menu button

Magasínið kl. 16-18

Þáttur: Magasínið
Dagsetning: fim. 11. okt. 2018
Lengd: 1 kl., 56 mín., 2 sek.
Lýsing:

Sætabrauðsdrengirnir, eða hluti þeirra, Bergþór Pálsson, Gissur Páll Gissurarson mættu í Magasínið. Og að sjálfsögðu með köku - dísæta og dásamlega. En ekki hvað. Þeir lýstu vinskapnum og gleðinni í hópnum en nú eru þeir að telja í jólatónleika sína í Salnum. 

Þáttastjórnendur trufluðu Lindu Péturssdóttur við próflestur en hún stundar fjarnám í stjórnmálafræði hjá Bifröst og býr nú í Palm Springs í Californiu í Bandaríkjunum. Hún hefur náð sér að fulla eftir heilablóðfall sem hún varð fyrir og segist vera að njóta lífsins. Hún var á dögunum beðin um að velja fulltrúa sem fer fyrir Íslands hönd og tekur þátt í Miss World keppninni sem haldin verður í Kína 9. desember n.k. en í ár eru 30 ár liðin frá því að Linda sjálf vann þessa keppni.  Fulltrúi Íslands þetta árið er Erla Alexandra Ólafsdóttir, 24 ára stúlka úr Reykjavík sem stundar nám við lögfræði í HR og stefnir á frekara nám með áherslu á alþjóðalög og mannréttindi.

Danielle Neben sagði frá Alipay og Ali hitt og Ali þetta. Allt það sem Kínverjarnir þekkja og tengja við er kemur að neyslu og verslun, en ePassi er orðin formlegur samstarfsaðili Alipay hérlendis en áður voru þeir einnig starfræktir í Helsinki í Finnlandi. Þar hefur Kínverjum fjölgað jafnt og þétt þar í landi, eða úr 265.000 árið 2016 í 432.000 árið 2017 og er þetta sá greiðslumáti sem þeir þekkja einna best.

 

Í loftinu núna
Endalaus tónlist