menu button

Rómeó er vælandi og væminn gaur

Gísli Örn Garðarsson, leikari og leikstjóri, heimsótti þau Loga, Rikku og Rúnar Frey í morgunþættinum Ísland vaknar á K100 í morgun. Það er alltaf mikið að gerast í kringum Gísla en hann frumsýnir leikritið Fólk staðir hlutir í Borgarleikhúsinu á föstudaginn og svo leikur hann aðalhlutverkið í nýrri íslenski kvikmynd, Vargar, sem verður frumsýnd 4. maí.

Gísli sýndi mikla leikni þegar þáttastjórnendur báðu hann um að nota sína fögru rödd til að búa til stiklu fyrir þáttinn, bæði á íslensku og norsku, en Gísli talar norsku reiprennandi. Hann fór m.a. yfir það að það væri t.d. erfitt að láta setninguna „ég elska þig“ hljóma sannfærandi á norsku. „Það er til heil bíómynd sem fjallar um það hvernig það er hægt að láta það ganga upp að segja þessa setningu á norsku,“ segir Gísli sem leysti ýmis álitamál fyrir þáttastjórnendur en hann sagði t.d. frá því að miðvikudagur væri sá dagur sem væri kallaður litli laugardagur. 

Gísli Örn greindi líka frá því hvernig honum liði með að sýna sömu sýninguna 500 sinnum en eins og alkunna er fór Vesturportssýningin hans, Rómeó og Júlía, sigurför um allan heiminn í rúmlega áratug þar sem Gísli fór með hlutverk Rómeós. „Þegar maður leikur 8 sýningar á viku, þá fer þetta dáldið mikið að reyna á sálfræðihliðina, maður er alveg fastur í deja vu,“ segir Gísli og bætir við að hann hafi meira gaman af því leika vonda kallinn. „Ég get kannski sagt það núna að Rómeó er ekkert sérstaklega skemmtilegt hlutverk. Hann er bara væminn, vælandi gaur.“ 

Þú getur hlustað og horft á allt spjallið hér að neðan.

Ísland vaknar er á dagskrá alla virka daga klukkan 06.45-09.00 á útvarpstöðinni K100 og í Sjónvarpi Símans á rás 9.

mbl.is
Á myndinni er hluti nemendanefndarinnar, Ragnheiður Torfadóttir, Thelma Ragnarsdóttir, Katrín Magnúsdóttir ásamt aðalleikurum sýningarinnar þeim Mími Bjarka Pálmasyni og Kolbrúnu Maríu Másdóttur.
Logi Bergmann og Hulda Bjarna

Xanadu-söngleikurinn á svið

Sýningar Nemendafélagsins í Verslunarskóla Íslands vekja gjarnan mikla athygli og má segja að þær séu ákveðin skrautfjöður í félagslífi skólans. Í ár bjóða þau upp á söngleikinn Xanadu. Nánar »

Samuel L. Jackson, Bruce Willis og James McAvoy fara með hlutverk í Glass og í kvikmyndinni Close fer Noomi Rapace með aðalhlutverkið.
Logi Bergmann og Hulda Bjarna

Bíógagnrýni: Glass og Close

Raggi Eyþórsson, bíógagnrýnandi og framleiðandi, gaf Glass og Close ekki beint góða dóma, en þó eru greinilega ágætissprettir í hvorri mynd um sig. Nánar »

Ísland vaknar

Svona bræddi hann kalt hjarta Ellýar

Það fór ekki fram hjá neinum þegar Ellý Ármanns athafnakona lýsti því yfir fyrir rúmu ári að hún væri ekki á leið í ástarsamband, enda brennd af slíkum málum. Nánar »

Ísland vaknar

Áreitni á vinnustöðum óþolandi

Í þáttinn Ísland vaknar komu tvær kjarnaorkukonur sem hafa sett af stað verkefnið #vinnufriður. Það voru þær Anna Berglind Jónsdóttir og Kolfinna Tómasdóttir. Markmið verkefnisins er að skapa umræður um áreitni á vinnustöðum. Nánar »

Katrín Júlíusdóttir og Margeir Vilhjálmsson, pistlahöfundur Ísland vaknar voru síðdegis gestir hjá Loga og Huldu á K100.
Logi Bergmann og Hulda Bjarna

Katrín Júl og Margeir gestir

Katrín Júlíusdóttir, fyrrverandi ráðherra og margt annað eins og hún segir sjálf og Margeir Vihjálmsson voru gestir síðdegis á K100. Þau munu seint þykja skoðanalaus og var reifað á málefnum vikunnar. Nánar »

Líffæragjafi og líffæraþegi. Kristján Kristjánsson og Gunnar Árnason, sem komu að uppsetningu líffærasýningarinnar sem nú stendur yfir í Ásmundarsal.
Logi Bergmann og Hulda Bjarna

Auglýsti eftir líffæri á Facebook

Það var alger tilviljun að líffæragjafi og líffæraþegi kæmu að uppsetningu sýningarinnar „LÍFfærin," sýningu nýrra glerlíffæra í Ásmundarsal. Sýningin er unnin í samstarfi Ásmundarsalar og Corning Museum of Glass, Siggu Heimis, Gagarín og fleiri listamanna. Nánar »

Gerður Aagot Árnadóttir heimilislæknir.
Ísland vaknar

Bólusetningar barna óumdeild heilsuvernd

Bólusetningar barna eru mikilvæg heilsuvernd. Þetta kom fram í máli Gerðar Aagot Árnadóttur heimilislæknis í Ísland vaknar. Hún benti á að þrátt fyrir að einhverjir kjósi að láta ekki bólusetja börn sín fyrir alls kyns sjúkdómum væri það óumdeilt á meðal fagfólks að bólusetningar væru ein besta heilsuvernd sem í boði er. Nánar »

Ísland vaknar

Rafvirkja bannað að auglýsa á Facebook

Ísland vaknar fékk upplýsingar um að fulltrúar Mannvirkjastofnunar hefðu haft samband við útlærðan rafvirkja og bannað honum að auglýsa þjónustu sína á síðunni „Vinna með litlum fyrirvara“ á Facebook. Nánar »

Ísland vaknar

Blöskrar fjarlæging málverksins

Ákveðið var að fjarlægja nektarmálverk eftir Gunnlaug Blöndal úr bankanum þar sem það fór fyrir brjóstið á starfsmanni bankans. „Það er álíka fráleitt að fjarlægja listaverk eins stórkostlegasta málara 20. aldarinnar, Gunnlaugs Blöndal, af vegg í opinberri stofnun eins og að brenna bækur eða fjargviðrast út af fyrirlesara á frjálsum markaði.” Nánar »

Mæðgin. Þorgerður Katrín og Gísli Þorgeir uppi í stúku eftir leik liðsins við Spán.
Logi Bergmann og Hulda Bjarna

„Munurinn er móðurtilfinningin“

„Það var skrýtið. Ég er búin að vera uppi á pöllum frá ´86 frá því á heimsmeistaramótinu í Sviss þar sem við lentum í 6. sæti. Maður er búinn að horfa á manninn og fullt af góðum vinum og þetta var bara allt öðruvísi,“ segir Þorgerður Katrín Gunnarsdóttir í síðdeginu á K100 hjá Loga og Huldu. Nánar »