menu button

Viðreisn í oddastöðu

Dr. Eiríkur Bergmann stjórnmálafræðingur.
Dr. Eiríkur Bergmann stjórnmálafræðingur. Haraldur Jónasson / Hari

Þegar rúmar sex vikur eru í sveitarstjórnarkosningar eru línur aðeins farnar að skýrast í borginni. Samkvæmt könnunum eru Samfylkingin og Sjálfstæðisflokkurinn með mesta fylgið en meirihlutinn heldur ekki velli.

Eiríkur Bergmann Einarsson stjórnmálafræðingur ræddi málin í morgunþættinum Ísland vaknar á K100 í morgun. Hann segir að líkast til verði Viðreisn í lykilstöðu þegar kemur að því að mynda meirihluta og eins og staðan er núna er flokkurinn líklegri til að vilja vinna með gamla meirihlutanum en Sjálfstæðisflokknum. „Það má skipta þessu í tvær blokkir. Núverandi meirihluti, með eða án Viðreisnar, og svo Sjálfstæðisflokkurinn. Viðreisn hefur í borgarmálum talað á svipuðum nótum og meirihlutinn. Kannski má skipta Bjartri framtíð út fyrir Viðreisn, sem er í algjörri oddastöðu og ræður því hvort borgarstjórinn heitir Dagur B. Eggertsson eða Eyþór Arnalds,“ segir Eiríkur.

 Hann segir að átök í Sjálfstæðisflokknum hafi leitt til uppgjörs þar sem frjálslynda hluta flokksins var hafnað. Með slíkan lista verði erfitt að mynda stjórn með meirihlutaflokkunum og jafnvel Viðreisn. Þetta uppgjör í Sjálfstæðisflokknum hafi heldur ekki haft góð áhrif á fylgi flokksins.

Eiríkur segir erfitt að meta áhrif minni flokka, til dæmis Kvennaframboðsins en fjölgun borgarfulltrúa hefur skapað meira rými fyrir minni framboð. Þó sé vandséð hvernig þau geta orðið fleiri en nú þegar eru fram komin. Það sem vanti helst í þessa kosningabaráttu séu málefni og mest sé rifist um leiðakerfi strætó.

Hægt er að hlusta á viðtalið við Eirík hér og hlusta á allan þáttinn og sjá brot úr honum á K100.is

 

mbl.is

Bloggað um fréttina

Á myndinni er hluti nemendanefndarinnar, Ragnheiður Torfadóttir, Thelma Ragnarsdóttir, Katrín Magnúsdóttir ásamt aðalleikurum sýningarinnar þeim Mími Bjarka Pálmasyni og Kolbrúnu Maríu Másdóttur.
Logi Bergmann og Hulda Bjarna

Xanadu-söngleikurinn á svið

Sýningar Nemendafélagsins í Verslunarskóla Íslands vekja gjarnan mikla athygli og má segja að þær séu ákveðin skrautfjöður í félagslífi skólans. Í ár bjóða þau upp á söngleikinn Xanadu. Nánar »

Samuel L. Jackson, Bruce Willis og James McAvoy fara með hlutverk í Glass og í kvikmyndinni Close fer Noomi Rapace með aðalhlutverkið.
Logi Bergmann og Hulda Bjarna

Bíógagnrýni: Glass og Close

Raggi Eyþórsson, bíógagnrýnandi og framleiðandi, gaf Glass og Close ekki beint góða dóma, en þó eru greinilega ágætissprettir í hvorri mynd um sig. Nánar »

Ísland vaknar

Svona bræddi hann kalt hjarta Ellýar

Það fór ekki fram hjá neinum þegar Ellý Ármanns athafnakona lýsti því yfir fyrir rúmu ári að hún væri ekki á leið í ástarsamband, enda brennd af slíkum málum. Nánar »

Ísland vaknar

Áreitni á vinnustöðum óþolandi

Í þáttinn Ísland vaknar komu tvær kjarnaorkukonur sem hafa sett af stað verkefnið #vinnufriður. Það voru þær Anna Berglind Jónsdóttir og Kolfinna Tómasdóttir. Markmið verkefnisins er að skapa umræður um áreitni á vinnustöðum. Nánar »

Katrín Júlíusdóttir og Margeir Vilhjálmsson, pistlahöfundur Ísland vaknar voru síðdegis gestir hjá Loga og Huldu á K100.
Logi Bergmann og Hulda Bjarna

Katrín Júl og Margeir gestir

Katrín Júlíusdóttir, fyrrverandi ráðherra og margt annað eins og hún segir sjálf og Margeir Vihjálmsson voru gestir síðdegis á K100. Þau munu seint þykja skoðanalaus og var reifað á málefnum vikunnar. Nánar »

Líffæragjafi og líffæraþegi. Kristján Kristjánsson og Gunnar Árnason, sem komu að uppsetningu líffærasýningarinnar sem nú stendur yfir í Ásmundarsal.
Logi Bergmann og Hulda Bjarna

Auglýsti eftir líffæri á Facebook

Það var alger tilviljun að líffæragjafi og líffæraþegi kæmu að uppsetningu sýningarinnar „LÍFfærin," sýningu nýrra glerlíffæra í Ásmundarsal. Sýningin er unnin í samstarfi Ásmundarsalar og Corning Museum of Glass, Siggu Heimis, Gagarín og fleiri listamanna. Nánar »

Gerður Aagot Árnadóttir heimilislæknir.
Ísland vaknar

Bólusetningar barna óumdeild heilsuvernd

Bólusetningar barna eru mikilvæg heilsuvernd. Þetta kom fram í máli Gerðar Aagot Árnadóttur heimilislæknis í Ísland vaknar. Hún benti á að þrátt fyrir að einhverjir kjósi að láta ekki bólusetja börn sín fyrir alls kyns sjúkdómum væri það óumdeilt á meðal fagfólks að bólusetningar væru ein besta heilsuvernd sem í boði er. Nánar »

Ísland vaknar

Rafvirkja bannað að auglýsa á Facebook

Ísland vaknar fékk upplýsingar um að fulltrúar Mannvirkjastofnunar hefðu haft samband við útlærðan rafvirkja og bannað honum að auglýsa þjónustu sína á síðunni „Vinna með litlum fyrirvara“ á Facebook. Nánar »

Ísland vaknar

Blöskrar fjarlæging málverksins

Ákveðið var að fjarlægja nektarmálverk eftir Gunnlaug Blöndal úr bankanum þar sem það fór fyrir brjóstið á starfsmanni bankans. „Það er álíka fráleitt að fjarlægja listaverk eins stórkostlegasta málara 20. aldarinnar, Gunnlaugs Blöndal, af vegg í opinberri stofnun eins og að brenna bækur eða fjargviðrast út af fyrirlesara á frjálsum markaði.” Nánar »

Mæðgin. Þorgerður Katrín og Gísli Þorgeir uppi í stúku eftir leik liðsins við Spán.
Logi Bergmann og Hulda Bjarna

„Munurinn er móðurtilfinningin“

„Það var skrýtið. Ég er búin að vera uppi á pöllum frá ´86 frá því á heimsmeistaramótinu í Sviss þar sem við lentum í 6. sæti. Maður er búinn að horfa á manninn og fullt af góðum vinum og þetta var bara allt öðruvísi,“ segir Þorgerður Katrín Gunnarsdóttir í síðdeginu á K100 hjá Loga og Huldu. Nánar »