menu button

Ákvað að breyta þessu böli í blessun

Kristín Sif leggur mikið upp úr andlegri sem og líkamlegri ...
Kristín Sif leggur mikið upp úr andlegri sem og líkamlegri vinnu. Birta Rán Björgvinsdóttir

Það er óhætt að fullyrða að Kristín Sif sé atorkusöm og farsæl kona en það virðist vera sama hvað hún tekur sér fyrir hendur þá gerir hún það með glæsibrag. Kristín hefur unnið marga persónulegra sigra á árinu og náð mögnuðum markmiðum.

Glöggir hlustendur K100 hjuggu þó eftir því að á síðasta ári upplifði Kristín óvænt fráfall unnusta síns og barnsföður og hefur hún talað opinskátt um sorgina sem hefur án efa hjálpað fleirum en henni sjálfri. Hún hefur haldið ótrauð áfram með lífið og veitt öðrum mikinn innblástur með viðhorfi sínu og æðruleysi. Við forvitnuðumst aðeins um daginn og veginn hjá henni og hvernig hún skipuleggur dagana sína sem eru oft á tíðum ansi langir og geta einkennst bæði af gleði og sorg.

Hvenær vaknarðu fyrir þátt? Ég vakna alltaf rétt fyrir kl. 5.00 á morgnana.

Hvernig undirbýrðu þig fyrir útsendingu? Ég byrja alltaf á ákveðinni rútínu á morgnana sem peppar mig í gang, þetta er rútína sem ég hef tileinkað mér eftir að ég fór á námskeið hjá Bjarti Guðmundssyni.

Kristín Sif vekur hlustendur K100 með bros á vör alla ...
Kristín Sif vekur hlustendur K100 með bros á vör alla virka morgna. Gassi

Ullandi og grettandi sig í beinni

Hefurðu einhvern tímann gleymt því algjörlega að þú ert í beinni útsendingu og gert einhvern óskunda? Já, einu sinni var fréttatími í gangi, við Siggi Gunnars vorum í stúdíóinu ásamt fréttamanninum. Siggi var mjög niðursokkinn í tölvuna og ég byrjaði að gretta mig svakalega framan í hann til að ná athygli hans, ulla og geifla á mér andlitið. Alls ekki meðvituð um það að ég væri í beinni útsendingu á netinu og á rás 9 í Sjónvarpi Símans.

Hvað er það skrítnasta sem þú hefur tekið þátt í í útsendingu? Hugsanlega að láta fólk borða orma, en ég er svolítið skrítin skrúfa sjálf og geri margt furðulegt.

Hver eru eftirminnilegustu mistökin í beinni? Þegar ég var á mixernum hjá Svavari og með honum var Tobba Marinós en hún var að leysa Svala af í morgunþættinum á sínum tíma. Það verið að segja fréttir af alvarlegri nóróveirusýkingu á skátamóti og ég átti að hækka í hljóðbroti sem ég spilaði úr tölvunni. Þegar ég hækkaði í tölvunni í útsendingu var Sigga Dögg kynfræðingur í gangi að tala um sýfilis en hún hafði verið í viðtali fyrr um morguninn. Ég fór í smá panik þegar mér tókst ekki að laga þetta og hækkaði aftur í Siggu og endaði með því að segja hátt og snjallt „SHIT“ í útsendingu.

Hvaða viðmælandi hefur haft mestu áhrifin á þig?
Stefán Karl þegar hann ræddi baráttuna um krabbameinið og sagði „dauðinn er nauðaómerkilegt fyrirbæri, lífið er stórkostlegt og við eigum að lifa því. Við eigum að lifa því núna“.

Hver væri draumaviðmælandinn þinn?
Tony Robbins.

Færðu aldrei leiða á þessum hrekkjalómum sem þú vinnur með sem rugla og bulla í þér alla morgna? Nei, hvernig er hægt að fá leiða á fólki sem fær mann til að hlæja alla daga?

Kristín Sif hefur náð einstökum árangri í boxi undanfarið.
Kristín Sif hefur náð einstökum árangri í boxi undanfarið.

Sorgin er alls konar

Myndirðu segja að það hefði hjálpað þér að mæta fljótlega aftur til vinnu eftir fráfall unnusta þíns?  Ég myndi segja það, að geta mætt á morgnana, hitta vini sína á hverjum degi, halda rútínu og fá jafn mikinn stuðning frá vinnustað og ég fékk frá mínum hjálpaði mér mjög. Hinn valkosturinn var að vera ein heima og hugsa. Fyrstu dagana sem ég mætti var ég auðvitað ekki eins og ég átti að mér að vera og er ennþá að finna fyrir því að lífið er svo mikið breytt.

Ef ég þurfti að fara fram og gráta eða leið ekki vel í útsendingu þá fór ég bara fram eða heim. Fæ bara að vera eins og ég vil í vinnunni og það hefur hjálpað mér einstaklega mikið.

Hvað ráð geturðu gefið öðru fólki í sorg? Það er mikilvægast að vita það að sorgin er allskonar og jafnvel ekki eins hjá neinum tveimur.

Leyfðu þér að finna sorgina með þínum hætti og leyfðu henni að flæða, ekki streitast á móti henni eða láta einhvern segja þér að láta einhvern segja þér hvernig þú átt að haga þinni sorg.

Þú hefur náð ótrúlegum árangri í Crossfit og bardagaíþróttum, meðal annars hreppt titilinn hnefaleikakona ársins 2018, hlotið silfurverðlaun á Norðurlandamótinu í hnefaleikum árið 2018 og margt fleira. Hefur þessi vegferð þín, markmiðasetning og það að hugsa svona vel um heilsuna átt þátt í bata þínum og uppbyggingu? Já, það hefur klárlega átt stóran þátt í bata mínum eftir áfallið. Þegar maður lendir í áfalli eins og ég lenti í er það ekki bara andlegt heldur einnig líkamlegt því að líkaminn er svo fullkominn að hann setur allt í gang til að hreinlega halda þér á lífi. Hormón sem vernda þig fara á fullt og deyfa þig í sorginni og áfallinu. Þegar maður hlustar á líkamann og verður meðvitaður um það hvernig hann virkar þá er alveg magnað að fylgjast með þessu ferli og upplifa. Það að ég væri líkamlega sterk þegar áfallið reið yfir hjálpaði mikið en ég gat ekki æft lengi á eftir, gat ekki einu sinni gert 10 burpees sem venjulega er hluti af upphitun hjá mér í dag.

Kristín segir Stefán Karl hafa haft djúpstæð áhrif á sig.
Kristín segir Stefán Karl hafa haft djúpstæð áhrif á sig.

90% hvernig við bregðumst við

Hvað um hugann, hvernig þjálfarðu hann? Ég hef unnið í því í nokkur ár að laga hugarfarið eða svokallað mindset training og það hefur eiginlega verið það sem hefur komið mér í gegnum áfallið á heilbrigðan hátt held ég.

Lífið er 10% það sem kemur fyrir okkur og 90% hvernig við bregðumst við. Erfiðar aðstæður geta klárlega orðið erfiðari ef maður ákveður það en maður getur líka gengið með áfalli eða sorg og komið út úr því sterkari og betri manneskja ef það er það sem maður ákveður að gera. Það sem ég ákvað að gera var að breyta þessu böli í blessun.

Áttu þér einhver draumamarkmið sem þú vilt deila með okkur að lokum? Í íþróttunum er markmiðið að verða Íslandsmeistari kvenna í mínum flokki í hnefaleikum 2019, á Norðurlandamótinu í hnefaleikum núna í lok mars þá er auðvitað draumur að vinna gull, síðan væri geggjað að geta verið hvatning fyrir fleiri stelpur að byrja í boxi því að það er svo geggjuð íþrótt. Því næst er markmiðið í vinnunni að vera með skemmtilegasta morgunþátt landsins, Ísland vaknar.

Að lokum á ég mér eitt fallegt markmið og er búin að eiga lengi sem snýst um að hjálpa fólki með ákveðnum hætti. Ég segi ykkur betur frá því þegar nær dregur og er mjög spennt þegar að því kemur.

Hitt og þetta Kristínar:

Uppáhaldsmatur þegar þú ætlar að gera vel við þig? Eitthvað með bernaise-sósu, eiginlega alveg sama hvað.

Besti útvarpsmaðurinn? Chris Moyles

Uppáhaldsbíómynd? Legends of the fall, Hacksaw ridge og Memoirs of a Geisha

Uppáhaldsheimasíða? www.google.com

Uppáhaldssamfélagsmiðlastjarna? Eva Ruza er langskemmtilegust

Besta dekrið? Hárdekur á Senter Hársnyrtistofu

Uppáhaldsverslun? Under Armour

Draumaflíkin fyrir sumarið? Eitthvert geggjað bikiní

Skórnir? Flottir hælar

Draumaferðalagið? Langar mjög mikið að fara til Kúbu

Þessi grein birtist í K100 blaðinu sem fylgdi Morgunblaðinu í dag. Þú getur lesið blaðið með því að smella hér.

mbl.is
Sturla Sighvatsson í hlutverki Benjamíns dúfu.
Fréttir

Benjamín dúfa keypti blokk á Ásbrú

Fjárfestir og fasteignamógúll með forsögu úr kvikmyndum keypti blokk á Ásbrú. Nánar »

Bryan Adams hefur selt yfir 65 milljón platna á heimsvísu og er einn af vinsælustu tónlistarmönnum í heimi.
Kynning

Tónleikar til heiðurs Bryan Adams

Þann 5. nóvember næstkomandi mun kanadíski tónlistarmaðurinn og Íslandsvinurinn Bryan Adams verða 60 ára. Að því tilefni verða haldnir tónleikar honum til heiðurs 1. nóvember í Gamla Bíó. Nánar »

John Lithgow í hlutverki sínu í kvikmyndinni Bombshell.
Fréttir

John Lithgow ógnvekjandi

Ný stikla úr kvikmyndinni „Bombshell“ hefur litið dagsins ljós. Myndin er byggð á sannsögulegum atburðum innan bandarísku Fox fréttastöðvarinnar þar sem fréttakonur máttu þola kynferðislega áreitni frá yfirmanni þeirra, Roger Ailes, um langt árabil. Nánar »

Björgvin Halldórsson.
Ísland vaknar

Brimkló saman á ný?

Sterkur orðrómur er á kreiki um að hljómsveitarmeðlimir séu að dusta rykið af hljóðfærunum og ræða að koma fram á ný. Rætt var við stórsöngvarann Björgvin Halldórsson í morgunþættinum Ísland vaknar á K100. Nánar »

Hallgrímur Ólafsson ásamt konunni sinni, Matthildi Magnúsdóttur, sem er vön að skrifa athafnir daglegs lífs niður á miða fyrir hann.
Fréttir

Halli Melló er með skæðan athyglisbrest

Leikarinn Hallgrímur Ólafsson, eða Halli Melló, er með gríðarlegan athyglisbrest. Hann náði samt mikilvægum áfanga í gær þegar konan hans fór til útlanda. Nánar »

Sigga Kling sér um stjörnuspána á mbl.is.
Fréttir

Logi Bergmann og Sigga Kling tókust á

Sigga Kling, spákona Íslands, lagði línurnar fyrir komandi samstarf í nýjum síðdegisþætti á K100. Nánar »

Fréttir

Sjón skrifar handrit að nýrri mynd með Nicole Kidman

Kvikmyndin um Norðmanninn er sögð eiga að gerast á Íslandi á víkingaöld. Nánar »

Sörur eru eitt af því besta sem til er.
Fréttir

Sörur seljast eins og heitar lummur

Hægt er að kaupa tilbúnar Sörur sem oft eru seldar í fjáröflunarskyni á netinu. Nánar »

Kristinn Bjarnason, framkvæmdastjóri sölusviðs Toyota, og Haraldur Johannessen, ritstjóri Morgunblaðsins, draga út vinningshafa í áskriftarleik Morgunblaðsins.
Ísland vaknar

Vann Toyota Corolla í áskriftarleik Morgunblaðsins

Ágústa Elín Ingþórsdóttir var í morgun dregin út í áskriftarleik Morgunblaðsins og vann glæsilega Toyotu Corollu. Nánar »

Gunna Stella Pálmarsdóttir er hætt að reyna að vera ofurkona.
Fréttir

Hætti að vera ofurkona

Gunna Stella tók afdrifaríka ákvörðun fyrir 15 árum sem gerði henni lífið betra. Ákvörðunin snerist um að hætta að reyna að vera ofurkona. Nánar »