menu button

Afsögn er eina leiðin til að ná fram réttlæti

Freyja Haraldsdóttir, baráttukona og doktorsnemi, segir umræðuna á Klaustri bar ...
Freyja Haraldsdóttir, baráttukona og doktorsnemi, segir umræðuna á Klaustri bar raunverulegt og algengt viðhorf í samfélaginu. Hún vonast til að það breytist og að fólk trúi raunverulega þeim fordómum sem fatlað fólk verður fyrir. Mynd/K100

Freyja Haraldsdóttir, fyrrverandi alþingismaður, doktorsnemi og talskona Tabú, segist ekki hræðast orð alþingismannanna sem voru látin falla á Klaustri bar 20. nóvember síðastliðinn, heldur óttist hún hugarheim þingmanna sem eigi að vinna að málefnum fatlaðs fólks. Henni var verulega brugðið og hún segir þetta mál hafa tekið sinn toll, en einnig segist hún upplifa eitthvað nýtt í tengslum við samstöðu og stuðning frá fólki. Hún vonast til að skilningur í garð fatlaðs fólks aukist með umræðunni.

Sameiginleg árás á fatlað fólk

„Mér var náttúrlega brugðið fyrst og því vildi ég ekki tjá mig strax og þurfti bara svolítið að melta þetta. En svo fannst mér eiginleg algerlega nauðsynlegt að bregðast við,“ segir Freyja í viðtali hjá Huldu og Loga í síðdegisþætti K100. „Þetta er sameiginleg árás á fatlað fólk og í því ljósi gat ég ekki þagað,“ segir hún.
Fyrr um daginn hafði Freyja birt hugleiðingar sínar á Facebook um hvernig ófatlað fólk sáir skömm í vitund fatlaðs fólks. Hún segir skömmina hellast reglulega yfir sig, eftir tiltekið augnaráð eða athugasemd og skömmin skrifist á líkama sinn. Þar deilir hún því jafnframt að henni hafi oftar en einu sinni verið líkt við dýr.

Raunverulegir fordómar 

„Ég er mjög þreytt og þetta er búið að taka mikið á. En á sama tíma hef ég fundið mjög mikinn kærleika og samstöðu frá samfélaginu. Sem er svolítið nýtt að sumu leyti fyrir mig og það gefur mér mikinn kraft,“ segir hún. Umræðan er flókin, en það sem geri þetta mál svolítið sérstakt sé að þarna sé um fólk í valdastöðu að ræða. „Fólk sem við höfum kosið til að fara með okkar mál á Alþingi og í ráðuneytum,“ segir Freyja.
Hún segir viðbrögð fólks í sinn garð hafa verið mjög jákvæð og hún segist upplifa það að fólk sé jafnframt svolítið hissa að heyra hvernig talað er um fatlað fólk. „Ég er kannski að skynja smá breytingu. Fólk er kannski að fatta hvað fatlað fólk er að fást við,“ útskýrir Freyja þegar spurð út í þann lærdóm sem megi draga af þessu Klaustursmáli. „Þessi viðhorf eru raunveruleg og það er alltaf svolítið sárt að finna að okkur hafi ekki verið trúað.“ 

„Og sagan er svolítið svo að okkur er líkt við dýr“

Freyja útskýrir það sem svo að það sem hafi komið fram í samtölum manna 20. nóvember sé grunnur að hugmyndakerfi sem við höfum um fatlað fólk og það móti raunverulega það valdakerfi sem við búum við „Þar sem fatlað fólk er óæðra. Og sagan er svolítið svo að okkur er líkt við dýr. Og já þetta er ekki í fyrsta sinn sem líkama mínum er á einhvern hátt líkt við einhvers konar dýr þannig að það er eitthvað sem ég hef upplifað áður og annað fatlað fólk í kringum mig líka,“ segir Freyja einlæg. 

Endurspeglar hugarheim tíunda hvers þingmanns

Spurð út í viðbrögð fólks um að þetta sé kannski ekki svo illa meint, svarar Freyja því sem svo að það sé erfitt að túlka það þannig þegar einstaklingar sitji og tali hátt og hlæja að öllu sem sagt er. Og nota öll þau ljótu orð sem notuð voru. „Kannski var ekki ætlun þeirra að þetta færi til okkar, en þetta endurspeglar samt þeirra hugarheim. Og það er það sem hræðir mig,“ segir hún. „Það eru kannski ekki öll þessi ljótu orð sem við erum öll að horfa á, heldur það að þarna eru sex, eða einn af hverjum tíu þingmönnum sem hugsa svona um þessa hópa.“

„Ég get ekki treyst þessu fólki“

Spurð út í símtalið frá Sigmundi Davíð, þar sem hann baðst afsökunar og reyndi að útskýra hvað hefði verið rætt á upptökunum frá Klaustri bar, þá segist hún í raun hafa frosið og þurft að einbeita sér að því að komast í gegnum það. Það besta í stöðunni hefði að mati Freyju verið að fá fund með Sigmundi þar sem farið væri yfir málið, án allra málalenginga líkt og í umræddu símtali. Henni hefði þótt eðlilegt að hann tilkynnti um afsögn sína í framhaldinu, í ljósi liðinna atburða. Þannig metur hún sem svo að afsögn Sigmundar sé eina sanna iðrunin og í raun eina leið hennar til að fyrirgefa svona framkomu. „Besta í stöðunni er að hann segja af sér í mínum huga. Ég get ekki treyst þessu fólki til að tryggja mitt öryggi í samfélaginu og annarra í minni stöðu.“

Viðtalið úr þætti Loga og Hulda má nálgast í heild hér að neðan.

Uppfært kl. 17:01. Fyrirsögnin var uppfærð í samráði við Freyju Haralds.
Upphafleg fyrirsögn var „Afsögn er eina leiðin til fyrirgefningar.“

Síðdegisþáttur K100 er á dagskrá alla virka daga milli 16-18.

mbl.is
Nicole Kidman, Jason Momoa og Amber Heard hér á frumsýningu myndarinnar „Aquaman" í Los Angeles í síðustu viku.
Logi Bergmann og Hulda Bjarna

„Aquaman“ féll í kramið hjá Ragga

DC Comics ofurhetjumyndin Aquaman er ein þeirra jólamynda sem margir hafa beðið spenntir eftir. Myndina var frumsýnd á dögunum og fór Ragnar Eyþórsson, eða Raggi bíórýnir síðdegisþáttar K100 á myndina til að gefa formlega umsögn og stjörnugjöf. Nánar »

Flott mæðgin. Petra Fann­ey Braga­dótt­ir og Frosti Jay Freem­an sem íslenskar knattspyrnukonur hafa ákveðið að styrkja í ár með veglegu knattspyrnumóti.
Logi Bergmann og Hulda Bjarna

Styrktarmót knattspyrnukvenna

„Við ætlum að styrkja eina fjölskyldu með þessu framtaki okkar“ segir Guðlaug Jónsdóttir fyrrum landsliðskona í knattspyrnu úr KR í síðdegisþætti K100. Þangað mættu hún ásamt Ástu Árnadóttur úr Val, en þær hafa lengi undirbúið þennan viðburð, sem þær vonast til að verði árlegur. Nánar »

Fréttir

Minimalískur lífsstíll á jólum

„Fyrir mér snýst þetta um að hugsa um það sem ég kaupi og það sem ég hef í kringum mig. Stundum eru hlutir í góðu lagi en þeir bæta ekki lífið mitt og þá hugsa ég til þess að aðrir gætu nýtt þá betur," sagði Elsa í Ísland vaknar á K100 í morgun. Nánar »

Ísland vaknar

Ósáttur við sumt í málflutningi veganfólks

Þorgeir Arnórsson segist ósáttur við sumt af því sem þeir sem lifa eftir vegan-lífsstílnum halda fram um ástæður þess að fólk ætti að gerast vegan. Birkir-Vegan hefur annað slagið mætt í Ísland vaknar og kynnt sjónarmið sín varðandi lífsstílinn. Nánar »

Bára Halldórsdóttir uppljóstrari.
Ísland vaknar

Viðtal við uppljóstrarann á Klaustri

Dómsmál kann að verða höfðað gegn Báru Halldórsdóttur uppljóstrara. Í viðtali við Ísland vaknar segir Bára að hún hafi ekki stórar áhyggjur af málinu. Hún segist ekki sjá eftir gjörningnum og myndi hiklaust gera þetta aftur. Nánar »

Blaðamaðurinn Víðir Sigurðsson hefur skrifað bók um íslenska knattspyrnu á hverju ári í tæp 40 ár.
Logi Bergmann og Hulda Bjarna

„Já, þetta er pínu klikkun"

„Ég skrifa þetta jafnóðum. Ég er byrjaður að skrifa hana bara strax í janúar,“ segir Víðir Sigurðsson blaðamaður sem skrifaði bókina „Íslenska knattspyrna 2018“. Það var árið 1981 sem fyrsta bókin í þessum flokki leit dagsins ljós. Nánar »

Hinn portúgalski þjálfari Manchester United, José Mourinho tekur hér í hönd Jurgen Klopp, þjálfara Liverpool, að tapleik loknum um helgina.
Logi Bergmann og Hulda Bjarna

Vantar alla leiðtoga í hópinn

Li­verpool vann stórsigur á Manchester United um helgina í einum heitasta leik ensku úrvaldsdeildarinnar í knattspyrnu og velta men fyrir sér lélegu gengi Man. United. Hulda og Logi slógu á þráðinn til Hermanns Guðmundssonar sem fylgist vel með knattspyrnunni og hafði tjáð sig um málið á Facebook. Nánar »

Birgitta Haukdal og Emmsjé Gauti hafa haft í nógu að snúast í útgáfu- og tónleikavertíðinni undanfarið.
Logi Bergmann og Hulda Bjarna

Birgitta og Emmsjé Gauti í hátíðarskapi

Þau voru áberandi á árinu sem er að líða, þau Birgitta Haukdal og Emmsjé Gauti. Nánar »

Leikkonan Hera Hilmarsdóttir hér á frumsýningu myndarinnar  „Mortal Engines" í Los Angeles í byrjun desember.
Logi Bergmann og Hulda Bjarna

Stærsta hlutverk Íslendings

Leikkonan Hera Hilmarsdóttir fer með aðalhlutverk í nýrri stórmynd Peter Jackson, Mortal Engines. Í gær var haldin sérstök Nexus-forsýning þar sem Hera mætti og tók við fyrirspurnum í lok sýningarinnar. Ragnar Eyþórsson, kvikmynda- og sjónvarpsrýnir síðdegisþáttar K100, var á staðnum. Nánar »

Eiríkur Hauksson syngur jólin inn hringinn í kringum landið.
Siggi Gunnars

Eiríkur heldur í íslensku hefðirnar

Goðsögnin Eiríkur Hauksson var gestur Sigga Gunnars í morgun en hann hyggur á ferðalag í kringum landið næstu daga. Nánar »

Í loftinu núna
Endalaus tónlist