„Hefði verið skrýtið að vera með jólatónleika í maí“

Eyþór Ingi Gunnlaugsson heldur jólatónleika um allt land á aðventunni ásamt kórum í heimabyggð. Það er engan bilbug á honum að finna þrátt fyrir að verkefnið sé stórt í sniðum og á árstíma þar sem allra veðra er von. Hann segist vera gæddur æðruleysi sem sumir vilji reyndar kalla kæruleysi. 

Eyþór var fyrsti gestur jólaboðs K100 Live Lounge sem verður á dagskrá alla fimmtudaga fram að jólum. Þættirnir eru frumfluttir kl 11:30 á morgnana í útvarpi og sjónvarpi K100 og svo aðgengilegir á netinu þegar hentar. 

„Þetta byrjaði allt á því fyrir tveimur árum síðan að ég fæ símtal frá frænda mínum á Dalvík sem spurði mig hvort ég væri laus 22. desember, hvort ég yrði ekki kominn til Dalvíkur. Ég sagði jú og þá sagði hann flott, þá skaltu drífa þig upp í kirkju og halda jólatónleika því ég hef nefnilega ekki komist á neina sjálfur,“ segir Eyþór um upphafið á þessum lágstemmdu jólatónleikum sem hann flakkar nú með um allt land.

Horfðu á allan þáttinn hér á neðan, þar sem Eyþór flytur tvö falleg lög. Desemberljóð sem er eftir hann sjálfan og svo lagið Það snjóar sem Sigurður Guðmundsson flutti upprunalega. Frekari upplýsingar um tónleikana hans Eyþórs er að finna á midi.is

Eyþór Ingi er fyrsti gestur í K100 Live Lounge.
Eyþór Ingi er fyrsti gestur í K100 Live Lounge.

Húsbúnaður í K100 Live Lounge eru frá DANCO



mbl.is
Í loftinu núna
Endalaus tónlist