Í morgunþættinum kíktu þær Hlín Reykdal og Erna Magnúsdóttir við og sögðu frá nýju verkefni Ljósið, Skart sem skiptir máli. Um er að ræða sérstakt LjósaCharm sem Hlín hannaði til styrktar Ljósinu, en allur ágóði rennur í uppbyggingu nýs líkamsræktarsalar í nýju húsnæði samtakanna í Grafarvogi. Með verkefninu vill Ljósið tryggja áfram gjaldfrjálsa endurhæfingu og stuðning fyrir fólk sem greinist með krabbamein – án biðlista.