menu button

Landsliðstreyja Ed ekki hluti af samningi

Ísleifur hjá Sena Live, sem flytur Ed Sheeran til landsins, ...
Ísleifur hjá Sena Live, sem flytur Ed Sheeran til landsins, segir það hafa verið kostulegt að sjá Ed Sheeran í íslensku landsliðstreyjunni í miðjum samningaviðræðum. Mynd/E! Online @Elton John AIDS Foundation

Ísleifur B. Þórhallsson, eða Ísi hjá Sena LIVE, fór yfir stórfrétt dagsins um að einn vinsælasti tónlistarmaður samtímans, Ed Sheeran, haldi tónleika á Laugardalsvelli næsta sumar. Ísland verður viðkomu­staður ­stjörn­unn­ar og er það hluti af tón­leika­ferðalagi hans um heim­inn.

„Allir túrinn var tilkynntur í morgun kl. 9 og allur túrinn fer í sölu á fimmtudaginn kl. 9. Þar á meðal íslensku tónleikarnir og þeir eru seldir inni á Tix. Og það er svona ákveðið skref fyrir okkur að vera bara inni í túr hjá svona súperstjörnu frá fyrsta degi því oft er svolítið verið að skjóta okkur inn fremst eða aftast og oft eftir á. En nú erum við bara með í plönunum frá fyrsta degi,“ segir Ísi um kynninguna á Ed Sheeran og heimstúrnum hans 2019. Miðasalan hefst því á sama tíma alls staðar fimmtudaginn 27. september og má ætla að þessir miðar rati víða í jólapakkann. 

Ed vill enga styrktaraðila né forsölur

Ed hefur sagt í viðtölum að honum finnist einn helsti kostur ferils sins í dag, það hvað hann geti verið sjálfstæður með ákvarðanatökur. Hann eigi efnið og útgáfufyrirtækið og hann þurfi því ekki að fara í eins miklar málamiðlanir eins og í upphafi ferils síns. Þegar Ísi er spurður hvort þetta hafi verið annars konar samningaviðræður við Ed, en aðrar stjörnur sem hafa komið til landsins, svarar hann því játandi.
„Já, það er svona ýmislegt í þessu sem er svolítið óvenjulegt. Það til dæmis að hann vill enga styrktaraðila, engar forsölur, enga sölu til fyrirtækja og allir eiga jafnan rétt á að kaupa miða. Og svo eru mjög strangar reglur sem snúa að því að koma í veg fyrir brask. Þannig að já maður finnur alveg sterkt fyrir persónulegum skoðunum hans, en allar af hinu góða og Ed er til dæmis umhugað um miðaverð, að það sé ekki of hátt. „Það má því ekki selja spons, má ekki tengja við neitt, mega ekki vera forsölur. Hann vill ekki sjá þetta og allir miðar í sölu í einu lagi,“ útskýrir Ísi.

Í landsliðstreyjunni í samningaviðræðum

„Vildi að þetta væri PR-snilldin okkar,“ svarar Ísi þegar hann er spurður hvort íslenska landsliðstreyjan sem Ed hefur klæðst á opinberum vettvangi hafi verið hluti af lúmsku kynningarferli. „En þið getið rétt ímyndað ykkar hvað það var fyndið fyrir okkur að sjá hann alltaf í landsliðstreyjunni í miðjum samningaviðræðum. Það var mjög skondið,“ segir Ísi og hlær.
En hann segir það af og frá að það hafi hjálpað til og auðveldað samningsstöðuna gagnvart honum, því yfirleitt sé það þannig að það þurfi alltaf að grátbiðja alla að koma til Íslands. Þannig að eina leiðin til að samningar gangi upp, það er ef viðkomandi stjarna hafi raunverulega áhuga á að koma til Íslands.

Mikið flutt inn af tækjum

Að lokum sagði Ísi frá því hvernig öllu verður tjaldað til og gott betur á þjóðarleikvanginum. Það þarf að nýta allar græjur sem til eru hérlendis en einnig þarf að flytja mikið af græjum og tækjum til landsins. En Ed Sheeran verður sem fyrr einn á sviði með gítarinn líkt og hann gerir ávallt og mögulega verða til stærstu tónleikar Íslandssögunnar laugardaginn 10. ágúst 2019 þegar 30.000 manns koma saman á Laugardalsvelli til að hlusta á hinn geðþekka og hæfileikaríka Ed Sheeran.

Hér má hlusta á viðtalið í heild við Ísa. 



mbl.is
Hjördís Guðmundsdóttir almannatengill og söngvarinn Geir Ólafsson hér í hljóðveri K100.
Magasínið

Indverskur víbríngur Geirs Ólafs

Indverskt lag til heiðurs Gandhi sem Geir Ólafsson gaf út á dögunum, orðræðan og Úganda ferðalag Hjördísar var meðal annars það sem þau Geir og Hjördísi Guðmundsdóttur ræddu í föstudagskaffinu síðdegis á K100. Geir tók dæmi af því hvernig lagið Reyndu aftur myndi hljóma í indverskri útgáfu. Nánar »

Söngvarinn  Stefán Jakobsson hér sem blóðugi presturinn í Halloween Horror Show.
Magasínið

Syngur rokklög í blóðugu prestagervi 

Stefán Jakobsson eða Stebba Jak þarf varla að kynna fyrir þjóðinni en hann er einn aðalflytjenda á Halloween Horror Show í Háskólabíói 26. og 27.október og 3.nóvember í Hofi. Nánar »

Falleg ljósmynd af óléttri konu úti í mosa. Myndin er tekin á setti við tökur á þáttunum Líf kviknar.
Magasínið

Líf kviknar í kvöld

Í kvöld hefst ný þáttasería í Sjónvarpi Símans, nýir þættir sem unnir eru út frá bókinni Kviknar eftir Andreu Eyland. Þættirnir fjalla um alla þætti fæðinga. Andrea mætti í Magasínið ásamt Sigríði Þóru Ásgeirsdóttur, leikstjóra þáttanna, sem verða sex samtals. Nánar »

Mjölormar á hafragraut í Ísland vaknar í morgun.
Ísland vaknar

Kom með orma í morgunmat á K100

Það var öðruvísi morgunverður á borðum í Ísland vaknar í morgunsárið þegar Kristín Sif einn þáttarstjórnenda mætti með mjölorma í nestisboxinu. Nánar »

Margeir Ingólfsson stjórnarformaður Hugsmiðjunnar segir styttingu vinnuvikunnar hafa skilað sér margfalt og það sé góð reynsla af þeirri breytingu.
Magasínið

Styttri vinnuvika hjá Hugsmiðjunni

Minni vinna og allir vinna segir Margeir Ingólfsson, stjórnarformaður Hugsmiðjunnar sem hefur gengið mjög langt í vegferð jafnréttis með því að stytta vinnuviku starfsfólks fyrirtækisins úr átta í sex. Mælingar sýna meiri framleiðni, færri veikindadaga og aukna starfsánægju starfsfólksins. Nánar »

Hreimur Örn Heimisson verður gestasöngvari á tónleikum Kristínar Stefánsdóttur, en hún endurtekur leikinn á ný og býður upp á Burt Bacarach-tónleika í annað sinn.
Magasínið

Hreimur Örn gestasöngvari í Salnum

Annað kvöld klukkan 19:30 verða öll bestu lög Burt Bacharach flutt á tónleikum í Salnum, Kópavogi. Söngkonan Kristín Stefánsdóttir syngur en með henni verður stórskotalið tónlistarmanna. Nánar »

Göngugarpur. Sirrý gengur nú í annað sinn um Himalaya-fjallgarðinn. Hún segir þetta engu líkt.
Magasínið

Lætur krabbameinið ekki stöðva sig

Guðrún Sigríður Ágústsdóttir, Sirrý, er 44 ára. Hún segir lífið núna enda talar hún af reynslu. Hún greindist með leghálskrabbamein 2010 og aftur 2015 og þá voru henni gefin eitt til þrjú ár. Á næstu dögum nær hún í grunnbúðir Everest. Nánar »

Dominique Gyða Sigrúnardóttir og starfsmenn Sjóvá fara með hlutverk í myndbandi sem framleitt var í tengslum við Jafnvægisvogina.
Fréttir

Markmiðið er 40/60 kynjaskipting

Ráðstefna Jafnvægisvogarinnar verður haldin þann 31. október næstkomandi en markmiðið er að árið 2027 verði hlutfallið á milli kynja 40/60 í framkvæmdastjórnum fyrirtækja á Íslandi. Nánar »

Sundkempan Sigrún Þ. Geirsdóttir er fyrsta og eina íslenska konan sem hefur synt yfir Ermarsundið. Hér með kók drykk, en það var það eina sem róaði ógleðina í sjónum.
Magasínið

„Shut up and swim!“

Sundkempan Sigrún Þ. Geirsdóttir sagði sögu sína í Magasíninu, en hún er fyrsta og eina íslenska konan sem hefur synt yfir Ermarsundið. Það gerði hún árið 2015 og ekki átakalaust. Sundið tók 22 klukkustundir og 34 mínútur og í sjö klukkustundir barðist hún við ógleði og uppköst í sundinu. Nánar »

Björgvin Franz Gíslason.
Siggi Gunnars

„Lærðum að eiga ekki pening“

„Í Bandaríkjunum lærðum við að eiga ekki pening og höfum aldrei verið hamingjusamari,“ segir Björgvin Franz í samtali við Sigga Gunnars í Lögum lífsins á K100. Nánar »

Í loftinu núna
Endalaus tónlist