menu button
Í loftinu hljóðnemi
Erna Hrönn
Alla virka daga milli 12 og 16

Þarf meira fé til framleiðslu íslenskra þáttaraða

Skarphéðinn Guðmundsson, dagskrárstjóri sjónvarps hjá RÚV.
Skarphéðinn Guðmundsson, dagskrárstjóri sjónvarps hjá RÚV.

Skarphéðinn Guðmundsson, dagskrárstjóri sjónvarps hjá RÚV, segir að það þurfi aukið fjármagn til framleiðslu íslenskra sjónvarpsþáttaraða í ljósi mikillar eftirspurnar erlendis. Hann segir að RÚV verji fjórfalt meira fé en áður til slíkrar framleiðslu.

Skarphéðinn var gestur Huldu og Hvata í Magasíninu á K100. Þar var hann spurður um orð Hilmars Sigurðssonar, forstjóra Sagafilm, í þættinum í gær þar sem Hilmar hvatti til þess að opinber framlög til sjónvarpsþáttaframleiðslu yrðu aukin.

Pattstaða vegna kvikmyndasjóðs

„Þetta er alveg rétt sem Hilmar segir, það þarf að koma miklu, miklu meira fjármagn inn í íslenska sjónvarpsþáttagerð einfaldlega vegna þess að við stöndum á þeim tímamótum að það er gríðarleg eftirspurn eftir þessu erlendis. Það er í rauninni allt einhvern veginn í pattstöðu hér heima af því að það er ekki nægilegt fjármagn í kvikmyndasjóðnum,“ sagði Skarphéðinn í Magasíninu.

RÚV þarf að leggja sitt af mörkum, segir Skarphéðinn, og bætir við að með breyttri forgangsröðun undanfarið séu framlög RÚV til framleiðslu íslenskra sjónvarpsþáttaraða fjórfalt hærri en áður.

Höfuðáhersla á þætti á íslensku

Skarphéðinn var einnig spurður út í þau orð Hilmars hjá Sagafilm um að fyrirtækið íhugi að að framleiða sjónvarpsþáttaraðir á ensku í stað íslensku þar sem hlutfall erlends fjármagns til slíkrar framleiðslu fari hækkandi. Myndi RÚV kaupa íslenska þáttaröð á ensku? „Við útilokum ekki neitt, auðvitað kjósum við helst að hafa íslenskar þáttaraðir á íslensku. En hafandi sagt það er ég viss um að í framtíðinni verður allur gangur á þessu. Það er mikil eftirspurn eftir íslenskum sögum og þeir sem fjármagna geta sett fram ýmsar kröfur,“ sagði Skarphéðinn Guðmundsson, dagskrárstjóri sjónvarps hjá RÚV, en ítrekaði að RÚV myndi alltaf leggja höfuðáherslu á að sjónvarpsefni væri á íslensku.

mbl.is

Bloggað um fréttina

Eivør kemur í heimsókn hingað til lands í desember.
Viðtöl

Gyðjan sem hreyfir við hjörtum

Færeyska söngkonan Eivør Pálsdóttir á stað í hjörtum margra Íslendinga enda má segja að ferill hennar hafi hafist fyrir alvöru þegar hún var búsett hér um hríð. Eivør er nú búsett í Kaupmannahöfn og er mikið að gera hjá henni. Nánar »

Ólafur Darri, María, Kristín Þóra og Víkingur á K100 í morgun.
Viðtöl

Staðið vaktina í 41 ár og ekki á förum

María Einarsdóttir, pylsudrottning í Bæjarins beztu, kom í drottningarviðtal í Turninn á K100 í morgun. Hún talaði um lífið í pylsuvagninum, vinnu á eftirlaunaaldrinum og fleira. Nánar »

Fréttir

Beverly Hills stjörnur smakka bjór í Borgarfirði

Stórstjörnurnar Tori Spelling og Ian Ziering eru á ferðalagi um Ísland ásamt mökum sínum. Nánar »

Hera Björk heldur 14 jólatónleika í desember.
Viðtöl

Fasteignasalinn og jóladívan Hera Björk

Hera Björk Þórhallsdóttir söngkona hefur hafið forsölu á jólatónleika sína „Ilmur af jólum“. Í hressilegu viðtali í Magasíninu á K100 sagðist hún vera að læra að verða fasteignasali. Nánar »

Fida Abu Libdeh og Ágústa Valgeirsdóttir frá GeoSilica.
Viðtöl

Vörur GeoSilica í sölu á Amazon

Fida Abu Libdeh, einn stofnenda GeoSilica, og Ágústa Valgeirsdóttir verkefnisstjóri ræddu við Huldu og Hvata í Magasíninu um vörurnar, fyrirtækið og markaðssetninguna erlendis. Nánar »

Nýdönsk sendi frá sér plötuna Á pláhnetunni jörð í síðustu viku.
Viðtöl

Sjálfshátíð í Hörpu í kvöld

Nýdönsk fagnar um þessar mundir 30 ára afmæli og hefur af því tilefni gefið út nýja hljóðversplötu. Liðsmenn sveitarinnar fagna tímamótunum svo í kvöld í Hörpu. Nánar »

Fréttir

„Ég var alveg í ruglinu“

Stórleikarinn Ólafur Darri Ólafsson stýrir þættinum Turninn á K100. Í þættinum opnaði hann sig upp á gátt en hann hefur barist við kvíða um langt skeið. Í þessu hljóðbroti segir Ólafur Darri frá því hvernig hann náði tökum á kvíðanum. Nánar »

Fannar og Benni hásetar um borð í Hrafni Sveinbjarnarssyni.
Viðtöl

Reglulega í kaffi hjá Ragga Bjarna

Hraðfréttabræðurnir Benni og Fannar hafa slegið rækilega í gegn undanfarið með þáttunum Hásetar á RÚV. Þeir ræddu þættina og óvenjulegan vinskap Benna og Ragga Bjarna hjá Sigga Gunnars á K100 í morgun. Nánar »

Fréttir

Nagdýrið líklega með spínatinu

Samkvæmt úttekt Heilbrigðiseftirlits Reykjavíkur, eftir að tilkynnt var um nagdýr í spínati á veitingastaðnum Fresco, er talið líklegt að dýrið hafi komið með hráefninu frá Spáni. Spínatið er flutt óhreinsað til landsins og hafði ekki verið hreinsað á veitingastaðnum. Nánar »

Fréttir

„Ég keyrði á besta vin minn“

Okkar eigin Svali tekur þátt í herferð Landsbjargar sem nefnist „Vertu snjall undir stýri“. Herferðin er gerð til þess að draga úr notkun síma undir stýri. Nánar »

Erna Hrönn
Erna Hrönn