menu button

Breytingar á leigubílamarkaði

Ástgeir Þorsteinsson og Davíð Þorláksson
Ástgeir Þorsteinsson og Davíð Þorláksson K100/Getty

Undanfarin ár hefur regluverk um leigubílaakstur verið mikið til umræðu. Fjöldatakmörkun á leigubílaleyfum hefur verið gagnrýnd og upp á síðkastið hafa sprottið upp annars konar leigubílaþjónustur eins og Uber, Lyft og GrabTaxi og hefur fólk velt því fyrir sér af hverju Íslendingar fá ekki að njóta slíkra valkosta.

Til að ræða þetta komu þeir Davíð Þorláksson forstöðumaður Samkeppnishæfnissviðs Samtaka Atvinnulífsins og Ástgeir Þorsteinsson, formaður Bifreiðastjórafélagsins Frama, í morgunþáttinn Ísland vaknar.

Davíð sagði það óhjákvæmilegt að breyta lagaumhverfi leigubíla sem fyrst með því að afnema aðgangshindranir að greinninni eins og gert hefur verið í Danmörku, Svíþjóð og Finnlandi.  „Eftirlitsstofnun EFTA hefur komist að því að sambærilegt kerfi í Noregi standist ekki EES samninginn, þannig að það er bara tímaspursmál hvenær þau muni komast að þeirri niðurstöðu að það sama gildi hér, en það sem við óttumst er að menn ætli þá í staðinn að reyna að lauma inn einhverjum öðrum aðgangshindrunum, eins og auknum menntunarkröfum, eða að það þurfi að vera löggiltir gjaldmælar sem muni koma í veg fyrir að þessar farveitur eins og Uber og Lyft komi til Íslands,” segir Davíð.

„Kerfið virkar vel,” segir Ástgeir formaður Frama.  „Uber og aðrir eru velkomnir inn í stéttina en þeir verða þá að uppfylla þær reglur og kröfur sem gerðar eru um leigubíla”.  Ástgeir gagnrýnir þó Uber og segir að t.d. sé verðið breytilegt eftir því hvort mikið eða lítið sé að gera.  „Það er búið að ýta þessu út af Norðurlöndunum, því þeir uppfylla ekki þessi skilyrði.” Davíð segir að það gildi ekki nein sérstök hagfræðilögmál á íslenska leigubílamarkaðnum.  Verð eigi að fylgja framboði og eftirspurn.

Hægt er að hlusta og horfa á viðtalið hér.

 

Ísland vaknar er alla virka daga klukkan 06:45-09:00 á K100 og í Sjónvarpi Símans á rás 9.

mbl.is
Eiríkur Hauksson syngur jólin inn hringinn í kringum landið.
Siggi Gunnars

Eiríkur heldur í íslensku hefðirnar

Goðsögnin Eiríkur Hauksson var gestur Sigga Gunnars í morgun en hann hyggur á ferðalag í kringum landið næstu daga. Nánar »

Vanda Sigurgeirsdóttir ræddi samskipti þingmanna í svokölluðu Klaustursmáli og samskipti fólks almennt, í síðdegisþætti K100.
Logi Bergmann og Hulda Bjarna

„Vanda Sig“ í samskiptum

Vanda Sigurgeirsdóttir er lektor í tómstunda- og félagsmálafræði við HÍ og þjálfari hjá fyrirtækinu KVAN. Hún ræddi samskipti, einelti og ofbeldi í samhengi hlutanna, líkt og umræðan í Klausturmálinu hefur þróast. Nánar »

Stefán Karl Stefánsson og Björgvin Halldórsson hér saman á sviði í desember 2017 að flytja lagið Aleinn um jólin. Lagið hefur verið gefið út og munu allar tekjur af laginu renna til barna Stefáns Karls.
Logi Bergmann og Hulda Bjarna

Heiðra minningu Stefáns Karls

Á jólatónleikum Björgvins Halldórssonar í fyrra sungu þeir Stefán Karl saman lagið „Aleinn um jólin”. Lagið hefur nú verið gefið út og munu allar tekjur af laginu renna til barna Stefáns Karls. Máni Svavarsson, höfundur lagsins, og Björgvin Halldórsson rifjuðu upp söguna á bak við lagið. Nánar »

Vísinda-Villi, eða Vilhelm Anton Jónsson hér hress í stúdíói K100 og Sigga Dögg kynfræðingur sem einnig tekur þátt í jólabókaflóðinu með fyrstu skáldsögu sína um Veru.
Logi Bergmann og Hulda Bjarna

Sjóðandi heitt Föstudagskaffi

Tja, hvað var ekki rætt í föstudagskaffinu með Vísinda-Villa og Siggu Dögg. Kynfræðsla, Klaustursmálið, tilraunir í heimahúsum og Hofi í desember, en einnig hræddar ömmur sem óttast að börnin leggi allt í rúst ef þeim verði gefin bókin hans Villa. Föstudagskaffið var sjóðandi heitt síðdegis á K100. Nánar »

Fjölskyldufyrirtæki. Systkinin Hrafnhildur og Valur Hermannsson sem stofnuðu Eldum rétt árið 2014 ásamt Kristófer Júlíusi Leifssyni, maka Hrafnhildar.
Logi Bergmann og Hulda Bjarna

„Fannst hugmyndin bara geggjuð“

Eldum rétt var stofnað árið 2014 en fyrirtækið skipuleggur og útvegar fersk hráefni og uppskriftir sem fólk eldar eftir. Vöxturinn hefur verið hraður og salan margfaldast á milli ára. Þau ætla að leggja sitt af mörkum í desember og gefa matargjafir til Fjölskylduhjálpar. Nánar »

Árni Matthíasson blaðamaður með meiru er mikill áhugamaður um græjur og alla mánudaga sér hann um „Græjuhornið" í síðdegisþætti K100.
Logi Bergmann og Hulda Bjarna

Skiptir „noise cancelling“ máli?

Heyrnartól sem útiloka umhverfishljóð eru orðin gríðarlega vinsæl og miklar líkur á að slík tæki rati í einhverja jólapakka í ár. En haldast gæði og verð í hendur? Árni Matthíasson, blaðamaður og umsjónamaður „Græjuhornsins“ í síðdegisþættinum á K100, fór yfir þau atriði sem honum finnst skipta máli. Nánar »

Jón Jónsson skemmti gestum Glerártorgs um helgina.
Fréttir

Gleði á Glerártorgi

Hinn árlegi „pakkasöfnunardagur“ verslunarmiðstöðvarinnar Glerártorgs á Akureyri var haldinn á laugardag. Fjöldi fólks lagði leið sína á Glerártorg og lét gott af sér leiða, verslaði fyrir jólin og naut skemmtiatriða. Nánar »

Gestir þáttarins, Katrín Júlíusdóttir og Friðjón R. Friðjónsson, ræddu pólitíska landslagið í þjóðmálaþættinum Þingvöllum í morgun.
Þingvellir

„Málinu á að vera lokið“

„Ástæðan fyrir því að þetta mál kemur fram er að það er farið í gegnum feril og málinu á þannig, að mínu mati, að vera lokið,“ sagði Katrín Júlíusdóttir, fyrrverandi ráðherra Samfylkingarinnar, um mál Ágústs Ólafs Ólafssonar í þjóðmálaþættinum Þingvöllum með Björtu Ólafsdóttur á K100 í morgun. Nánar »

Ísland vaknar

Miðilsfundur í beinni útsendingu

Miðillinn Valgarður Einarsson er vikulegur gestur í morgunþættinum Ísland vaknar á K100 og miðlar af gáfu sinni til hlustenda sem hringja inn í þáttinn. Athyglin sem þetta hefur vakið er gríðarleg, enda þykir Valgarður með eindæmum nákvæmur og hittir alla jafna beint í mark hjá hlustendum sem sitja agndofa eftir. Nánar »

Alda Karen Hjaltalín notar sýndarveruleika til að hjálpa fólki að komast í gegnum fíkn og fælni.
Ísland vaknar

Sjáðu fuglafælni læknaða með sýndarveruleika

Ásgeir Páll, einn umsjónarmanna Ísland vaknar á K100, glímir við fuglafælni á háu stigi. Alda Karen Hjaltalín mætti á K100 með sýndarveruleikabúnað í farteskinu sem átti að hjálpa Ásgeiri að komast yfir þessa ofboðslegu hræðslu við fugla. Nánar »