Einar rær 500km fyrir Kristínu Sif

Bræðurnir Einar Hansberg Árnason og Heimir Árnason standa sem klettar …
Bræðurnir Einar Hansberg Árnason og Heimir Árnason standa sem klettar á bak við Kristínu Sif vinkonu sína JAX/k100.is

Fyrir nokkrum vikum missti Kristín Sif, einn þáttarstjórnenda Ísland vaknar, manninn sinn, mann á besta aldri skyndilega. Kristín hefur verið mjög opinská um sorgina og áfallið sem þessu fylgir og fundið huggun í að tjá sig um málið. Hún hefur meðal annars opnað sig um þá nöturlegu staðreynd að fjölmargir karlmenn kjósa að kveðja þennan heim þar sem þeir treysta sér ekki til að horfast í augu við lífið.

Leggur mikið á sig til að styðja við Kristínu

Kristín hefur í kringum sig þétt net fólks sem vill gera það sem í þeirra valdi stendur til að styðja við bak hennar. Samstarfsfólk hennar og vinir í Crossfit Reykjavík efna um helgina til söfnunar. Ljónshjarta CrossFit Reykjavíkur, Einar Hansberg Árnason ætlar að róa 500 km og stefnir á að klára á undir 50 klukkustundum.  Þetta er einstök áskorun og að því er best er vitað, er um einsdæmi í heiminum að ræða. Með þessu átaki vill Einar leiða stuðning CrossFit samfélagsins á Íslandi til handa Kristínar Sifjar og Fjölskyldu hennar eftir fráfall eiginmanns hennar í lok október. 

ÚTMEÐA

Samhliða því að styðja við Kristínu í erfiðri áskorun, þá hvetur átakið til umræðu um sjálfsvíg ungra karlmanna, sem er því miður algengasta dánarorsök þess hóps hér á landi - ÚTMEÐA

Hér að neðan má sjá viðtöl úr morgunþættinum Ísland vaknar við Einar Hansberg Árnason, Heimi Árnason, Evert Víglundsson hjá Crossfit Reykjavík og Sólveigu Gísladóttur vinkonu Kristínar Sifjar.

Hér má fylgjast með LIVE úr Crossfit Reykjavík  







mbl.is