menu button

Sjálfstyrkjandi sjálfsvarnarnámskeið fyrir konur

Þau Jón Viðar Arnþórsson og Sóllilja Baltasarsdóttir komu í heimsókn í Ísland vaknar í morgun en þau standa nú fyrir sjálfsvarnarnámskeiðum fyrir konur á æfingastöðinni ISR Matrix.  Námskeiðin eru mjög vinsæl að þeirra sögn en þau ganga út á að kenna konum grunninn í neyðarvörn í daglegu lífi.  

„Það er svolítið annað en að slást inni í einhverju búri eða boxhring,“ segir Jón Viðar.  „Það er mikið af öðrum hlutum sem þarf að hugsa um ef þú ert inni í þröngu rými, t.d. inni á klósetti, heima hjá þér, inni á skemmtistað eða úti á götu. Þar eru engar reglur, það er enginn að fara að stoppa þig ef einhver gerir ólöglegt bragð eða högg.“

Sóllilja, unnusta Jóns Viðars, hefur stundað þessi námskeið og ber þeim vel söguna.  „Þetta er mjög sjálfstyrkjandi og maður finnur það þegar stelpurnar eru að æfa saman að það verður til einhver orka sem þú finnur ekki neins staðar annars staðar. Við höfum fengið til okkar stelpur sem hafa lent í alls konar ótrúlegum hlutum og þær finna það þegar þær byrja að æfa að þær fara að takast á við kvíðavandamál sem gerir það að verkum að þeim finnst þær geta labbað einar úti á götu aftur,“ segir Sólilja og Jón bætir við að þeim finnist þær vera frjálsari.  „Þær hafa kannski ekki þorað niður í bæ í langan tíma en nú er það ekki vandamál lengur.“

Tækni er styrkur

Á námskeiðunum læra stelpurnar mikla tækni.  „Tækni er styrkur.  Stelpur eru oft ekki eins sterkar og strákar og þær þurfa því oft að beita grófari neyðarvörn,“ segir Jón Viðar og lýsir því nánar:  „Ef þú kemst t.d. í klofið á karlmanni, þá grípurðu í allt draslið og þú togar og rífur. Og sama ef þú kemst í augun á manneskjunni þá potarðu ekki, heldur treðurðu puttanum inn og klórar þannig að hornhimnan rifnar svo manneskjan sjái ekkert í smá tíma.“

Hægt er að horfa og hlusta á viðtalið í heild hér að neðan.

Ísland vaknar er á dagskrá alla virka daga frá kl. 6.45 til kl. 9.00 á K100 og á rás 9 hjá Sjónvarpi Símans.

mbl.is
Nicole Kidman, Jason Momoa og Amber Heard hér á frumsýningu myndarinnar „Aquaman" í Los Angeles í síðustu viku.
Logi Bergmann og Hulda Bjarna

„Aquaman“ féll í kramið hjá Ragga

DC Comics ofurhetjumyndin Aquaman er ein þeirra jólamynda sem margir hafa beðið spenntir eftir. Myndina var frumsýnd á dögunum og fór Ragnar Eyþórsson, eða Raggi bíórýnir síðdegisþáttar K100 á myndina til að gefa formlega umsögn og stjörnugjöf. Nánar »

Flott mæðgin. Petra Fann­ey Braga­dótt­ir og Frosti Jay Freem­an sem íslenskar knattspyrnukonur hafa ákveðið að styrkja í ár með veglegu knattspyrnumóti.
Logi Bergmann og Hulda Bjarna

Styrktarmót knattspyrnukvenna

„Við ætlum að styrkja eina fjölskyldu með þessu framtaki okkar“ segir Guðlaug Jónsdóttir fyrrum landsliðskona í knattspyrnu úr KR í síðdegisþætti K100. Þangað mættu hún ásamt Ástu Árnadóttur úr Val, en þær hafa lengi undirbúið þennan viðburð, sem þær vonast til að verði árlegur. Nánar »

Fréttir

Minimalískur lífsstíll á jólum

„Fyrir mér snýst þetta um að hugsa um það sem ég kaupi og það sem ég hef í kringum mig. Stundum eru hlutir í góðu lagi en þeir bæta ekki lífið mitt og þá hugsa ég til þess að aðrir gætu nýtt þá betur," sagði Elsa í Ísland vaknar á K100 í morgun. Nánar »

Ísland vaknar

Ósáttur við sumt í málflutningi veganfólks

Þorgeir Arnórsson segist ósáttur við sumt af því sem þeir sem lifa eftir vegan-lífsstílnum halda fram um ástæður þess að fólk ætti að gerast vegan. Birkir-Vegan hefur annað slagið mætt í Ísland vaknar og kynnt sjónarmið sín varðandi lífsstílinn. Nánar »

Bára Halldórsdóttir uppljóstrari.
Ísland vaknar

Viðtal við uppljóstrarann á Klaustri

Dómsmál kann að verða höfðað gegn Báru Halldórsdóttur uppljóstrara. Í viðtali við Ísland vaknar segir Bára að hún hafi ekki stórar áhyggjur af málinu. Hún segist ekki sjá eftir gjörningnum og myndi hiklaust gera þetta aftur. Nánar »

Blaðamaðurinn Víðir Sigurðsson hefur skrifað bók um íslenska knattspyrnu á hverju ári í tæp 40 ár.
Logi Bergmann og Hulda Bjarna

„Já, þetta er pínu klikkun"

„Ég skrifa þetta jafnóðum. Ég er byrjaður að skrifa hana bara strax í janúar,“ segir Víðir Sigurðsson blaðamaður sem skrifaði bókina „Íslenska knattspyrna 2018“. Það var árið 1981 sem fyrsta bókin í þessum flokki leit dagsins ljós. Nánar »

Hinn portúgalski þjálfari Manchester United, José Mourinho tekur hér í hönd Jurgen Klopp, þjálfara Liverpool, að tapleik loknum um helgina.
Logi Bergmann og Hulda Bjarna

Vantar alla leiðtoga í hópinn

Li­verpool vann stórsigur á Manchester United um helgina í einum heitasta leik ensku úrvaldsdeildarinnar í knattspyrnu og velta men fyrir sér lélegu gengi Man. United. Hulda og Logi slógu á þráðinn til Hermanns Guðmundssonar sem fylgist vel með knattspyrnunni og hafði tjáð sig um málið á Facebook. Nánar »

Birgitta Haukdal og Emmsjé Gauti hafa haft í nógu að snúast í útgáfu- og tónleikavertíðinni undanfarið.
Logi Bergmann og Hulda Bjarna

Birgitta og Emmsjé Gauti í hátíðarskapi

Þau voru áberandi á árinu sem er að líða, þau Birgitta Haukdal og Emmsjé Gauti. Nánar »

Leikkonan Hera Hilmarsdóttir hér á frumsýningu myndarinnar  „Mortal Engines" í Los Angeles í byrjun desember.
Logi Bergmann og Hulda Bjarna

Stærsta hlutverk Íslendings

Leikkonan Hera Hilmarsdóttir fer með aðalhlutverk í nýrri stórmynd Peter Jackson, Mortal Engines. Í gær var haldin sérstök Nexus-forsýning þar sem Hera mætti og tók við fyrirspurnum í lok sýningarinnar. Ragnar Eyþórsson, kvikmynda- og sjónvarpsrýnir síðdegisþáttar K100, var á staðnum. Nánar »

Eiríkur Hauksson syngur jólin inn hringinn í kringum landið.
Siggi Gunnars

Eiríkur heldur í íslensku hefðirnar

Goðsögnin Eiríkur Hauksson var gestur Sigga Gunnars í morgun en hann hyggur á ferðalag í kringum landið næstu daga. Nánar »