menu button

Breiðholtsgrínið dugði ekki til sigurs

Margrét Gústavsdóttir og Ragnar Þór Ingólfsson
Margrét Gústavsdóttir og Ragnar Þór Ingólfsson K100/Rikka

Íslandsmótið í fimmaurabröndurum sneri aftur í morgunþættinum Ísland vaknar eftir sumarfrí. Margrét Gústavsdóttir er ríkjandi meistari og hefur farið um allan bæ með bikarinn. Reyndar var hún svo sigurviss að hún hafði ekki einu sinni fyrir því að mæta með gripinn. Andstæðingurinn var þó enginn aukvisi, formaður VR, Ragnar Þór Ingólfsson, sem þótti mikill brandarakall í Hólabrekkuskóla. Að sögn komu 20 brandarar á dag en sjaldnast nema einn eða tveir góðir.

Fimmaurabrandarar eru sérstök listgrein og venjulega frekar stuttir. Þeir voru þó sumir í lengri kantinum og því skulum við aðeins renna yfir brot af því besta og þá sem fengu stig. Margrét ákvað að byrja á óvenjulegri viðskiptahugmynd: „Ég er að spá í að opna staði við hliðina á stöðum sem eru fyrir. Eins og við Grindavík. Þar ætla ég að opna sundlaug sem heitir Bláa ljónið. Og Hihi bar við hliðina á Kiki bar. Og þar sem Hjálpræðisherinn er, þar verður Hjálpræðishérinn.“

Ragnar bætti því reyndar við að það væri hugmynd að opna Selfís við hliðina á Valdísi. Af öðrum eftirminnilegum bröndurum Margrétar má nefna Swingerapartíið í Garðabæ þar sem enginn kom, Úlfarsfell og Helgafell væri nefnt eftir Úlfari og Helga í Fellahverfinu, líka um ljóskurnar sem hanga í trjánum við Háskólann. Þeim var sagt að velja sér grein. Og líka: „Mamma, má ég fá hund á jólunum?“ „Nei, þú færð kalkún eins og venjulega!“

Ragnar talaði nokkuð mikið um systur sína. Hún var rekin úr BDSM-félaginu því henni héldu engin bönd. Svo var hún svo lítil að hún vann sem níunda hola á Korpúlfsstaðavelli og hún væri svo lokuð að hún hefði fengið hurð í jólagjöf. Svo sagði hann frá Hafnfirðingnum sem læsti lyklana inni í bíl. Hann var þrjá daga að ná fjölskyldunni út. Hann sagði líka frá manninum sem kom til læknis sem sagði honum að hann ætti tólf mínútur eftir ólifaðar. „Hvað á ég að gera?“ spurði maðurinn. „Þú getur soðið þér egg.“

Þegar hér var komið sögu var keppnin í járnum en Margrét gat tryggt sér sigur og ákvað að fara klassíska leið með bank-brandara. Bank, bank. „Hver er þar?“ „Geimvera.“ „Hvaða geimvera?“ „Þekkirðu margar?“ Þar með var ljóst að hún myndi halda bikarnum í að minnsta kosti tvær vikur en þá snýr hún aftur. Það gæti reyndar orðið erfitt því næsti andstæðingur er líka úr Hólabrekkuskóla: Bergsveinn Arilíusson, sem er sennilega þekktastur sem söngvari í Sóldögg.

Það er sennilega óhætt að segja að keppendur hafi nýtt sér flestar þekktar tegundir fimmaurabrandara: ljósku, Hafnarfjarðar, bankbank og fleiri. 

Hægt er að horfa á alla kepnnina hér ásamt öðrum brotum úr dagskrá K100

 

mbl.is
Kristín Sif ásamt börnunum sínum tveimur, Söru og Heiðari.
Fréttir

Hvort er skárra, njálgur eða lús?

Útvarpsstjarnan Kristín Sif ræddi um njálg og lús í þættinum Ísland vaknar við samstarfsmenn sína, Jón Axel og Ásgeir Pál. Þríeykið velti því fyrir sér hvort væri skárra að fá lús eða njálg. Nánar »

Jason Momoa leikur Aquaman í LEGO Movie 2, en hér er hann á rauða dreglinum í Kaliforníu fyrr í mánuðinum ásamt aðalkarakter myndarinnar, verkakubbnum og aðalsöguhetjunni Hemma, eða Emmet líkt og hann heitir á ensku.
Logi Bergmann og Hulda Bjarna

Hrósar þýðendum Lego Movie 2

„Þegar fyrsta Lego-myndin kom hélt ég að þetta yrði bara 90 mínútna auglýsing fyrir leikföng, en það reyndist ekki svo vera,“ segir Ragnar Eyþórssson, eða Raggi bíórýnir sem kemur aðra hverja viku í síðdegisþáttinn á K100. Hann tók einnig fyrir Netflix-seríuna Umbrella Academy. Nánar »

Jóns Þrastar Jónssonar er enn saknað.
Fréttir

Ekkert sem bendir til ójafnvægis

„Það er ekkert sem bendir til þess að hann hafi verið í einhverju ójafnvægi eða eitthvað slíkt,“ sagði Davíð Karl Wiium á K100 síðdegis í dag um hvarf bróður síns Jóns Þrastar Jónssonar í Dyflinni. „Hvað varðar andlega heilsu Jóns þá er ekkert sem bendir til annars að hann hafi bara verið við góða heilsu.“ Nánar »

Seinna undanúrslitakvöld Söngvakeppninnar 2019 fer fram um helgina þegar þessir flytjendur stíga á svið.
Logi Bergmann og Hulda Bjarna

„Betri án þín“ með Töru áfram?

Seinna undanúrslitakvöldið í Söngvakeppni Sjónvarpsins fer fram á morgun laugardag. Álitsgjafar síðdegisþáttar K100 spá því að lagið Betri án þín í flutningi Töru Mobee, fari áfram á seinni undanúrslitakvöldi Söngvakeppninnar. Áður höfðu þeir spá Hatari og Heru Björk áfram í úrslitin. Nánar »

Kristín Sif hermir eftir Jax þegar hann dansar.
Fréttir

Dansa eins og á síðustu öld

Þáttarstjórnendur Ísland vaknar gleyma því stundum að þau eru í beinni sjónvarpsútsendingu á meðan á þættinum stendur. Hlustendur hafa undanfarið hæðst að danshæfileikum Jax og Ásgeirs en Kristín Sif hefur reynt að hjálpa þeim, með takmörkuðum árangri þó. Nánar »

Greta Salóme var gestur Sigga Gunnars í Lögum lífsins.
Siggi Gunnars

Var samtímis í mennta- og háskóla

Tónlistarkonan Greta Salóme verður seint þekkt fyrir að fara troðnar slóðir og er hún mikill vinnuþjarkur. Hún var gestur Sigga Gunnars í „Lögum lífsins“ á dögunum. Nánar »

Ísland vaknar

Ljúga að börnum sínum?

Á Facebook-síðu K100 er umræða um það sem foreldrar ljúga að börnum sínum. Margar áhugaverðar sögur koma fram þar sem fólk viðurkennir lygar til barnanna sinna. Dæmi um slíkar sögur eru „Ef þú borðar kertavax þá hættirðu að stækka og verður dvergur!“ og „Ég segi stundum börnunum mínum að það sé ekki hægt að skipta um batterí í leikföngum sem eru með óþolandi hljóð.“ Nánar »

Glaðbeittur hópur úr matarboði hjá Sigrúnu.
Ísland vaknar

Matarboð fyrir einhleypa

Sigrún Helga Lund heldur reglulega matarboð fyrir einhleypa vini sína. Hún segist hafa byrjað á þessu þar sem margir sem hafa skilið eftir ástarsambönd tali um að þeim sé aldrei boðið í mat. „...og þá ákveð ég bara, hey. Ég ætla að halda matarboð og ég ætla bara að bjóða einhleypum", sagði Sigrún Helga í skemmtilegu viðtali við Ísland vaknar á K100. Nánar »

Þorsteinn Guðmundsson leikari og verkefnastjóri hjá Bataskóla Íslands og Karen Kjartansdóttir framkvæmdastjóri Samfylkingarinnar voru gestir í Föstudagskaffinu á K100.
Logi Bergmann og Hulda Bjarna

Karen og Þorsteinn í Föstudagskaffinu

Þorsteinn Guðmundsson, leikari og verkefnastjóri hjá Bataskóla Íslands og Karen Kjartansdóttir, framkvæmdastjóri Samfylkingarinnar kíktu í föstudagskaffi til Huldu og Loga í síðdegisþættinum á K100. Nánar »

Vinnie Jones kenndi fyrstu hjálp undir laginu Staying Alive í herferð bresku hjartaverndarsamtakanna og er það engin tilviljun því lagið er 100 slög á mínútu.
Logi Bergmann og Hulda Bjarna

Fyrstu hjálpar (s)lögin  

Á hverju ári velur Rauði krossinn skyndihjálparmann ársins og er tilgangurinn að vekja athygli almennings á mikilvægi skyndihjálpar. Í síðdegisþættinum voru ræddar hugmyndir að lögum sem eru 100 slög á mínútu, en þau henta vel til að muna heppilegan hraða í hjartahnoði, ef beita þarf skyndihjálp. Nánar »