menu button

Dansa eins og á síðustu öld

Kristín Sif hermir eftir Jax þegar hann dansar.
Kristín Sif hermir eftir Jax þegar hann dansar. K100/skjáskot

Þeir sem fylgjast með beinni sjónvarpsútsendingu úr hljóðveri K100 hafa tekið eftir því að glatt er á hjalla í morgunþættinum Ísland vaknar. Þannig má á stundum sjá þau Jón Axel, Kristínu Sif og Ásgeir Pál stíga trylltan dans við tónlistina sem spiluð er í þáttunum. Þó gleðin sé við völd þótti athuglum hlustanda ástæða til að nefna umræddan dans við þremenningana í bréfkorni til þáttarins í vikunni og þótti í raun nóg um. „Það er greinilegt á danssporunum að Jax og Ásgeir hafa ekki uppfært danssporin síðan löngu fyrir síðustu aldamót,“ sagði meðal annars í bréfinu.

Hefur reynt að kenna þeim dans

Kristín Sif segist margoft hafa nefnt þetta við meðstjórnendur sína og reynt að koma þeim inn á tuttugustu og fyrstu öldina með takmörkuðum árangri. „Vandamálið er að JAX klappar alltaf þegar hann dansar sem er nokkuð sem datt úr tísku fyrir 30 árum og Ásgeiri Páli finnst alltaf ægilega töff að smella fingrum.“ Jax segist ekki hafa farið út að skemmta sér síðan skemmtistaðurinn Thorvaldsen var og hét.

Danssporin virka ekki í dag

„Það myndu allir hlæja að þér á B5 ef þú reyndir að stíga danssporin þín þar,“ sagði Kristín Sif og bætti við að líklega yrði hringt á lækni ef Ásgeir myndi reyna það sama. „Ég er búin að reyna að kenna þeim hvernig folk dansar í dag, en það virðist hálfvonlaust,“ segir Kristín skellihlæjandi og bætir við að líklega væri best að fá fagmann í verkið. „Ég er ekki viss um að nokkur danskennari hafi þolinmæði í að gera mig hipp og kúl þegar kemur að dansi,“ sagði Ásgeir Páll.

Auglýsa eftir danskennara

„Við auglýsum eftir fagmanni sem telur sig geta komið til okkar svo þeir líti ekki út eins og hálfvitar við danssporin í hljóðverinu,“ sagði Kristín Sif að lokum og biður áhugasama um að setja sig í samband við þáttinn. Það er því deginum ljósara að spennandi verður að fylgjast með morgunþættinum á K100 næstu daga og vikur.

mbl.is
Wannabe og Hatrið mun sigra er einstök blanda!
Fréttir

Hatari og Spice Girls saman í „Hatrið mun sigra“

Þú verður að hlusta á nýja útgáfu af „Hatrið mun sigra“ þar sem einum af áhrifavöldum Hatara, Spice Girls, er blandað inn í málið. Nánar »

Hatari hafa sett BDSM á dagskrá sem er ekki óíkt því sem þátttaka Dana International gerði fyrir transfólk fyrir rúmum 20 árum
Siggi Gunnars

BDSM skyndilega á allra vörum

Það má segja að létt BDSM æði hafi gripið um sig hér á landi í kjölfar þátttöku Hatara í Eurovision. En hvað finnst félaginu BDSM á Íslandi um þetta allt? Nánar »

Fyrri undankeppni Eurovision 2019 fer fram í kvöld.
Pistlar

Þetta eru aðallögin í kvöld

Svo allir geti farið vel undirbúnir inn í kvöldið hefur Eurovision-sérfræðingurinn Siggi Gunnars tekið saman hvaða lög skipta máli í fyrri undankeppninni sem fer fram í kvöld. Nánar »

Ragnhildur Þórðardóttir eða Ragga Nagli segir að umhverfið móti venjur okkar og hegðun.
Ísland vaknar

Mikill áthraði eykur líkur á offitu

Ragga nagli segir að það sé mun heilsusamlegra að gefa sér góðan tíma í að borða heldur en að gúffa matnum í sig á stuttum tíma. Líkurnar á ofþyngd fari til að mynda minnkandi þar sem þeir sem borði á lengri tíma borði alla jafna minna en hinir. Nánar »

Ísland vaknar

Hatari stóð sig vel á blaðamannafundinum

Rúnar Freyr Gíslason fjölmiðlafulltrúi Eurovision hópsins segir að konan sem stýrði blaðamannafundunum í Ísrael hafi alltaf reynt að stöðva spurningar til keppenda sem snerust um stríðsátökin fyrir botni Miðjarðarhafs. Að hans sögn var það sami blaðamaðurinn sem alltaf spurði út í þetta og í tilfelli Hatara kom spurningin upp undir lok fundarins og tíminn sem skammtaður er fyrir hverja þáttökuþjóð var úti. Nánar »

Seinni undankeppni Eurovision 2019 fer fram í kvöld.
Pistlar

Lögin sem skipta máli í kvöld

Seinni undakeppni Eurovision fer fram í kvöld og hefur Eurovision-sérfræðingurinn Siggi Gunnars tekið saman þau lög sem talin eru líklegt til árangurs í kvöld. Nánar »

Steingrím Ólafsson langaði í sleikipinna þegar ástralska atriðið fór á svið
Ísland vaknar

Ástralska atriðið kveikti löngun í frostpinna

Steingrímur Ólafsson almannatengill fór yfir skemmtilegustu tístin á Twitter á meðan Eurovision-keppnin fór fram í Ísland vaknar. Nánar »

Jón Axel sem alla jafna nýtur þess að láta sér liða vel gekk í gegnum versta sársauka sem til er.
Ísland vaknar

Jón Axel upplifir fæðingasársauka

Jón Axel Ólafsson einn stjórnenda Ísland vaknar prófaði tæki sem líkir eftir sársaukanum sem konur upplifa við fæðingu. „Ég hef aldrei upplifað aðra eins pínu“; sagði útvarpsmaðurinn að lokinni tilrauninni en myndband af uppákomunni má sjá á meðfylgjandi myndbandi. Nánar »

Siggi Gunnars

Heiðra kvikmyndina A Star is Born

Kvikmyndin A Star is Born sló í gegn í kvikmyndahúsum í fyrra og er það ekki síst tónlistinni í kvikmyndinni að þakka hversu vel hún fangaði hug og hjörtu áhorfenda. Tónlistarmaðurinn Svenni Þór fékk þá hugmynd að setja upp tónleika með tónlistinni úr kvikmyndinni og munu þeir fara fram annað kvöld. Nánar »

Marta María Jónasdóttir undirbúr nú átta ára afmæli Smartlandsins. Hún hefur starfað í tæp tuttugu ár við blaðamennsku og ritstjórn.
Viðtöl

Hvers vegna nafnið „Smartland“?

Smartland Mörtu Maríu fagnar átta ára afmæli um helgina og út næstu viku. Lesendum verður boðið upp á óvæntan gjörning og ljóst að fréttastjóri dægurmæla og umsjónarmaður sérblaðaútgáfu Morgunblaðsins, Marta María Jónasdóttir, er með ýmislegt í bígerð. Hún kíkti í síðdegið á K100 til upprifjunar. Nánar »

Í loftinu núna
Endalaus tónlist