menu button

Þrjú tímastjórnunarráð

Alda Sigurðardóttir, eigandi Vendum, segir langvarandi álag kalla á betri ...
Alda Sigurðardóttir, eigandi Vendum, segir langvarandi álag kalla á betri tímastjórnun og að fólk þurfi að taka ábyrgð á eigin líðan. Ljósmyndari: BIG

Alda Sigurðardóttir, stjórnendaþjálfari og eigandi Vendum, fór yfir hagnýt ráð í tímastjórnun í síðdegisþættinum á K100 hjá Loga og Huldu en hún fagnar um þessar mundir 8 ára afmæli fyrirtækisins.

Alda hefur kennt tímastjórnun og skipulagsfærni ásamt því að halda samskipta- og stjórnunarnámskeið fyrir mörg fyrirtæki hérlendis sem erlendis undanfarin ár. Og vaxandi umræða um kulnun og langvarandi álag kallar á að stjórna tíma sínum og taka ábyrgð á eigin líðan. Alda lagði áherslu á að hver og einn hugsaði tímastjórnun út frá sínum aðstæðum með áherslu á það sem maður getur haft bein áhrif á.

Breyttu einhverju einu

„Bara eitthvað eitt! Þegar við ætlum að breyta vinnulaginu okkar þá erum við að breyta gömlum venjum og hegðun og það getur verið átak, því okkur hættir til að falla í gamla hegðunarmynstrið. Þá er gott að vera búin að hugsa hvernig ætla ég að bregðast við ef það gerist. Þar sem að breytingar eru okkur mannfólkinu oft krefjandi þá er gott að byrja á að skoða spurninguna: ,,Ef ég breyti einhverju einu sem myndi almennt hafa virkilega mikil áhrif á mína tímastjórnun og skila mér meiri vellíðan, hvað væri það?“ Hulda nefndi að láta ekki símann kalla á sig í tíma og ótíma, sem eflaust margir tengja við og Logi nefndi að vera of mikið í tölvunni að skanna aftur og aftur hvað væri að detta inn, sem margir kannast við líka.

Skilvirk forgangsröðun

Hún sagði einnig frá því hvernig hún fór að vinna með skilvirka forgangsröðun er hún vann með John B. Vander Sande sem er fyrrverandi deildarforseti verkfræðideildar MIT.

„Þegar við unnum saman þá var föst venja að byrja alla daga á því að spyrja hvað er það allra mikilvægasta sem við gerum í dag? Í framhaldinu endurskipulagði hann dagskrána sína á hverjum degi út frá því. Í hádeginu var svo dagskráin endurskoðuð og sömu spurningunni velt upp.

Alda hvetur fólk til að gera tilraunir, taka lítil skref, sem geti haft mikil áhrif. Þriðja ráðið var því að greina mesta ,,verkinn“, eða þann tíma sem fer til dæmis í samfélagsmiðla, samhæfingu starfs og einkalífs, tölvupóstinn, of langa fundi eða einhverjir allt aðrir tímaþjófar. Það sem skiptir mestu máli er að prófa sig áfram, gera tilraunir á vinnulaginu, við erum að breyta hegðun og það er átak.

Alda Sigurðardóttir stjórnendaþjálfari hér með fyrirlestur um árangursríkar samskiptaaðferðir í ...
Alda Sigurðardóttir stjórnendaþjálfari hér með fyrirlestur um árangursríkar samskiptaaðferðir í stjórnun á afmælisráðstefnu Vendum. Ljósmyndari: BIG
mbl.is
Leikhópurinn Lotta hitaði börn, foreldra og forráðamenn upp fyrir páskaeggjaleitina.
Fréttir

Líf og fjör í páskaeggjaleit K100

Fjölmargir, ungir sem aldnir, litu við í Hádegismóum í dag þar sem fram fór páskaeggjaleit útvarpsstöðvarinnar K100. Líf og fjör var í leitinni og gestirnir nutu útivistarinnar til hins ýtrasta. Boðið var upp á veitingar fyrir alla. Nánar »

Þór Breiðfjörð, Eyþór Ingi og Ragnheiður Gröndal eru meðal þeirra sem koma fram á sýningunni.
Siggi Gunnars

Jesús og Júdas á K100

Það var glatt á hjalla í stúdíói K100 þegar þeir Þór Breiðfjörð og Eyþór Ingi, sem syngja hlutverk Júdasar og Jesú í tónleikasýningu Jesus Christ Superstar, litu við í morgun. Nánar »

Indversk stemning. Hluti áhafnarinnar áður en lagt var af stað frá Jaipur á Indlandi.
Logi Bergmann og Hulda Bjarna

Draumavinnuferðir

„Þetta er með því skemmtilegra sem ég hef gert um ævina,“ segir Guðmundur Gíslason flugmaður í flugi FI-1901 og einn úr áhöfninni sem flaug á dögunum með viðskiptavini Loftleiða Icelandic til nokkurra landa í Asíu á 14 dögum. Nánar »

Halldór Benjamín fagnar 40 ára afmæli sínu í London með konunni sem kom honum á óvart eftir langa og stranga samningalotu.
Logi Bergmann og Hulda Bjarna

„Nú slekk ég á símanum"

Halldór Benjamín Þorbergsson, framkvæmdastjóri Samtaka atvinnulífsins, er fertugur í dag. Eftir langar og strangar kjaraviðræður var hann gabbaður af eiginkonu sinni, lækninum Guðrúnu Ásu Björnsdóttur, sem hafði verið búin að undirbúa óvænta afmælisferð til London. Nánar »

Melónur bæta kynhvötina
Ísland vaknar

Vatnsmelónur auka getu karla

Karlmenn sem þjást af of litlu magni kynhormónsins testósteróns ættu að neyta vatnsmelóna að sögn Elísabetar Reynisdóttur næringarfræðings sem heimsótti Ísland vaknar. Nánar »

Fréttir

Hundruð páskaunga falin í Hádegismóum

Veðuguðirnir voru ekki með K100 í liði á laugardaginn sl. þegar hin árlega páskaeggjaleit stöðvarinnar átti að fara fram. Nánar »

Sirrý Arnardóttir vildi kanna hvort hún yrði hamingjusamara ef hún sleppti því að taka þátt í samfélaginu á Facebook.
Logi Bergmann og Hulda Bjarna

Sirrý Arnar sprakk vegna Guðna

Fjölmiðlakonan og ráðgjafinn Sirrý Arnardóttir segir frá skemmtilegu Facebook-bindindi á veggnum hjá sér. Hún spjallaði við Loga og Huldu í síðdegisþættinum á K100 og sagði frá líðan sinni í kringum þá ákvörðun að hætta og snúa svo aftur og kunna að meta miðilinn betur en áður. Nánar »

Emmsjé Gauta var bannað að auglýsa Audi með þeim hætti sem hann gerði á Instagram.
Logi Bergmann og Hulda Bjarna

Sleppur líklega við sektargreiðslu

Þórdís Valsdóttir lögfræðingur skrifaði meistararitgerð um duldar auglýsingar á samfélagsmiðlum og gildandi rétt í þeim málum. Hún segir Neytendastofu mega gefa út skýrari og auðlesanlegri reglur, líkt og hin Norðurlöndin hafa gert. Nánar »

Um 7000 ráðstefnugestir voru mættir til San Diego til að fylgjast með nýjustu straumum og stefnum í notkun samfélagsmiðla.
Logi Bergmann og Hulda Bjarna

Vinsælustu samfélagsmiðlarnir

Ein stærsta samfélagsmiðla ráðstefna heims, Social Media Marketing World, hefur verið haldin árlega frá árinu 2013 í San Diego. Logi og Hulda tóku stöðuna með Sigurði Svanssyni, yfirmanni stafrænna miðla hjá Sahara sem var á ráðstefnunni sem um 7000 manns sóttu í ár. Nánar »

Jóhannes Þór Skúlason, framkvæmdastjóri Samtaka ferðaþjónustunnar.
Fréttir

Verkalýðshreyfingin með „ranghugmyndir“

Jóhannes Þór Skúlason, framkvæmdastjóri Samtaka ferðaþjónustunnar (SAF), segir óskynsamlegt að setja ferðaþjónustufyrirtæki í þá stöðu að starfsmenn þeirra fari í verkfall nú í upphafi nýrrar viku ofan á allt annað sem ferðaþjónustan hefur mátt þola undanfarið. Nánar »

Í loftinu núna
Endalaus tónlist