menu button
Í loftinu hljóðnemi
Í beinni með Sigga Gunnars
Alla virka daga milli 9 og 12

Mörg sendiherrahjón fyrirmyndir

María Thelma Smáradóttir og Pálmi Gestsson kíktu í Magasínið á ...
María Thelma Smáradóttir og Pálmi Gestsson kíktu í Magasínið á K100. K100

Pálmi Gestsson og María Thelma Smáradóttir, leikarar verksins Risaeðlurnar sem sýnt er í Þjóðleikhúsinu, segja að mörg sendiherrahjón séu fyrirmyndirnar að persónum hins grátbroslega gamanleiks eftir Ragnar Bragason.

Fólk segist kannast við hjónin

Pálmi segir að margir velti þessu fyrir sér og sumir segist kannast við ýmislegt í fari sendiherrans Elliða og konu hans, frú Ágústu, sem leikin er af Eddu Björgvinsdóttur. „Þetta er ekki farsi, þetta er svona grátbroslegt,“ sagði Pálmi um verkið í viðtali við Hvata og Rikku í Magasíninu á K100.

Í fyrsta sinn á stóra sviðinu

Frumsýning leikritsins síðastliðinn föstudag var stór stund fyrir Maríu Thelmu Smáradóttur en þetta var hennar fyrsta sýning á stóra sviði Þjóðleikhússins. „Ég er ekki lent eftir helgina, ég er alveg í skýjunum,“ sagði María Thelma. Hún er ánægð með samstarfið við höfund og leikstjóra verksins, Ragnar Bragason.

Mikið spunnið við æfingar

Leikararnir segja að Ragnar vinni mikið með spuna og þeir þekki því fyrst um sinn ekki allir forsendur persóna hvers annars. „Síðan hittumst við og byrjum bara í spuna og þá kviknar eitthvað, algjör galdur, og við erum að komast að fullt af hlutum í fyrsta skipti, þessi er með þessi leyndarmál og svo framvegis,“ sagði María Thelma.

Ádeila á utanríkisþjónustuna

Aðspurður um hvort verkið sé að hluta til ádeila á kostnað við rekstur íslenskra sendiráða erlendis sagði Pálmi að hann þurfi að passa sig hvað hann segi nú stuttu fyrir þingkosningar. Í þessum lokahluta þríleiks höfundar sé umfjöllunarefnið afkimi þjóðlífsins sem fáir þekkja. Pálmi sagði að verkið væri að einhverju leyti ádeila og bætti við brosandi: „Svo má líka alveg halda með þessu fólki.“

Erfiðar hliðar fjölskyldulífs sendiherra

Við undirbúning verksins ræddi Pálmi við fólk sem þekkir til utanríkisþjónustunnar. Hann sagði að verkið fjallaði einnig um erfiðar hliðar lífs sendiherrahjóna sem hafa búið lengi fjarri heimahögum. „Ég held að þetta sé erfitt líf, þetta er fólk sem dvelur langdvölum í útlöndum með börnin sín, er einangrað, nær kannski aldrei að skjóta einhverjum rótum í því landi sem það er því það er kallað eftir fimm ár í eitthvað annað land,“ sagði Pálmi í viðtalinu sem er í heild sinni hér að neðan.

mbl.is
Haukur Örn Birgisson tekur sjálfu með Íslandsmeisturunum Axeli Bóassyni og Valdísi Þóru Jónsdóttur í sumar.
Viðtöl

Ísland með einstaka tölfræði í golfheiminum

Haukur Örn Birgisson, forseti Golfsambands Íslands, verður næsti forseti Evrópska golfsambandsins eins og mbl.is greindi frá í gær. Hann kíkti í Magasínið til Huldu og Hvata á K100 í gær og ræddi forsetaembættið og stöðu íþróttarinnar hér á landi. Nánar »

Logi Bergmann Eiðsson fjölmiðlamaður og Magnús E. Kristjánsson útvarpsstjóri K100.
Viðtöl

Skrifar BA-ritgerð í lögbanninu

Logi Bergmann Eiðsson fjölmiðlamaður vinnur að BA-ritgerð sem hann segist „skulda“ í stjórnmálafræði, en hann hóf námið 1992. Logi má sem kunnugt er hvorki vinna hjá fyrrverandi vinnuveitendum hjá 365 né hefja störf hjá Árvakri vegna deilu um samning hans við 365. Nánar »

Selma Ragnarsdóttir kynnir um helgina nýja fatalínu sem hún nefnir Z shapes.
Viðtöl

Selma Ragnars með nýja fatalínu

Um helgina mun klæðskera- og kjólameistarinn Selma Ragnarsdóttir kynna nýja fatalínu sem hún hefur gefið nafnið Z shapes, sem er stytting á Zelma shapes. Línan er sérhönnuð fyrir konur í stærðunum 40-50, eða aðeins stærri en þessi týpíska „módelstærð“ segir Selma. Nánar »

Brynjar Níelsson, þingmaður Sjálfstæðisflokksins.
Viðtöl

„Margir flokksmenn mínir eru stressaðir“

Brynjar Níelsson, þingmaður Sjálfstæðismanna, segir að Facebook sé fíkn og hann hafi ákveðið að fara í fíknimeðferð með því að hætta á samfélagsmiðlinum. Greint var frá því í vikunni að Brynjar væri hættur á Facebook, en skrif hans þar hafa bæði verið vinsæl og umdeild. Nánar »

Andrea Ró­berts­dótt­ir seg­ir já­kvæða sál­fræði meira en ein­hver ham­ingju­fræði.
Viðtöl

60% starfa ekki enn til

Fjölmiðlakonan, starfsmannastjórinn og lífskúnstnerinn Andrea Róbertsdóttir hefur tekið sér margt fyrir hendur undanfarin ár. Síðustu misserin hefur hún lagt stund á nám í jákvæðri sálfræði í Háskóla Ísland, samhliða því að halda fyrirlestra og sinna verkefnum fyrir hin ýmsu fyrirtæki. Nánar »

Tryggvi Geir Magnússon var dreginn út í leiknum 100,5 sekúndur í ELKO og fékk hann tækifæri í morgun til að ná sér í sem flestar vörur í ELKO á 100,5 sekúndum.
Fréttir

Tók vörur fyrir meira en hálfa milljón

Tryggvi Geir Magnússon var dreginn út í leiknum 100,5 sekúndur í ELKO og fékk hann tækifæri í morgun til að ná sér í sem flestar vörur í ELKO á 100,5 sekúndum Nánar »

Alma Guðmundsdóttir, betur þekkt sem Alma Goodman í Bandaríkjunum, samdi lag fyrir Dynasty-þátt sem sýndur var á dögunum.
Viðtöl

Alma með lag í Dynasty-þætti

Endurgerð Dynasty-þáttanna vestanhafs hefur vakið athygli og segir tónlistarkonan Alma Guðmundsdóttir, betur þekkt sem Alma Goodman, þættina þegar orðna mjög vinsæla í LA. Hún samdi lag fyrir þátt í hinni endurgerðu seríu ásamt Gladius James, sem einnig samdi með henni lagið Augnablik. Nánar »

Helga Árnadóttir stofnaði Tulipop árið 2010 ásamt Signýju Kolbeinsdóttur sem nú hefur flutt til Bandaríkjanna til að fylgja vörunum á markað vestanhafs.
Viðtöl

160.000 séð Tulipop á YouTube

Helga Árnadóttir stofnandi Tulipop vörulínunnar segir fyrirtækið vera á góðri siglingu. Á dögunum var opnuð skrifstofa í Bandaríkjunum, hafin er sjónvarpsframleiðsla og búið er að opna búð á Skólavörðustígnum, allt í þeim tilgangi að styðja við vörumerkið. Nánar »

Sigurlaug Ingvarsdóttir og Gísli Magna tónlistarstjóri Léttsveitar Reykjavíkur.
Viðtöl

Hugarró að vera í kór

Það er orðin hefð hjá einum stærsta kvennakór landsins að halda jólatónleika. Um 120 konur, sem skipa Léttsveit Reykjavíkur, koma saman í Langholtskirkju í desember. Gísli Magna tónlistarstjóri og Sigurlaug Ingvarsdóttir ræddu málið í Magasíninu á K100. Þau segja það forréttindi að vera í kór. Nánar »

Ólafur Darri, Sigga og Víkingur í morgun.
Viðtöl

Sigga syngur jólin inn

Sigga Beinteins heldur jólatónleika í Hörpu í áttunda sinn í ár. Hún kom í spjall til Víkings, Ólafs Darra og Kristínar á K100 í morgun. Nánar »

Í beinni
Í beinni