menu button

Tvær nýjar alþjóðlegar verslanir opnaðar í Smáralind

Verslunin Zara í Smáralind er nú á tveimur hæðum.
Verslunin Zara í Smáralind er nú á tveimur hæðum.

Engin undantekning verður á skemmtilegheitum og metnaði þetta árið en göngugatan mun bókstaflega iða af lífið fimmtudaginn 7. mars og verslanir bjóða viðskiptavinum sínum veglegan afslátt eða dekra við þá með sínum hætti. Tinna Jóhannsdóttir, markaðsstjóri Smáralindar, segir skemmtiatriðin sjaldan eða aldrei hafa verið betri en í ár og leyfir sér því að lofa góðu kvöldi. „Sjálfur Páll Óskar Hjálmtýsson stígur á stokk hjá okkur auk þess sem Stjórnin, Greta Salóme og Birgir Steinn munu gleðja augu og eyru viðskiptavina Smáralindar. Það verður ekki mikið flottara.“

Mikilvæg ár að baki

Að sögn Tinnu er Smáralindin á lokametrum í endurskipulagningu sem staðið hefur yfir um nokkurt skeið. „Framkvæmt hefur verið á 20.000 af þeim rúmlega 60.000 fermetrum sem bygging Smáralindar samanstendur af og það má því segja að stór hluti hennar sé nýr og endurbættur. Nýir inngangar með nýrri lýsingu, ný barnasvæði, ný auglýsingaskilti, ný upplýsingaskilti auk þess sem nýjar verslanir og veitingastaðir hafa bæst í hópinn á meðan aðrir hafa fengið upplyftingu.“

Tinna Jóhannsdóttir markaðsstjóri Smáralindar.
Tinna Jóhannsdóttir markaðsstjóri Smáralindar.

Ný alþjóðleg vörumerki

Smáralind hefur á undanförnum árum tekist að ná til landsins með mikið af þekktum og sterkum alþjóðlegum vörumerkjum. Zara rekur sína einu verslun á Íslandi í Smáralind, flaggskipsverslun H&M er í Smáralind auk þess sem stærsta H&M Home-verslunin er einnig í húsinu. „Þá verða opnaðar hér tvær nýjar alþjóðlegar verslanir í Smáralind í maí, Weekday og Monki, en koma þeirra til landsins mun breyta miklu fyrir okkur enda höfum við haldið þeim rýmum í töluverðan tíma því þetta voru þau vörumerki sem við vildum fá í hús auk annarra sem við erum í viðræðum við um þessar mundir.“

Umhverfi smásölu hefur tekið breytingum

Að sögn Tinnu hefur smásöluumhverfið tekið gríðarlega miklum breytingum að undanförnu þó svo að hún vilji meina að við hér á Íslandi höfum fundið minna fyrir því en margir aðrir markaðir sem stærri eru. „Á heimsvísu eru flest fyrirtæki að fækka fermetrum sínum, auka við sýnileika sinn í netsölu, auka við þjónustustig sitt og snertifleti við viðskiptavinina. Þau fyrirtæki sem skara munu fram úr í þessum bransa til framtíðar að mínu mati, eru þau sem munu ná að sinna sinni „físísku“ verslun vel með háu þjónustustigi, í bland við aukinn sýnileika á netinu og netverslun. Að versla í gegnum netið er ekki fyrir alla en flest okkar erum þannig að við viljum skanna á netinu, skoða úrvalið, mynda okkur skoðun, bera saman og þess háttar áður en við leggjum af stað í verslunina sem okkur líst best á. Þar viljum við þukla, þreifa, máta og fá tilfinningu fyrir vörunni og gæðum hennar. Suma hluti er ekkert mál að kaupa í gegnum netið á meðan það er erfiðara með aðra. Til framtíðar þurfum við því þetta mix, þessa blöndu sem getur skilið á milli feigs og ófeigs til framtíðar held ég.“

Áhrifavaldar og styrkur samfélags- og stafrænna miðla hafa breytt viðskiptamódelum margra þessara fyrirtækja og þau eru í auknum mæli farin að einbeita sér að því að hanna fatnað sem telst til götutísku. Lúxusvörumerkin eins og Gucci og Prada hafa stækkað markhóp sinn og sá flokkur smásölu gengur hvað best á heimsvísu í dag. „Markhópur þeirra hefur stækkað gríðarlega og alveg niður í unglinga sem fyrir nokkrum árum höfðu lítinn sem engan áhuga á þessum flokki vörumerkja.“

Verslunarmiðstöðvar eru upplifunarhús

Upplifun er orð sem hefur verið mikið í umræðunni að undanförnu. Með tilkomu samfélagsmiðla er sjónræn upplifun orðin miklu mikilvægari, umhverfi og stemning spilar stærri rullu en nokkru sinni áður og matarupplifun er nokkuð sem nær bæði yfir bragð gæði og útlit þess sem við neytum. „Samfélagsmiðlarnir hafa breytt hegðun okkar og fólk sækir í dag í vörur og umhverfi sem er sjónrænt, myndrænt og líklegt til að auka fylgi okkar og eftirtekt á samfélagsmiðlunum.“

Tinna segir kynslóðina sem nú sé að vaxa úr grasi hafa almennt miklu meiri áhuga á að upplifa og eyða peningum í slíkt heldur en kynslóðin sem á undan var. „Ungt fólk ferðast mikið, dvelur lengur í heimahúsum, menntar sig meira og fer meira út að borða og í bíó. Það er gríðarlega meðvitað um það framboð sem í boði er hverju sinni enda ógrynni af upplýsingum miðlað frá fyrirtækjum á hverjum degi á samfélagsmiðlunum. Þá vilja viðskiptavinir í dag að allt gangi smurt og vel fyrir fyrir sig, kaupferlar séu stuttir og snurðulausir og að aðgengi sé frábært. Nútímaeinstaklingurinn er stöðugt í kapphlaupi við tímann og við leitumst stöðugt eftir því að spara tíma. Allt sem einfaldar lífið er vel þegið og skapar viðskiptavild í dag.“

Tinna bendir á að þetta séu þær augljósu breytingar sem hafi orðið á rekstri verslunarmiðstöðva sem og fyrirtækja. „Við erum stöðugt að fylgjast með tískustraumum í heiminum og aðlaga okkur breyttri hegðun og þörfum fólks og markaðarins. Svona hús eins og Smáralind eru lifandi og eiga að vera það, stuðla að breytingum og það má aldrei sofna á verðinum auk þess sem gæta verður að því að hér sé eitthvað fyrir alla aldurshópa, bæði kynin, hátíska og útvistarfatnaður, veitingastaðir, upplifun, matvara, þjónusta eins og skósmiður og blómabúð og allt það sem hugurinn girnist. Við viljum að í Smáralind fáir þú allt sem þú þarft, vinsælustu vörumerkin á markaðnum, á einum þægilegum og björtum stað með frábæru aðgengi.“

Tinna segir einstaklega spennandi tíma framundan og að fleiri breytingar verði kynntar á næstunni.

Þessi grein birtist í K100 blaðinu sem fylgdi Morgunblaðinu í dag. Þú getur lesið blaðið með því að smella hér

mbl.is
Sturla Sighvatsson í hlutverki Benjamíns dúfu.
Fréttir

Benjamín dúfa keypti blokk á Ásbrú

Fjárfestir og fasteignamógúll með forsögu úr kvikmyndum keypti blokk á Ásbrú. Nánar »

Bryan Adams hefur selt yfir 65 milljón platna á heimsvísu og er einn af vinsælustu tónlistarmönnum í heimi.
Kynning

Tónleikar til heiðurs Bryan Adams

Þann 5. nóvember næstkomandi mun kanadíski tónlistarmaðurinn og Íslandsvinurinn Bryan Adams verða 60 ára. Að því tilefni verða haldnir tónleikar honum til heiðurs 1. nóvember í Gamla Bíó. Nánar »

John Lithgow í hlutverki sínu í kvikmyndinni Bombshell.
Fréttir

John Lithgow ógnvekjandi

Ný stikla úr kvikmyndinni „Bombshell“ hefur litið dagsins ljós. Myndin er byggð á sannsögulegum atburðum innan bandarísku Fox fréttastöðvarinnar þar sem fréttakonur máttu þola kynferðislega áreitni frá yfirmanni þeirra, Roger Ailes, um langt árabil. Nánar »

Björgvin Halldórsson.
Ísland vaknar

Brimkló saman á ný?

Sterkur orðrómur er á kreiki um að hljómsveitarmeðlimir séu að dusta rykið af hljóðfærunum og ræða að koma fram á ný. Rætt var við stórsöngvarann Björgvin Halldórsson í morgunþættinum Ísland vaknar á K100. Nánar »

Hallgrímur Ólafsson ásamt konunni sinni, Matthildi Magnúsdóttur, sem er vön að skrifa athafnir daglegs lífs niður á miða fyrir hann.
Fréttir

Halli Melló er með skæðan athyglisbrest

Leikarinn Hallgrímur Ólafsson, eða Halli Melló, er með gríðarlegan athyglisbrest. Hann náði samt mikilvægum áfanga í gær þegar konan hans fór til útlanda. Nánar »

Sigga Kling sér um stjörnuspána á mbl.is.
Fréttir

Logi Bergmann og Sigga Kling tókust á

Sigga Kling, spákona Íslands, lagði línurnar fyrir komandi samstarf í nýjum síðdegisþætti á K100. Nánar »

Fréttir

Sjón skrifar handrit að nýrri mynd með Nicole Kidman

Kvikmyndin um Norðmanninn er sögð eiga að gerast á Íslandi á víkingaöld. Nánar »

Sörur eru eitt af því besta sem til er.
Fréttir

Sörur seljast eins og heitar lummur

Hægt er að kaupa tilbúnar Sörur sem oft eru seldar í fjáröflunarskyni á netinu. Nánar »

Kristinn Bjarnason, framkvæmdastjóri sölusviðs Toyota, og Haraldur Johannessen, ritstjóri Morgunblaðsins, draga út vinningshafa í áskriftarleik Morgunblaðsins.
Ísland vaknar

Vann Toyota Corolla í áskriftarleik Morgunblaðsins

Ágústa Elín Ingþórsdóttir var í morgun dregin út í áskriftarleik Morgunblaðsins og vann glæsilega Toyotu Corollu. Nánar »

Gunna Stella Pálmarsdóttir er hætt að reyna að vera ofurkona.
Fréttir

Hætti að vera ofurkona

Gunna Stella tók afdrifaríka ákvörðun fyrir 15 árum sem gerði henni lífið betra. Ákvörðunin snerist um að hætta að reyna að vera ofurkona. Nánar »