„Af hverju er fólk þá að fylgja manni?“

Manuela Ósk Harðardóttir er vinsæl á samfélagsmiðlunum og færslur hennar …
Manuela Ósk Harðardóttir er vinsæl á samfélagsmiðlunum og færslur hennar vekja gjarnan athygli. Neteinelti og neikvæðni í garð hugleiðinga sinna líkar henni þó ekki og finnst alvarlegt mál.

Fyrirsætan Manuela Ósk er með rúmlega 50.000 fylgjendur á Instagram. Á dögunum sá hún 450 þúsund innlit á síðuna, en fékk hins vegar bara 300 „Like“ á sömu færslu. Hún veltir því upp hvort það sé eðlilegt. 

„Ef að ég sæi ekki þessar tölur þarna á bak við þá myndi ég kannski ekki pæla svona mikið í þessu. En þegar ég sé á einni viku að 450 þúsund fara inn á síðuna mína, 450 þúsund „impressions“ á Instagram-prófílnum á einni viku og ég sé að ég fæ kannski 300 like á hverja mynd. Það meikar ekki sens,“ segir Manúela Ósk, fyrirsæta og fegurðardrottning, í síðdeginu hjá Huldu og Loga. Hún ákvað því að setja inn færslu með þeim hugleiðingum í framhaldinu birti DV frétt um færsluna. 

Vill jákvæðari orku

Aðspurð hvort hún sé ekki komin út á hálan ís ef líðanin er farin að stjórnast af „Like“ á samfélagsmiðlunum, þá segir hún þetta ekki stjórna lífi sínu líkt og látið er líta út fyrir. Hún segist ekki taka svona færslu mjög persónulega að lokum og að hún hafi ekki sett færsluna inn út af vanlíðan. „Ég var aldrei reið eða sár eða brjáluð,“ segir Manúela. Henni finnst málið tekið úr samhengi, enda hafi hún bara sett þetta fram sem hugleiðingu til sinna fylgjenda.  Hún segist hugsi yfir því af hverju fólk fer inn til að fylgjast með fólki ef það vilji svo ekki samskiptin raunverulega. Hún bendir á að samfélagsmiðlar geti líka verið jákvæðir og skemmtilegir og því þætti henni skemmtilegra að viðbrögðin væru meiri og orkan jákvæðari. 

Neteineltið mikilvægari flötur 

Henni finnst mikilvægt að velta upp þeim viðbrögðum sem færsla hennar fær opinberlega. Hún telur eðilegra að fylgjendur séu um leið stuðningsmenn en ekki nettröll með leiðindi. Einnig finnst henni skrýtið að fjölmiðlar séu að setja þetta fram með þessum hætti, þar sem hún hafi bara viljað setja þetta fram sem hugleiðingu á eigin Instagram reikningi.  

Viðtalið við Manuelu Ósk má nálgast hér að neðan.  

Story-færsla Manúelu Óskar af Instagram sem DV birti skjáskot af.
Story-færsla Manúelu Óskar af Instagram sem DV birti skjáskot af.
mbl.is