menu button

Ræðir einelti og syngur á vegum Disney

Tónlistarkonan Greta Salóme þarf ekki að kvarta undan verkefnaleysi. Fyrir utan að vera að semja sína eigin tónlist hefur hún síðustu misseri meðal annars haldið stóra tónleika í Hörpu og Hofi á Akureyri, kennt fjölda barna á fiðlu og gerst einn af talsmönnum bandarísku samtakanna „Unify Against Bullying“. Greta er næsti gestur í tónlistarþættinum „K100 Live Lounge“ sem sendur er út á K100 og mbl.is alla fimmtudaga.

Heldur til New York að spila á tískusýningu

Núna í maí heldur Greta til New York að spila á tískusýningu á vegum samtakanna „Unify Against Bullying“ sem berjast gegn einelti. „Eftir að ég gaf út myndbandið við lagið Row höfðu þessi samtök samband við mig og spurðu mig hvort ég vildi gerast talsmaður þeirra,“ segir Greta sem þar með komst í hóp ekki ómerkari einstaklinga en leikaranna Chris Evans og Zach Braff.

Greta Salóme og Siggi Gunnars.
Greta Salóme og Siggi Gunnars. mbl.is

Disney-ævintýrið heldur áfram

Greta hefur undanfarin ár unnið fyrir Disney og verið að spila í siglingum á þeirra vegum í Bandaríkjunum. „Ég verð reyndar að spila í Evrópu núna í sumar og það verður í júlí,“ segir Greta sem líklegast getur baðað sig í sumar og sól í Miðjarðarhafinu. Einnig mun Greta spila á skipum hollenska skipafélagsins Holland/America í sumar en hún segist aldrei verða sjóveik. „Þetta eru skip sem taka kannski 4.000 farþega þannig að þetta eru engir árabátar sko,“ segir Greta og hlær. Hún líkir tilfinningu við að vera um um borð í svona stóru skipi við að vera stödd í litlu bæjarfélagi. „Ég verð á ferð og flugi um allt næstu mánuði, lífið er eiginlega bara svolítið ofan í ferðatösku núna,“ segir Greta að endingu full tilhlökkunar fyrir komandi sumar.

Greta Salóme spilaði í K100 Live Lounge.
Greta Salóme spilaði í K100 Live Lounge.
mbl.is
Á myndinni er hluti nemendanefndarinnar, Ragnheiður Torfadóttir, Thelma Ragnarsdóttir, Katrín Magnúsdóttir ásamt aðalleikurum sýningarinnar þeim Mími Bjarka Pálmasyni og Kolbrúnu Maríu Másdóttur.
Logi Bergmann og Hulda Bjarna

Xanadu-söngleikurinn á svið

Sýningar Nemendafélagsins í Verslunarskóla Íslands vekja gjarnan mikla athygli og má segja að þær séu ákveðin skrautfjöður í félagslífi skólans. Í ár bjóða þau upp á söngleikinn Xanadu. Nánar »

Samuel L. Jackson, Bruce Willis og James McAvoy fara með hlutverk í Glass og í kvikmyndinni Close fer Noomi Rapace með aðalhlutverkið.
Logi Bergmann og Hulda Bjarna

Bíógagnrýni: Glass og Close

Raggi Eyþórsson, bíógagnrýnandi og framleiðandi, gaf Glass og Close ekki beint góða dóma, en þó eru greinilega ágætissprettir í hvorri mynd um sig. Nánar »

Ísland vaknar

Svona bræddi hann kalt hjarta Ellýar

Það fór ekki fram hjá neinum þegar Ellý Ármanns athafnakona lýsti því yfir fyrir rúmu ári að hún væri ekki á leið í ástarsamband, enda brennd af slíkum málum. Nánar »

Ísland vaknar

Áreitni á vinnustöðum óþolandi

Í þáttinn Ísland vaknar komu tvær kjarnaorkukonur sem hafa sett af stað verkefnið #vinnufriður. Það voru þær Anna Berglind Jónsdóttir og Kolfinna Tómasdóttir. Markmið verkefnisins er að skapa umræður um áreitni á vinnustöðum. Nánar »

Katrín Júlíusdóttir og Margeir Vilhjálmsson, pistlahöfundur Ísland vaknar voru síðdegis gestir hjá Loga og Huldu á K100.
Logi Bergmann og Hulda Bjarna

Katrín Júl og Margeir gestir

Katrín Júlíusdóttir, fyrrverandi ráðherra og margt annað eins og hún segir sjálf og Margeir Vihjálmsson voru gestir síðdegis á K100. Þau munu seint þykja skoðanalaus og var reifað á málefnum vikunnar. Nánar »

Líffæragjafi og líffæraþegi. Kristján Kristjánsson og Gunnar Árnason, sem komu að uppsetningu líffærasýningarinnar sem nú stendur yfir í Ásmundarsal.
Logi Bergmann og Hulda Bjarna

Auglýsti eftir líffæri á Facebook

Það var alger tilviljun að líffæragjafi og líffæraþegi kæmu að uppsetningu sýningarinnar „LÍFfærin," sýningu nýrra glerlíffæra í Ásmundarsal. Sýningin er unnin í samstarfi Ásmundarsalar og Corning Museum of Glass, Siggu Heimis, Gagarín og fleiri listamanna. Nánar »

Gerður Aagot Árnadóttir heimilislæknir.
Ísland vaknar

Bólusetningar barna óumdeild heilsuvernd

Bólusetningar barna eru mikilvæg heilsuvernd. Þetta kom fram í máli Gerðar Aagot Árnadóttur heimilislæknis í Ísland vaknar. Hún benti á að þrátt fyrir að einhverjir kjósi að láta ekki bólusetja börn sín fyrir alls kyns sjúkdómum væri það óumdeilt á meðal fagfólks að bólusetningar væru ein besta heilsuvernd sem í boði er. Nánar »

Ísland vaknar

Rafvirkja bannað að auglýsa á Facebook

Ísland vaknar fékk upplýsingar um að fulltrúar Mannvirkjastofnunar hefðu haft samband við útlærðan rafvirkja og bannað honum að auglýsa þjónustu sína á síðunni „Vinna með litlum fyrirvara“ á Facebook. Nánar »

Ísland vaknar

Blöskrar fjarlæging málverksins

Ákveðið var að fjarlægja nektarmálverk eftir Gunnlaug Blöndal úr bankanum þar sem það fór fyrir brjóstið á starfsmanni bankans. „Það er álíka fráleitt að fjarlægja listaverk eins stórkostlegasta málara 20. aldarinnar, Gunnlaugs Blöndal, af vegg í opinberri stofnun eins og að brenna bækur eða fjargviðrast út af fyrirlesara á frjálsum markaði.” Nánar »

Mæðgin. Þorgerður Katrín og Gísli Þorgeir uppi í stúku eftir leik liðsins við Spán.
Logi Bergmann og Hulda Bjarna

„Munurinn er móðurtilfinningin“

„Það var skrýtið. Ég er búin að vera uppi á pöllum frá ´86 frá því á heimsmeistaramótinu í Sviss þar sem við lentum í 6. sæti. Maður er búinn að horfa á manninn og fullt af góðum vinum og þetta var bara allt öðruvísi,“ segir Þorgerður Katrín Gunnarsdóttir í síðdeginu á K100 hjá Loga og Huldu. Nánar »