menu button

Heilaga þrenningin mikilvæg

Auður Elva Kjartansdóttir, snjóflóðasérfræðingur
Auður Elva Kjartansdóttir, snjóflóðasérfræðingur

„Við höfum verið að fá fregnir af töluvert mörgum snjóflóðum sem hafa verið að falla undanfarna daga,“ segir Auður Elva Kjartansdóttir, snjóflóðasérfræðingur hjá Veðurstofu Íslands um þá miklu hættu sem skapast hefur í fjalllendi á utanverðum Tröllaskaga en þar er eitt vinsælasta fjallaskíðasvæðið á landinu. „Ef maður er að tileinka sér þessar nýju íþróttir, sem eru svo sem kannski ekki svo nýjar, er virkilega mikilvægt að maður tileinki sér þessa fræðslu um öryggismál og að maður kunni þessa ferðahegðun og geti aukið öryggi sitt til muna til fjalla,“ segir Auður sem sjálf hefur stundað fjallaskíði í tæp tuttugu ár. 

Hvað varðar öryggisbúnað í aðstæðum þar sem hætta er á snjóflóði segir Auður Elva grundvallaratriði að hafa með sér svokallaða heilaga þrenningu sem samanstendur af ýli, sem gefur frá sér hljóðmerki sem mannseyrað nemur ekki en annað slíkt tæki getur numið, snjóflóðastöng sem staðsetur manneskjuna sem er þá grafin undir yfirborði og að lokum skóflu til að geta náð henni upp. „Þetta er virkilega skemmtileg íþrótt en maður þarf að kunna að beita þessum öryggisþáttum til að geta notið sín til fulls."

Auður Elva fór einnig yfir litakóða sem ná yfir snjóflóðaspár og veðurviðvaranir en þeir eru mjög ólíkir enda um tvennt ólíkt að ræða. „Það er pínu flókið að við skulum vera með svona mörg kerfi,“ segir Auður og bætir við að allt sé þetta þó alþjóðlegt sem einfaldi málið.

Viðtalið í heild má finna hér 

Ísland vaknar er alla virka daga klukkan 06:45-09:00 á K100 og í Sjónvarpi Símans á rás 9.

 

mbl.is
Leikkonan Hera Hilmarsdóttir hér á frumsýningu myndarinnar  „Mortal Engines" í Los Angeles í byrjun desember.
Logi Bergmann og Hulda Bjarna

Stærsta hlutverk Íslendings

Leikkonan Hera Hilmarsdóttir fer með aðalhlutverk í nýrri stórmynd Peter Jackson, Mortal Engines. Í gær var haldin sérstök Nexus-forsýning þar sem Hera mætti og tók við fyrirspurnum í lok sýningarinnar. Ragnar Eyþórsson, kvikmynda- og sjónvarpsrýnir síðdegisþáttar K100, var á staðnum. Nánar »

Eiríkur Hauksson syngur jólin inn hringinn í kringum landið.
Siggi Gunnars

Eiríkur heldur í íslensku hefðirnar

Goðsögnin Eiríkur Hauksson var gestur Sigga Gunnars í morgun en hann hyggur á ferðalag í kringum landið næstu daga. Nánar »

Vanda Sigurgeirsdóttir ræddi samskipti þingmanna í svokölluðu Klaustursmáli og samskipti fólks almennt, í síðdegisþætti K100.
Logi Bergmann og Hulda Bjarna

„Vanda Sig“ í samskiptum

Vanda Sigurgeirsdóttir er lektor í tómstunda- og félagsmálafræði við HÍ og þjálfari hjá fyrirtækinu KVAN. Hún ræddi samskipti, einelti og ofbeldi í samhengi hlutanna, líkt og umræðan í Klausturmálinu hefur þróast. Nánar »

Stefán Karl Stefánsson og Björgvin Halldórsson hér saman á sviði í desember 2017 að flytja lagið Aleinn um jólin. Lagið hefur verið gefið út og munu allar tekjur af laginu renna til barna Stefáns Karls.
Logi Bergmann og Hulda Bjarna

Heiðra minningu Stefáns Karls

Á jólatónleikum Björgvins Halldórssonar í fyrra sungu þeir Stefán Karl saman lagið „Aleinn um jólin”. Lagið hefur nú verið gefið út og munu allar tekjur af laginu renna til barna Stefáns Karls. Máni Svavarsson, höfundur lagsins, og Björgvin Halldórsson rifjuðu upp söguna á bak við lagið. Nánar »

Vísinda-Villi, eða Vilhelm Anton Jónsson hér hress í stúdíói K100 og Sigga Dögg kynfræðingur sem einnig tekur þátt í jólabókaflóðinu með fyrstu skáldsögu sína um Veru.
Logi Bergmann og Hulda Bjarna

Sjóðandi heitt Föstudagskaffi

Tja, hvað var ekki rætt í föstudagskaffinu með Vísinda-Villa og Siggu Dögg. Kynfræðsla, Klaustursmálið, tilraunir í heimahúsum og Hofi í desember, en einnig hræddar ömmur sem óttast að börnin leggi allt í rúst ef þeim verði gefin bókin hans Villa. Föstudagskaffið var sjóðandi heitt síðdegis á K100. Nánar »

Bára Halldórsdóttir uppljóstrari.
Ísland vaknar

Viðtal við uppljóstrarann á Klaustri

Dómsmál kann að verða höfðað gegn Báru Halldórsdóttur uppljóstrara. Í viðtali við Ísland vaknar segir Bára að hún hafi ekki stórar áhyggjur af málinu. Hún segist ekki sjá eftir gjörningnum og myndi hiklaust gera þetta aftur. Nánar »

Árni Matthíasson blaðamaður með meiru er mikill áhugamaður um græjur og alla mánudaga sér hann um „Græjuhornið" í síðdegisþætti K100.
Logi Bergmann og Hulda Bjarna

Skiptir „noise cancelling“ máli?

Heyrnartól sem útiloka umhverfishljóð eru orðin gríðarlega vinsæl og miklar líkur á að slík tæki rati í einhverja jólapakka í ár. En haldast gæði og verð í hendur? Árni Matthíasson, blaðamaður og umsjónamaður „Græjuhornsins“ í síðdegisþættinum á K100, fór yfir þau atriði sem honum finnst skipta máli. Nánar »

Jón Jónsson skemmti gestum Glerártorgs um helgina.
Fréttir

Gleði á Glerártorgi

Hinn árlegi „pakkasöfnunardagur“ verslunarmiðstöðvarinnar Glerártorgs á Akureyri var haldinn á laugardag. Fjöldi fólks lagði leið sína á Glerártorg og lét gott af sér leiða, verslaði fyrir jólin og naut skemmtiatriða. Nánar »

Gestir þáttarins, Katrín Júlíusdóttir og Friðjón R. Friðjónsson, ræddu pólitíska landslagið í þjóðmálaþættinum Þingvöllum í morgun.
Þingvellir

„Málinu á að vera lokið“

„Ástæðan fyrir því að þetta mál kemur fram er að það er farið í gegnum feril og málinu á þannig, að mínu mati, að vera lokið,“ sagði Katrín Júlíusdóttir, fyrrverandi ráðherra Samfylkingarinnar, um mál Ágústs Ólafs Ólafssonar í þjóðmálaþættinum Þingvöllum með Björtu Ólafsdóttur á K100 í morgun. Nánar »

Ísland vaknar

Miðilsfundur í beinni útsendingu

Miðillinn Valgarður Einarsson er vikulegur gestur í morgunþættinum Ísland vaknar á K100 og miðlar af gáfu sinni til hlustenda sem hringja inn í þáttinn. Athyglin sem þetta hefur vakið er gríðarleg, enda þykir Valgarður með eindæmum nákvæmur og hittir alla jafna beint í mark hjá hlustendum sem sitja agndofa eftir. Nánar »

Í loftinu núna
Endalaus tónlist