Bíógagnrýni: Glass og Close

Samuel L. Jackson, Bruce Willis og James McAvoy fara með …
Samuel L. Jackson, Bruce Willis og James McAvoy fara með hlutverk í Glass og í kvikmyndinni Close fer Noomi Rapace með aðalhlutverkið. Mynd/IMDB.com og MovieWeb.com

Raggi Eyþórsson, bíógagnrýnandi og framleiðandi, gaf Glass og Close ekki beint góða dóma, en þó eru greinilega ágætissprettir í hvorri mynd um sig. 

Glass er framhaldsmynd leikstjórans M. Night Shyamalan, en myndin er þriðja og síðasta myndin í þríleik á eftir myndunum Unbreakable og Split. Hún fór beint á topp íslenska bíó aðsóknarlistans um helgina en þar snýr Samuel L. Jackson aftur í hlutverki Elijah Price, eða hr. Glass. Raggi er þó á því að myndin sé langdregin og langsótt.

Einnig fór hann yfir dóma um Close, nýja Netflix-mynd þar sem Íslandsvinurinn Noomi Rapace fer með eitt aðalhlutverka sem lífvörður spilltrar ungrar stúlku sem hefur erft mikið ríkidæmi en er í hættu. Noomi er hvað þekktust fyrir leik sinn í Milennium-þríleiknum sem gerð var eftir bókum sænska rithöfundarins Stieg Larsson.

Hér má sjá bíógagnrýni Ragnars í heild. 

mbl.is