Það var létt og skemmtileg stemning í morgunþættinum þegar óvænt dansfrétt spratt upp – og vakti bæði aðdáun og hlátur.

Söngkonan og útvarpskonan Regína Ósk Óskarsdóttir greindi frá því á samfélagsmiðlum að hún og eiginmaður hennar, Sigursveinn Þór Árnason, hefðu náð glæsilegum árangri á dansgólfinu – en þau eru orðin tvöfaldir Íslandsmeistarar í samkvæmisdönsum. Keppt var í bæði ballroom og latíndönsum, þar sem þau stigu meðal annars sín bestu spor í sömbu, chachacha, jive, vals, tango og quick-step.

Í morgunþættinum var málið tekið föstum tökum enda ekki á hverjum degi sem fólk vinnur titil sem þennan. Ásgeir og Jax gátu ekki staðist freistinguna að velta fyrir sér hvort „senior flokkur“ þýddi einfaldlega að þau væru komin í hóp eldri borgara. Í kjölfarið hljómuðu harmónikkutónar sem setti punktinn yfir i-ið og kveikti mikinn hlátur í stúdíóinu.

Þrátt fyrir grínið er ljóst að hér er um að ræða virkilega flottan árangur. Að ná Íslandsmeistaratitli í tveimur flokkum er engin smá viðurkenning – og sýnir að dansgólfið getur verið jafn spennandi og hvaða svið sem er.

Hlustendur tóku vel undir umræðuna og ljóst að dansgólfið hefur sjaldan fengið jafn skemmtilega umfjöllun í morgunsárið. Ein spurning situr þó eftir: verður næsta skref hjá þáttastjórnendum að mæta sjálfir á æfingu?