menu button

„18 þar til yfir lýkur“

Bogi Ágústsson
Bogi Ágústsson RÚV

„Það var hrein tilviljun. Kylfa réð kasti í þessu tilfelli. Það var einn góður vinur minn sem benti mér á það þegar við vorum í háskólanum, þar sem ég var að læra sögu og íslensku, að það væri verið að auglýsa eftir erlendum fréttamanni hjá sjónvarpinu og taldi að þetta myndi henta mér vel,“ sagði Bogi um tilurð þess að hann sótti um starf á fréttastofu Sjónvarpsins fyrir 40 árum síðan. Það kom honum á óvart að hann skyldi fá starfið þar sem hann hafði enga reynslu blaðamennsku á þessum tíma. 

Margt breyst á 40 árum 

Hann segir að það sé ekki hægt að bera saman fjölmiðla þá og nú, sérstaklega þegar kemur að tækninni. „Stærsta byltingin er netið að sjálfsögðu og síðan farsímavæðingin sem gerir það að verkum að allur almenningur getur verið þátttakandi í fréttaöflun og er það,“ segir Bogi. Áður fyrr voru frétta og blaðamenn það sem hefur verið kallað hliðverðir upplýsinganna. „Þeir voru með upplýsingarnar og hleyptu þeim svo út á einhverjum ákveðnum tímum. Þegar blöðin komu út á morganana eða síðdegis, útvarpsstöðvarnar þegar voru útvarpsfréttatímar, sjónvarpsstöðvarnar þegar það voru sjónvarpsfréttatímar og þá er ekki fleiri upplýsingar að fá fyrr en að blaðið kemur út næst eða næsti fréttatími er,“ segir Bogi um hvernig upplýsingaflæðið var áður fyrr. „Nú er þetta gerbreytt, nú er sístreymi upplýsinga. Þannig er til dæmis að þegar við förum í loftið með okkar fréttir eða Stöð 2 þá það er fæstum tilfellum að þeir sem eru að fylgjast með séu að sjá eitthvað nýtt. Þess vegna er ég hissa á því að rúmlega þriðjungur þjóðarinnar horfir á aðalfréttatíma RÚV og fjórðungur þjóðarinnar á aðalfréttirnar á Stöð 2. Þetta er ótrúlegt ef við tökum tillit til þess hversu margir eru að gera eitthvað annað,“ segir Bogi og bætir við að þetta séu tölur sem sjást varla annarstaðar í heiminum. „Íslendingar eru almennt þokkalega upplýst þjóð, þeir eru forvitnir um samfélagið og umheiminn og vilja fylgjast með,“ segir Bogi spurður um ástæður þess að áhorfi sé enn svo mikið. „Þessar tölur lækka og þær munu bara halda áfram að lækka. Ég spáði því fyrir svona 10 - 15 árum að þetta myndi gerast miklu hraðar en þetta hefur gerst,“ bætir Bogi við. 

Orðinn 65 ára en vill halda ótrauður áfram

„Ég grínast stundum með það að ég hef tekið mér sem mottó plötu og lag sem Bryan Adams gerði fyrir margt löngu síðan sem heitir 18 till I die,“ segir Bogi þegar hann er spurður hvort hann sé farinn að huga að starfslokum. „Afhverju á ég þegar kemur einhver tala að vera neyddur til þess að hætta þegar ég hef, að mér finnst allavegana, fullt ennþá sem ég get unnið,“ segir Bogi. 

Bogi brá á leik í viðtalinu og las bút úr laginu B.O.B.A. sem er eitt vinsælasta lag landsins líkt og um frétt væri að ræða. Útkoman var stórkostleg!

Þú getur horft og hlustað á allt viðtalið við Boga frá því í morgun hér að neðan. 

mbl.is
Ingileif ásamt unnustu sinni Maríu Rut Kristinsdóttur.
Viðtöl

Samdi lagið í sturtunni

Fjölmiðlakonan og laganeminn Ingileif Friðriksdóttir sendi frá sér í dag sitt fyrsta lag sem nefnist „At last“. Ingileif hefur lítinn sem engan bakgrunn úr tónlist en þetta er fyrsta lagið sem hún semur. Nánar »

Eyjamenn velta þessa dagana fyrir sér nafni á nýrri ferju og á Bolludag stóð bakarí í Eyjum fyrir skemmtilegri nafnakosningu.
Viðtöl

Herjólfur vinsælli en Vilborg

Fjörugar umræður urðu meðal Eyjamanna um nafn á nýrri Vestmannaeyjaferju eftir að netmiðillinn Eyjar.net birti vangaveltur um að ónafngreindir ráðamenn gætu hugsað sér annað nafn en Herjólf. Eyjabakarí ákvað að taka óformlega stöðuna á málinu með heimamönnum. Nánar »

Fréttir

Varar við ofneyslu saltkjöts

Í dag er sprengidagur og fjölmargir Íslendingar halda upp á daginn með því að borða saltkjöt og baunir. Gunnar Geir Markússon næringarfræðingur varar fólk við ofneyslu saltkjöts og sérstaklega þá sem eru með of háan blóðþrýsting. Nánar »

Svala mun gefa út nýtt efni undir eigin nafni á árinu.
Viðtöl

Verður heima í mars

Svala Björgvins og Einar Egilisson koma í fyrsta skipti opinberlega fram undir nafninu BLISSFUL á Sonar í mars. Nánar »

Tara semur lögin sín sjálf og þá yfirleitt á píanó eða ukulele.
Viðtöl

„Ég vil meina að þetta sé svona píkupopp“

Hin 19 ára gamla Tara Sóley eða Tara Mobee eins og hún kallar sig er að feta sín fyrstu spor í tónlistarbransanum. Nánar »

Valdís Gunnarsdóttir útvarpskona lést undir lok ársins 2013.
Viðtöl

Valdís var drottning útvarpsins

Valdís Gunnarsdóttir innleiddi rómantík í íslenskt útvarp, segir Jón Axel Ólafsson sem vann með Valdísi um árabil. „Hún hafði sínar sérstöku skoðanir á hlutunum og var ekkert að fela það,“ sagði Jón í spjalli við Huldu og Hvata á K100 í tilefni Valentínusardagsins. Nánar »

Fréttir

Ekki fyrir alla að eiga hund

Þórhildur Bjartmarz, fyrrverandi formaður Hundaræktarfélags Íslands og hundaþjálfari, bendir á að það sé binding til um það bil 15 ára að eignast hund. Þessari bindingu fylgir mikil ábyrgð. Sumir hundar þurfa mikla útiveru á meðan aðrir þarfnast fyrst og fremst félagsskapar. Nánar »

Eiður Arnarson og Þór Breiðfjörð vinna nú í því að koma vinsælasta söngleik í heimi á svið. Um 100 manna uppfærsla einsöngvara, leikara, kórs, dansara og hljómsveitarinnar SinfoniaNord undir stjórn Þorvaldar Bjarna Þorvaldssonar.
Viðtöl

Óperudraugurinn á svið í Hörpu

Meira en 130 milljónir áhorfenda hafa séð vinsælasta söngleik í heimi og nú er komið að því að setja Phantom of The Opera á svið í Hörpu í lok febrúar. Af því tilefni kíktu Eiður Arnarsson, aðstandandi verksins, og Þór Breiðfjörð, sem fer með aðalhlutverk sýningarinnar, í spjall í sídegisþáttinn á K100. Nánar »

Fréttir

„Börn þurfa að vinna betur saman.“

Arndís Klara Hrannarsdóttir er 9 ára stúlka sem hugsar mikið um lífið og tilveruna, samskipti barna og hvað við þurfum að gera til að ná árangri í lífinu. Nánar »

Viðtöl

Þekktur í Minnesota eftir leikinn

Stefán Sæbjörnsson var einn vígalegu víkinganna sem birtust í auglýsingu Dodge RAM-bílaframleiðandans í leikhléi Ofurskálarinnar, úrslitaleik ameríska fótboltans. Verkefnið tók nokkur ár og leikstjórinn var hinn frægi Joe Pytka, sem unnið hefur með stjórstjörnum á borð við Michael Jackson og Bítlana. Nánar »