„Munurinn er móðurtilfinningin“

Mæðgin. Þorgerður Katrín og Gísli Þorgeir uppi í stúku eftir …
Mæðgin. Þorgerður Katrín og Gísli Þorgeir uppi í stúku eftir leik liðsins við Spán. Mynd/úr einkasafni á Facebook - birt með leyfi

„Það var skrýtið. Ég er búin að vera uppi á pöllum frá ´86 frá því á heimsmeistaramótinu í Sviss þar sem við lentum í 6. sæti. Maður er búinn að horfa á manninn og fullt af góðum vinum og þetta var bara allt öðruvísi,“ segir Þorgerður Katrín Gunnarsdóttir í síðdeginu á K100 hjá Loga og Huldu um það hvernig henni hafi liðið uppi í stúku í leiknum á móti Spánverjum þar sem sonur hennar, Gísli Þorgeir Kristjánsson, lék með íslenska karlalandsliðinu í handbolta.

„Ég ætla ekki að segja endilega að rykkornin hafi verið mörg, en hjartslátturinn varð aðeins örari, ég viðurkenni það alveg,“ segir Þorgerður einlæg. „Svo fer maður bara að horfa yfir völlinn og þá er það bara Ísland og það er stórkostlegt að horfa á strákana alla spila.“ 

Áhorfandi landsliðsins í rúm 30 ár

Þetta er fyrsta stórmót Gísla í handboltanum með A-landsliðinu, sem og margra annarra í liðinu sem eru að stíga sín fyrstu skref á stóra sviðinu. Kynslóðaskipti hafa orðið í liðinu og hefur Gísli Þorgeir þótt sprækur í leikjunum en þessi ungi handboltamaður spilar með Kiel í Þýskalandi, en þangað fór hann frá FH í fyrra. Þannig fetar hann í fótspor þeirra Arons Pálmarssonar og Guðjóns Vals Sigurðssonar sem báðir léku með þessu sigursælasta liði Þýskalands, sem Alfreð Gíslason hefur þjálfað frá árinu 2008.

Eiginmaður Þorgerðar og faðir Gísla er Kristján Arason, fyrrverandi fyrirliði íslenska landsliðsins og því má segja að Þorgerður sé að verða manna fróðust um karlalandsliðin í handbolta, enda fylgst vel með boltanum yfir 30 ár. En er einhver munur að horfa á barnið sitt spila eða eiginmann? Þorgerður hugsar sig um. „Það er móðurtilfinning. Þú vonar bara að allt gangi vel en að hann slasist ekki. Og að honum líði vel. En hitt er kannski meira keppnis,“ segir Þorgerður einlæg.

„Góð fyrirheit um framtíðina“

Hún segist finna mikla stemningu innan sem utan vallar og hrósar hún Þjóðverjunum fyrir framkvæmd mótsins og áhorfendum íslenska liðsins fyrir frábæra stemningu. Henni finnst óvenjugóð stemning í kringum mótið í samanburði við önnur stórmót.
En varðandi liðið í heild og árangurinn á mótinu segist hún verða alsæl nái liðið í milliriðil.
„Það sem ég er búin að sjá af liðinu hjá Gumma á þessu móti finnst mér gefa fyrst og fremst góð fyrirheit um framtíðina.“

Handboltafjölskylda. Fjölskylda Gísla var mætt til að fylgjast með í …
Handboltafjölskylda. Fjölskylda Gísla var mætt til að fylgjast með í München. Mynd/úr einkasafni á Facebook - birt með leyfi
mbl.is
Ísland vaknar

„Svefnleysi stóreykur líkur á alvarlegum sjúkdómum“

Samkvæmt nýjustu könnunum segist helmingur Íslendinga ekki sofa nóg. Nánar

Lena Endre leikur aðalhlutverk í þáttunum
Fréttir

Hlýnun jarðar í spennusagnastíl

Rúv hefur sýningar á nýrri sænsk/íslenskri spennuþáttaröð í febrúar. Þáttaröðin heitir Thin Ice en þættirnir eru framleiddir af Sagafilm og einu stærsta framleiðslufyrirtæki Svíþjóðar, Yellow Bird. Sögusviðið er Grænland. Nánar

Ozzy Osbourne og Elton John.
Fréttir

Heyrðu lag Ozzy og Elton John

Rokkarinn Ozzy Osbourne hefur gefið út glænýtt lag sem hann flytur með engum öðrum en Elton John. Lagið heitir Ordinary Man. Í texta þess kemur fram ósk höfundar um að vilja ekki deyja sem „venjulegur maður þegar litir dofna og árin færast yfir“. Nánar

Eva ásamt tökuliði Mannlífsþáttanna á toppi Esjunnar.
Síðdegisþátturinn

Ruza er rosaleg

Eva Ruza Miljevic, sem slegið hefur í gegn á samfélagsmiðlum og síðan sem skemmtikraftur, stimplaði sig af krafti inn á K100 í vikunni. Nánar

Henry Cavill í hlutverki sínu í þáttunum Witcher sem slegið hafa í gegn.
Fréttir

Witcher slær áhorfsmet

Sjónvarpsþáttaröðin The Witcher, sem sýnd er á Netflix, hefur slegið áhorfsmet, samkvæmt tilkynningu frá streymisveitunni. Nánar

Fréttir

Vilja leiðrétta misskilning um „swing“

Ýmsar getgátur eru um hvernig swing-klúbbar eru. Nánar

Fréttir

Lagið í 1917 sem allir eru að tala um

Þeir sem séð hafa myndina tala um að hafa fengið gæsahúð þegar hermaður syngur einsöng. Nánar

Guðni Gunnarsson.
Ísland vaknar

Máttur hjartans

„Megininntakið í bókinni er fyrirgefningin og að fá upp svarið við spurningunni um hvað þú vilt. Til þess að vilja viljandi þá verður þú að vilja þig. Ef þú hafnar þér og talar illa um þig þá viltu þig ekki.“ Nánar