er eftirsóknarvert að taka þátt í verkefnum sem þessu þar sem mun þægilegra sé að hjóla víða erlendis en hér heima. Þannig séu mun minni líkur á sterkum mótvindi, hitastigið sé mun þægilegra og brekkurnar færri og auðveldari. „Það er mun þægilegra að hjóla í léttum klæðnaði heldur en kappklæddur eins og maður þarf að gera hér,“ sagði hún í spjallinu í Ísland vaknar sem heyra má inni á heimasíðu K100. Ekki er sjálfgefið að fá að taka þátt, en valið er úr þúsundum umsækjenda sem sótt hafa um þátttökurétt en slíkar umsóknir eru fylltar út á heimasíðu Team Rynkeby. Ísland vaknar mun fylgjast náið með íslenska hópnum á ferðalagi sínu og verður í reglulegu sambandi við Guðbjörgu meðan á ferðinni stendur. 

mbl.is
Eyþór hvetur ósátta borgarbúa til að mótmæla áformum borgarinnar í skipulagsmálum.
Ísland vaknar

Hvetur til mótmæla

Mikið er rætt um skipulagsmál borgarinnar um þessar mundir og ekki eru allir á eitt sáttir þegar kemur að áformum um að byggja á grænum svæðum borgarinnar, skipulag miðborgarinnar og fleira í þeim dúr. Eyþór Arnalds, oddviti sjálfstæðismanna í borgarstjórn, hefur haldið uppi gagnrýni á meirihlutann og segir þrjóskju ríkja í borgarstjórn. Nánar »

Góður svefn er lífsnauðsynlegur
Ísland vaknar

Hvernig sofum við betur?

Það verður ekki undirstrikað nóg hversu mikilvægur góður svefn er fyrir heilsuna. Um þetta eru allir helstu sérfræðingar sammála og sumir ganga svo langt að segja að stóran hluta heilsufarsvandamála megi rekja til lélegs svefns. Nánar »

Ísland vaknar

Við erum að ganga af göflunum

Um verslunarmannahelgina ætla slökkviliðsmenn af öllu landinu að ganga af göflunum. Þetta er í þriðja sinn sem þeir gera það. Ganga af göflunum er átaksverkefni slökkviliðsmanna, en þá taka þeir upp á ýmsu og óvanalegu. Nánar »

Ísland vaknar

Bréfdúfuþjálfun er stunduð hér á landi

Bréfdúfur eru merkilegt fyrirbæri og hér á landi er þónokkur hópur fólks sem heldur dúfurnar og þjálfar þær upp. Ragnar Sigurjónsson er blaðafulltrúi bréfdúfufélagsins og upplýsti hann hlustendur morgunþáttarins Ísland vaknar um hvernig bréfdúfuþjálfun fer fram. Nánar »

Steinunn Ósk er orðinn sérfræðingur í vörnum gegn lúsmýi.
Siggi Gunnars

Ekkert bit eftir þrjár útilegur

Hárgreiðslukonan Steinunn Ósk hefur tekið það upp hjá sjálfri sér að verða einn helsti sérfræðingur landsins í vörnum gegn lúsmýi. Nánar »

Landnámshænur eru vinsælar í útleigu.
Ísland vaknar

Viltu leigja hænu?

Júlíus Mar Baldursson býður fólki að leiga af sér landnámshænur gegn vægu gjaldi. Hann segir að þeim fjölgi sem vilja vera með hænur í kofa úti í garði, jafnvel í þéttbýli, og kostnaðurinn af því er minni en margan myndi gruna. Nánar »

Fréttir

Hvað gerist eftir fullnægingu?

Kristín Sif varpaði enn einni sprengjunni í lok vinnuvikunnar þegar hún spurði strákana hvað gerðist hjá þeim eftir fullnægingu. Það var nokkuð ljóst að spurningin kom á óvart og varð til mikilla vandræða fyrir drengina. Hún á það til að verða býsna nærgöngul í málefnum sem Jax og Ásgeiri þykir ekki eðlilegt að ræða á kaffistofum, hvað þá heldur í útvarpsþætti. Nánar »

Ísland vaknar

Ekki þvo fötin þín of oft

Margir þvo fötin sín eftir eins dags notkun. Margrét Dórothea Sigfúsdóttir skólastýra Hússtjórnarskólans segir það í flestum tilfellum óþarfa. Að hennar sögn slitna fötin mun hraðar en þörf er á ef þau eru þvegin daglega og styttir þetta endingatíma flíkanna til muna að hennar sögn. Nánar »

Jón Trausti Ólafsson forstjóri Öskju.
Ísland vaknar

Nægt rafmagn fyrir rafbílaflotann?

Skv. skýrslu Landsnets verður ekki nóg framboð af rafmagni á Íslandi til að knýja rafbílaflotann. Ísland vaknar lét sig málið varða í vikunni og fékk Jón Trausta Ólafsson forstjóra Öskju til að ræða þennan mögulega vanda. Nánar »

Ilmur Eir Sæmundsdóttir stofnandi maur.is.
Ísland vaknar

Viltu ná þér í iðnaðarmann?

Nýja vefsíðan maur.is býður iðnaðarmönnum, verktökum og öðrum sem taka að sér þjónustu fyrir fólk og fyrirtæki upp á að skrá sig í gagnagrunni síðunnar. Notendur síðunnar geta svo leitað á vefsíðunni að þeirri þjónustu sem þeim hentar og gefið þeim ummæli eftir frammistöðu. Ilmur Eir Sæmundsdóttir fékk þessa hugmynd þar sem oft væri erfitt að finna iðnaðarmenn og fleiri sem tækju að sér verkefni. Nánar »

Í loftinu núna
Endalaus tónlist
Ásgeir kom með einn góðan í morgunsárið (15.7.2019) — 00:00:59
1507 Klæddi sig í múffu (15.7.2019) — 00:01:22
Hver er kynþollafyllsti aldurinn (15.7.2019) — 00:02:42
Landnámshænur til leigu (15.7.2019) — 00:08:06