menu button

Óþarfi að breyta keppninni

Ari Ólafsson og Þórunn Erna Clausen eru nýkomin heim frá ...
Ari Ólafsson og Þórunn Erna Clausen eru nýkomin heim frá Lissabon í Portúgal þar sem Eurovision fór fram. Ljósmynd/K100

Þórunn Erna Clausen, höfundur íslenska Eurovision lagsins „Our choice“, og Ari Ólafsson, flytjandi lagsins, eru nýkomin heim frá Lissabon í Portúgal þar sem Eurovision fór fram. Þau spjölluðu við Huldu og Hvata um keppnina í ár og umræðuna á Íslandi eftir að lagið komst ekki áfram úr fyrri undankeppninni. Þórunn tekur undir orðalagið að umræðan sé „árlegt tuð“ Íslendinga og nefnir hana „Post Eurovision Depression“. 

Íslenska forkeppnin hefur þróast til betri vegar

Ari og Þórunn Erna eru sammála um að íslenska forkeppnin hafi þróast til betri vegar undanfarin ár og óþarfi sé að breyta henni eins og nú er rætt um. Þetta sé vinsælt sjónvarpsefni og keppnin hafi stækkað og orðið sífellt flottari á milli ára. Hún segir að undanfarin ár hafi sviðsetningin samt breyst, með sínum kostum og göllum, en nú sé RÚV með leikstjóra og danshöfund á sínum vegum fyrir öll atriðin. „Sem listamaður er rosa gaman að fá að ráða því sjálfur hvernig atriðið er sviðsett, án þess að þurfa kannski að eiga auka pening til að leggja í það,“ segir Þórunn sem virðist geta hugsað sér að breyta þessum þætti til framtíðar. 

Ekki alltaf innistæða fyrir gagnrýninni

Þórunn Erna segir gagnrýnina alltaf koma eftir hverja keppni og að þau hafi búið sig undir hana. Hún segir þó stundum ekkert að marka athugasemdir miðað við úrslit keppninnar. Sem dæmi nefnir hún það að lag Salvador Sobral frá því í fyrra hafi fengið mjög neikvætt umtal í Portúgal og margir hafi ekki haft trú á því að það kæmist áfram úr undankeppni. Salvador sigraði hinsvegar keppnina í fyrra líkt og frægt er orðið.

Áhuginn liggur erlendis 

Þórunn Erna og Ari segjast bæði hafa fengið góð viðbrögð í ferðinni og keppninn sjálfri. Því muni þau taka gleðina út úr verkefninu en bæði stefna á verkefni erlendis í kjölfar keppninnar. Þórunn segist hafa fengið boð um að taka þátt í lagasmiðjum og Ari hyggur á flutninga til London á næstunni. Ari segir þetta hafa verið frábært tækifæri fyrir sig og hann standi uppi sáttur eftir mikla áskorun við flutning lagsins. „Þetta er erfiðasta lag sem ég hef nokkurn tímann sungið,“ segir Ari hlæjandi. Hann segist hafa vaknað upp með bros á vör daginn eftir keppnina, eftir að hafa sungið fyrir 250 milljónir manna. Verkefnið hafi verið hans stærsta áskorun til þessa. 

Viðtalið má nálgast hér í heild. 

Þórunn Erna Clausen, höfundur íslenska Eurovision lagsins „Our choice“, og ...
Þórunn Erna Clausen, höfundur íslenska Eurovision lagsins „Our choice“, og Ari Ólafsson, flytjandi lagsins. Ljósmynd/K100
mbl.is
Hreimur Örn Heimisson verður gestasöngvari á tónleikum Kristínar Stefánsdóttur, en hún endurtekur leikinn á ný og býður upp á Burt Bacarach tónleika nú í annað sinn.
Magasínið

Hreimur Örn gestasöngvari í Salnum

Annað kvöld klukkan 19:30 verða öll bestu lög Burt Bacharach flutt á tónleikum í Salnum, Kópavogi. Söngkonan Kristín Stefánsdóttir syngur en með henni verður stórskotalið tónlistarmanna. Nánar »

Göngugarpur. Sirrý gengur nú í annað sinn um Himalaya-fjallgarðinn. Hún segir þetta engu líkt.
Magasínið

Lætur krabbameinið ekki stöðva sig

Guðrún Sigríður Ágústsdóttir, Sirrý, er 44 ára. Hún segir lífið núna enda talar hún af reynslu. Hún greindist með leghálskrabbamein 2010 og aftur 2015 og þá voru henni gefin eitt til þrjú ár. Á næstu dögum nær hún í grunnbúðir Everest. Nánar »

Dominique Gyða Sigrúnardóttir og starfsmenn Sjóvá fara með hlutverk í myndbandi sem framleitt var í tengslum við Jafnvægisvogina.
Fréttir

Markmiðið er 40/60 kynjaskipting

Ráðstefna Jafnvægisvogarinnar verður haldin þann 31. október næstkomandi en markmiðið er að árið 2027 verði hlutfallið á milli kynja 40/60 í framkvæmdastjórnum fyrirtækja á Íslandi. Nánar »

Sundkempan Sigrún Þ. Geirsdóttir er fyrsta og eina íslenska konan sem hefur synt yfir Ermarsundið. Hér með kók drykk, en það var það eina sem róaði ógleðina í sjónum.
Magasínið

„Shut up and swim!“

Sundkempan Sigrún Þ. Geirsdóttir sagði sögu sína í Magasíninu, en hún er fyrsta og eina íslenska konan sem hefur synt yfir Ermarsundið. Það gerði hún árið 2015 og ekki átakalaust. Sundið tók 22 klukkustundir og 34 mínútur og í sjö klukkustundir barðist hún við ógleði og uppköst í sundinu. Nánar »

Björgvin Franz Gíslason.
Siggi Gunnars

„Lærðum að eiga ekki pening“

„Í Bandaríkjunum lærðum við að eiga ekki pening og höfum aldrei verið hamingjusamari,“ segir Björgvin Franz í samtali við Sigga Gunnars í Lögum lífsins á K100. Nánar »

Söngvarinn  Stefán Jakobsson hér sem blóðugi presturinn í Halloween Horror Show.
Magasínið

Syngur rokklög í blóðugu prestagervi 

Stefán Jakobsson eða Stebba Jak þarf varla að kynna fyrir þjóðinni en hann er einn aðalflytjenda á Halloween Horror Show í Háskólabíói 26. og 27.október og 3.nóvember í Hofi. Nánar »

Falleg ljósmynd af óléttri konu úti í mosa. Myndin er tekin á setti við tökur á þáttunum Líf kviknar.
Magasínið

Líf kviknar í kvöld

Í kvöld hefst ný þáttasería í Sjónvarpi Símans, nýir þættir sem unnir eru út frá bókinni Kviknar eftir Andreu Eyland. Þættirnir fjalla um alla þætti fæðinga. Andrea mætti í Magasínið ásamt Sigríði Þóru Ásgeirsdóttur, leikstjóra þáttanna, sem verða sex samtals. Nánar »

Mjölormar á hafragraut í Ísland vaknar í morgun.
Ísland vaknar

Kom með orma í morgunmat á K100

Það var öðruvísi morgunverður á borðum í Ísland vaknar í morgunsárið þegar Kristín Sif einn þáttarstjórnenda mætti með mjölorma í nestisboxinu. Nánar »

Margeir Ingólfsson stjórnarformaður Hugsmiðjunnar segir styttingu vinnuvikunnar hafa skilað sér margfalt og það sé góð reynsla af þeirri breytingu.
Magasínið

Styttri vinnuvika hjá Hugsmiðjunni

Minni vinna og allir vinna segir Margeir Ingólfsson, stjórnarformaður Hugsmiðjunnar sem hefur gengið mjög langt í vegferð jafnréttis með því að stytta vinnuviku starfsfólks fyrirtækisins úr átta í sex. Mælingar sýna meiri framleiðni, færri veikindadaga og aukna starfsánægju starfsfólksins. Nánar »

Jóhannes Kr. Kristjánsson fréttamaður og Sævar Guðmundsson kvikmyndagerðarmaður í viðtali á K100.
Ísland vaknar

Hrikalegur veruleiki fíkla

Kvikmyndin „Lof mér að falla“ byggir að langstærstum hluta á raunverulegum sögum og sjónvarpsþættirnir „Lof mér að lifa” fjalla um persónurnar á bak við sögurnar og við fáum að skyggnast inn í líf þeirra sem í hlut eiga. Í þáttunum, sem eru um margt verulega sláandi, fylgist áhorfandinn með lífi sprautufíkla sem verður að teljast vægast sagt óhugnanlegt. Nánar »

Í loftinu núna
Endalaus tónlist