menu button

Ólafur Darri og Ilmur safna áheitum

Leikararnir Ilmur Kristjánsdóttir og Ólafur Darri Ólafsson ætla að hlaupa ...
Leikararnir Ilmur Kristjánsdóttir og Ólafur Darri Ólafsson ætla að hlaupa til góðs í Reykjavíkurmaraþoninu. Mynd/K100

Hvað fær leikara til að hlaupa? Auglýsingin fyrir Reykjavíkurmaraþon Íslandsbanka í ár vísar í fræg minni og senur úr kvikmyndasögunni. Stórskotalið íslensku leiklistarsenunnar blómstraði í sínu náttúrulega umhverfi. Þau Darri Ólafs og Ilmur Kristjánsdóttir, andlit auglýsingaherferðar Reykjavíkur Maraþons Íslandsbanka sögðu sína sögu og hvaða góðgerðarmálefni þau ætla að styrkja í gegnum hlaupastyrk.is

Ólafur Darri fór yfir það hvernig hugmyndin kviknaði og sagði hann þau ákveðin í því frá fyrstu byrjun að leggja sitt af mörkum. Þannig skyldi allur peningur, sem þau hefðu annars fengið fyrir að leika í auglýsingunum, renna til góðs málefnis. 

„Ég tók þátt í Íslandsbankamaraþoninu síðast fyrir fimm árum síðar, þegar ég var fertugur og við Ilmur vorum búin að vera að vinna saman í Ófærð. Við fórum að ræða hvernig við gætum látið gott af okkur leiða,“ útskýrir Ólafur Darri um aðdragandann. Þau ákváðu að leita til bankans með þá hugmynd að þau fengju til liðs við verkefnið fullt af leikurum sem myndu skuldbinda sig í vinnu, sem svo myndi leiða af sér fjármagn til góðgerðarmála. 

Sjálfur segist hann ætla að styrkja AHC samtökin, en það er stytting á Alternating Hemiplegia of Childhood (AHC), sem er sagður flóknasti taugasjúkdómur í heimi. Hann er góður félagi fjölskyldu Sunnu Valdísar Sigurðardóttur, en hún er sú eina á Íslandi með þennan sjúkdóm. Sunna Valdís ætla að fara 10km í sérstökum hjólastól sem pabbi hennar ýtir. 

Ilmur segist ætla að hlaupa 10 kílómetra og safna styrkjum fyrir Píeta samtökin. Að þessu sinni hleypur hún á Seyðisfirði. 

Viðtalið má nálgast hér að neðan, en Ilmur var sein fyrir og því lék Ólafur Darri hana að hluta í viðtalinu. Óborganlega fyndin og skemmtileg þessi tvö. 


 

Hér má sjá Ilmi og Ólaf Darra í auglýsingamynd herferðarinnar.
Hér má sjá Ilmi og Ólaf Darra í auglýsingamynd herferðarinnar. Mynd/aðsend
mbl.is
Eiríkur Hauksson syngur jólin inn hringinn í kringum landið.
Siggi Gunnars

Eiríkur heldur í íslensku hefðirnar

Goðsögnin Eiríkur Hauksson var gestur Sigga Gunnars í morgun en hann hyggur á ferðalag í kringum landið næstu daga. Nánar »

Vanda Sigurgeirsdóttir ræddi samskipti þingmanna í svokölluðu Klaustursmáli og samskipti fólks almennt, í síðdegisþætti K100.
Logi Bergmann og Hulda Bjarna

„Vanda Sig“ í samskiptum

Vanda Sigurgeirsdóttir er lektor í tómstunda- og félagsmálafræði við HÍ og þjálfari hjá fyrirtækinu KVAN. Hún ræddi samskipti, einelti og ofbeldi í samhengi hlutanna, líkt og umræðan í Klausturmálinu hefur þróast. Nánar »

Stefán Karl Stefánsson og Björgvin Halldórsson hér saman á sviði í desember 2017 að flytja lagið Aleinn um jólin. Lagið hefur verið gefið út og munu allar tekjur af laginu renna til barna Stefáns Karls.
Logi Bergmann og Hulda Bjarna

Heiðra minningu Stefáns Karls

Á jólatónleikum Björgvins Halldórssonar í fyrra sungu þeir Stefán Karl saman lagið „Aleinn um jólin”. Lagið hefur nú verið gefið út og munu allar tekjur af laginu renna til barna Stefáns Karls. Máni Svavarsson, höfundur lagsins, og Björgvin Halldórsson rifjuðu upp söguna á bak við lagið. Nánar »

Vísinda-Villi, eða Vilhelm Anton Jónsson hér hress í stúdíói K100 og Sigga Dögg kynfræðingur sem einnig tekur þátt í jólabókaflóðinu með fyrstu skáldsögu sína um Veru.
Logi Bergmann og Hulda Bjarna

Sjóðandi heitt Föstudagskaffi

Tja, hvað var ekki rætt í föstudagskaffinu með Vísinda-Villa og Siggu Dögg. Kynfræðsla, Klaustursmálið, tilraunir í heimahúsum og Hofi í desember, en einnig hræddar ömmur sem óttast að börnin leggi allt í rúst ef þeim verði gefin bókin hans Villa. Föstudagskaffið var sjóðandi heitt síðdegis á K100. Nánar »

Fjölskyldufyrirtæki. Systkinin Hrafnhildur og Valur Hermannsson sem stofnuðu Eldum rétt árið 2014 ásamt Kristófer Júlíusi Leifssyni, maka Hrafnhildar.
Logi Bergmann og Hulda Bjarna

„Fannst hugmyndin bara geggjuð“

Eldum rétt var stofnað árið 2014 en fyrirtækið skipuleggur og útvegar fersk hráefni og uppskriftir sem fólk eldar eftir. Vöxturinn hefur verið hraður og salan margfaldast á milli ára. Þau ætla að leggja sitt af mörkum í desember og gefa matargjafir til Fjölskylduhjálpar. Nánar »

Árni Matthíasson blaðamaður með meiru er mikill áhugamaður um græjur og alla mánudaga sér hann um „Græjuhornið" í síðdegisþætti K100.
Logi Bergmann og Hulda Bjarna

Skiptir „noise cancelling“ máli?

Heyrnartól sem útiloka umhverfishljóð eru orðin gríðarlega vinsæl og miklar líkur á að slík tæki rati í einhverja jólapakka í ár. En haldast gæði og verð í hendur? Árni Matthíasson, blaðamaður og umsjónamaður „Græjuhornsins“ í síðdegisþættinum á K100, fór yfir þau atriði sem honum finnst skipta máli. Nánar »

Jón Jónsson skemmti gestum Glerártorgs um helgina.
Fréttir

Gleði á Glerártorgi

Hinn árlegi „pakkasöfnunardagur“ verslunarmiðstöðvarinnar Glerártorgs á Akureyri var haldinn á laugardag. Fjöldi fólks lagði leið sína á Glerártorg og lét gott af sér leiða, verslaði fyrir jólin og naut skemmtiatriða. Nánar »

Gestir þáttarins, Katrín Júlíusdóttir og Friðjón R. Friðjónsson, ræddu pólitíska landslagið í þjóðmálaþættinum Þingvöllum í morgun.
Þingvellir

„Málinu á að vera lokið“

„Ástæðan fyrir því að þetta mál kemur fram er að það er farið í gegnum feril og málinu á þannig, að mínu mati, að vera lokið,“ sagði Katrín Júlíusdóttir, fyrrverandi ráðherra Samfylkingarinnar, um mál Ágústs Ólafs Ólafssonar í þjóðmálaþættinum Þingvöllum með Björtu Ólafsdóttur á K100 í morgun. Nánar »

Ísland vaknar

Miðilsfundur í beinni útsendingu

Miðillinn Valgarður Einarsson er vikulegur gestur í morgunþættinum Ísland vaknar á K100 og miðlar af gáfu sinni til hlustenda sem hringja inn í þáttinn. Athyglin sem þetta hefur vakið er gríðarleg, enda þykir Valgarður með eindæmum nákvæmur og hittir alla jafna beint í mark hjá hlustendum sem sitja agndofa eftir. Nánar »

Alda Karen Hjaltalín notar sýndarveruleika til að hjálpa fólki að komast í gegnum fíkn og fælni.
Ísland vaknar

Sjáðu fuglafælni læknaða með sýndarveruleika

Ásgeir Páll, einn umsjónarmanna Ísland vaknar á K100, glímir við fuglafælni á háu stigi. Alda Karen Hjaltalín mætti á K100 með sýndarveruleikabúnað í farteskinu sem átti að hjálpa Ásgeiri að komast yfir þessa ofboðslegu hræðslu við fugla. Nánar »