menu button

Norðmenn sinna sjálfsvígsforvörnum betur

mbl.is/Rósa Braga

Norðmenn eru Íslendingum framar þegar kemur að forvörnum gegn sjálfsvígum, segir Engilbert Sigurðsson, prófessor í geðlækningum og yfirlæknir á geðsviði Landspítala-háskólasjúkrahúss.

Engilbert vísar til norska prófessorsins dr. Lars Mehlum sem var einn af fyrirlesurum á fræðslufundi í dag um forvarnir gegn sjálfsvígum. Lars er prófessor í geðlækningum og forstöðumaður sjálfsvígsrannsókna- og forvarnarmiðstöðvar Óslóarháskóla. Lars hefur einnig unnið fyrir Alþjóða heilbrigðisstofnunina.

Breytingar á lögum um skotvopn og brúarhandrið 

„Og það mér finnst standa uppúr er hvað Norðmenn hafa sinnt þessu vel, hvað þeir hafa lagt mikla fjármuni til og þjálfað fagfólk og aðra sem eru lykilaðilar í því að koma að því að greiða götu þeirra sem eru með sjálfsvígshugsanir, inn í heilbrigðiskerfið,“ sagði Engilbert í síðdegisþættinum Magasíninu á K100 í dag.

Engilbert nefndi sem dæmi að sjálfsvígum hafi fækkað eftir tvær sértækar aðgerðir í Noregi, annars vegar var gerð breyting á löggjöf um meðferð skotvopna og hins vegar voru sett upp stærri handrið en áður við norskar brýr.

Samfélagsleg ábyrgð

Guðrún Jóna Guðlaugsdóttir sem stýrði undirbúningi fræðslufundarins sagði hinn norska Lars hafa lagt mikla áherslu á samfélagslega ábyrgð. „Það sem mér fannst kannski áhugaverðast við það sem hann sagði var það að þetta er ekki mál fagfólksins að sporna við sjálfsvígum, eða vinna að forvörnum, þetta er samfélagið allt sem þarf að koma til,“ sagði Guðrún Jóna.

Íslensk átaksverkefni ekki nóg

Engilbert Sigurðsson, yfirmaður á geðsviði Landspítalans, sagði Norðmenn vera á allt öðrum stað en Íslendinga í þessum efnum. „Þeir ákváðu 2004 að leggja 6,3 milljarða norskra króna í það að efla sína geðheilbrigðisþjónustu í víðasta skilningi. Við erum ekki að setja neitt sem nálgast það í okkar geðheilbrigðisþjónstu.“

Engilbert sagði að orð og efndir sem birtist í fjárlögum verði að fara saman svo raunverulegar breytingar verði. „Annars erum við alltaf í þessum átaksverkefnum og það er bara ekki nóg,“ sagði Engilbert.

mbl.is
Ingileif ásamt unnustu sinni Maríu Rut Kristinsdóttur.
Viðtöl

Samdi lagið í sturtunni

Fjölmiðlakonan og laganeminn Ingileif Friðriksdóttir sendi frá sér í dag sitt fyrsta lag sem nefnist „At last“. Ingileif hefur lítinn sem engan bakgrunn úr tónlist en þetta er fyrsta lagið sem hún semur. Nánar »

Eyjamenn velta þessa dagana fyrir sér nafni á nýrri ferju og á Bolludag stóð bakarí í Eyjum fyrir skemmtilegri nafnakosningu.
Viðtöl

Herjólfur vinsælli en Vilborg

Fjörugar umræður urðu meðal Eyjamanna um nafn á nýrri Vestmannaeyjaferju eftir að netmiðillinn Eyjar.net birti vangaveltur um að ónafngreindir ráðamenn gætu hugsað sér annað nafn en Herjólf. Eyjabakarí ákvað að taka óformlega stöðuna á málinu með heimamönnum. Nánar »

Fréttir

Varar við ofneyslu saltkjöts

Í dag er sprengidagur og fjölmargir Íslendingar halda upp á daginn með því að borða saltkjöt og baunir. Gunnar Geir Markússon næringarfræðingur varar fólk við ofneyslu saltkjöts og sérstaklega þá sem eru með of háan blóðþrýsting. Nánar »

Svala mun gefa út nýtt efni undir eigin nafni á árinu.
Viðtöl

Verður heima í mars

Svala Björgvins og Einar Egilisson koma í fyrsta skipti opinberlega fram undir nafninu BLISSFUL á Sonar í mars. Nánar »

Tara semur lögin sín sjálf og þá yfirleitt á píanó eða ukulele.
Viðtöl

„Ég vil meina að þetta sé svona píkupopp“

Hin 19 ára gamla Tara Sóley eða Tara Mobee eins og hún kallar sig er að feta sín fyrstu spor í tónlistarbransanum. Nánar »

Valdís Gunnarsdóttir útvarpskona lést undir lok ársins 2013.
Viðtöl

Valdís var drottning útvarpsins

Valdís Gunnarsdóttir innleiddi rómantík í íslenskt útvarp, segir Jón Axel Ólafsson sem vann með Valdísi um árabil. „Hún hafði sínar sérstöku skoðanir á hlutunum og var ekkert að fela það,“ sagði Jón í spjalli við Huldu og Hvata á K100 í tilefni Valentínusardagsins. Nánar »

Fréttir

Ekki fyrir alla að eiga hund

Þórhildur Bjartmarz, fyrrverandi formaður Hundaræktarfélags Íslands og hundaþjálfari, bendir á að það sé binding til um það bil 15 ára að eignast hund. Þessari bindingu fylgir mikil ábyrgð. Sumir hundar þurfa mikla útiveru á meðan aðrir þarfnast fyrst og fremst félagsskapar. Nánar »

Eiður Arnarson og Þór Breiðfjörð vinna nú í því að koma vinsælasta söngleik í heimi á svið. Um 100 manna uppfærsla einsöngvara, leikara, kórs, dansara og hljómsveitarinnar SinfoniaNord undir stjórn Þorvaldar Bjarna Þorvaldssonar.
Viðtöl

Óperudraugurinn á svið í Hörpu

Meira en 130 milljónir áhorfenda hafa séð vinsælasta söngleik í heimi og nú er komið að því að setja Phantom of The Opera á svið í Hörpu í lok febrúar. Af því tilefni kíktu Eiður Arnarsson, aðstandandi verksins, og Þór Breiðfjörð, sem fer með aðalhlutverk sýningarinnar, í spjall í sídegisþáttinn á K100. Nánar »

Fréttir

„Börn þurfa að vinna betur saman.“

Arndís Klara Hrannarsdóttir er 9 ára stúlka sem hugsar mikið um lífið og tilveruna, samskipti barna og hvað við þurfum að gera til að ná árangri í lífinu. Nánar »

Viðtöl

Þekktur í Minnesota eftir leikinn

Stefán Sæbjörnsson var einn vígalegu víkinganna sem birtust í auglýsingu Dodge RAM-bílaframleiðandans í leikhléi Ofurskálarinnar, úrslitaleik ameríska fótboltans. Verkefnið tók nokkur ár og leikstjórinn var hinn frægi Joe Pytka, sem unnið hefur með stjórstjörnum á borð við Michael Jackson og Bítlana. Nánar »