Morgunspjallið í Ísland vaknar fjallaði um hvað fólk lærir að meta með aldrinum – hluti sem maður kunni jafnvel ekki að meta sem barn.

Ýmislegt kom upp í umræðunni. Sumir nefndu mat sem þeir gátu ekki hugsað sér í æsku en elska í dag, á meðan aðrir töluðu um hluti eins og rólegheit, svefn, tíma með fjölskyldunni eða einfaldlega það að hafa frið og næði. Það sem áður þótti leiðinlegt eða sjálfsagt getur með tímanum orðið það sem maður kann mest að meta.

Hlustendur tóku virkan þátt og síminn glóðheitur. Þar komu fram fjölmörg skemmtileg og einlæg svör. Sumir sögðust ekki hafa áttað sig á mikilvægi foreldra sinna fyrr en þeir urðu eldri sjálfir, aðrir nefndu útiveru og margt fleira.

Umræðan vakti greinilega mikla tengingu hjá fólki og sýndi vel hvernig lífið og reynslan breytir sjónarhorninu með árunum. Það sem maður ýtti frá sér sem barn getur orðið það dýrmætasta þegar fram líða stundir.

Ef þú misstir af umræðunni er klárlega þess virði að smella á hljóðbrotið sem fylgir fréttinni. Þar leynast bæði hlátur, nostalgía og fullt af augnablikum sem margir eiga eftir að tengja við.