menu button

„Ég datt út þegar þú fórst að tala um krem“

Sirrý Arnardóttir og nemendur hennar í fjölmiðlafærni við háskólann á ...
Sirrý Arnardóttir og nemendur hennar í fjölmiðlafærni við háskólann á Bifröst. Mynd/K100

Sirrý Arnardóttir mætti með hóp nemenda sinna í fjölmiðlafærni við háskólann á Bifröst í Magasínið á K100. Í léttu spjalli um námið og heimsókn nemendanna í hljóð- og myndver sló Hvati Sirrý út af laginu með óvæntri spurningu.

„Þú ert eins og Oprah, þú breytist aldrei,“ sagði Hvati við Sirrý í upphafi viðtals um fjölmiðlanámið á Bifröst. Sirrý brosti sínu blíðasta og var ánægð með hrósið. „Þegar maður er komin yfir fimmtugt er svona mjög vel þegið,“ sagði Sirrý og sló á létta strengi. Þegar Hvati spurði Sirrý í framhaldi hvaða krem hún notaði til að halda sér svona vel áttu hún og nemendur hennar erfitt með að halda aftur af hlátrinum.

Vísindaferð í útvarpsþátt

Níu nemendur Sirrýjar kynntu sér útvarpsstöðina K100 og fylgdust með útsendingu síðdegisþáttarins Magasínið. „Við erum í vísindaferð,“ sagði Sirrý og bætti við að nemendur hennar hefðu kynnt sér ýmsa miðla að undanförnu til að fræðast um störf við fjölmiðla og almannatengsl.

Eyjólfur, einn nemendanna, sagði að hópurinn hefði séð margt spennandi í vettvangsferðum sínum. „Við erum að finna út með þessu námi, hvað við viljum í raun og veru gera. Með því að skoða fjömiðla hérlendis og erlendis þá kannski komumst við nær ákvörðun um hvort þetta sé starfsvettvangur sem við ætlum okkur.“

Skemmtilegt spjall við fjölmiðlanemana og Sirrý Arnardóttur kennara þeirra má sjá í spilaranum að neðan.

mbl.is
Ingileif ásamt unnustu sinni Maríu Rut Kristinsdóttur.
Viðtöl

Samdi lagið í sturtunni

Fjölmiðlakonan og laganeminn Ingileif Friðriksdóttir sendi frá sér í dag sitt fyrsta lag sem nefnist „At last“. Ingileif hefur lítinn sem engan bakgrunn úr tónlist en þetta er fyrsta lagið sem hún semur. Nánar »

Eyjamenn velta þessa dagana fyrir sér nafni á nýrri ferju og á Bolludag stóð bakarí í Eyjum fyrir skemmtilegri nafnakosningu.
Viðtöl

Herjólfur vinsælli en Vilborg

Fjörugar umræður urðu meðal Eyjamanna um nafn á nýrri Vestmannaeyjaferju eftir að netmiðillinn Eyjar.net birti vangaveltur um að ónafngreindir ráðamenn gætu hugsað sér annað nafn en Herjólf. Eyjabakarí ákvað að taka óformlega stöðuna á málinu með heimamönnum. Nánar »

Fréttir

Varar við ofneyslu saltkjöts

Í dag er sprengidagur og fjölmargir Íslendingar halda upp á daginn með því að borða saltkjöt og baunir. Gunnar Geir Markússon næringarfræðingur varar fólk við ofneyslu saltkjöts og sérstaklega þá sem eru með of háan blóðþrýsting. Nánar »

Svala mun gefa út nýtt efni undir eigin nafni á árinu.
Viðtöl

Verður heima í mars

Svala Björgvins og Einar Egilisson koma í fyrsta skipti opinberlega fram undir nafninu BLISSFUL á Sonar í mars. Nánar »

Tara semur lögin sín sjálf og þá yfirleitt á píanó eða ukulele.
Viðtöl

„Ég vil meina að þetta sé svona píkupopp“

Hin 19 ára gamla Tara Sóley eða Tara Mobee eins og hún kallar sig er að feta sín fyrstu spor í tónlistarbransanum. Nánar »

Valdís Gunnarsdóttir útvarpskona lést undir lok ársins 2013.
Viðtöl

Valdís var drottning útvarpsins

Valdís Gunnarsdóttir innleiddi rómantík í íslenskt útvarp, segir Jón Axel Ólafsson sem vann með Valdísi um árabil. „Hún hafði sínar sérstöku skoðanir á hlutunum og var ekkert að fela það,“ sagði Jón í spjalli við Huldu og Hvata á K100 í tilefni Valentínusardagsins. Nánar »

Fréttir

Ekki fyrir alla að eiga hund

Þórhildur Bjartmarz, fyrrverandi formaður Hundaræktarfélags Íslands og hundaþjálfari, bendir á að það sé binding til um það bil 15 ára að eignast hund. Þessari bindingu fylgir mikil ábyrgð. Sumir hundar þurfa mikla útiveru á meðan aðrir þarfnast fyrst og fremst félagsskapar. Nánar »

Eiður Arnarson og Þór Breiðfjörð vinna nú í því að koma vinsælasta söngleik í heimi á svið. Um 100 manna uppfærsla einsöngvara, leikara, kórs, dansara og hljómsveitarinnar SinfoniaNord undir stjórn Þorvaldar Bjarna Þorvaldssonar.
Viðtöl

Óperudraugurinn á svið í Hörpu

Meira en 130 milljónir áhorfenda hafa séð vinsælasta söngleik í heimi og nú er komið að því að setja Phantom of The Opera á svið í Hörpu í lok febrúar. Af því tilefni kíktu Eiður Arnarsson, aðstandandi verksins, og Þór Breiðfjörð, sem fer með aðalhlutverk sýningarinnar, í spjall í sídegisþáttinn á K100. Nánar »

Fréttir

„Börn þurfa að vinna betur saman.“

Arndís Klara Hrannarsdóttir er 9 ára stúlka sem hugsar mikið um lífið og tilveruna, samskipti barna og hvað við þurfum að gera til að ná árangri í lífinu. Nánar »

Viðtöl

Þekktur í Minnesota eftir leikinn

Stefán Sæbjörnsson var einn vígalegu víkinganna sem birtust í auglýsingu Dodge RAM-bílaframleiðandans í leikhléi Ofurskálarinnar, úrslitaleik ameríska fótboltans. Verkefnið tók nokkur ár og leikstjórinn var hinn frægi Joe Pytka, sem unnið hefur með stjórstjörnum á borð við Michael Jackson og Bítlana. Nánar »