menu button

Saknar matarins og sundlauganna

John Snorri

K100 hringdi á K2 í dag þegar Magasínið heyrði í John Snorra Sigurjónssyni sem var staddur í grunnbúðum fjallsins. Hann var nokkuð kátur og stefnir á toppinn eftir helgina ef allt gengur að óskum. Týndur uxi, lifandi hænur, þakklæti og fleira kom til tals í viðtalinu.

John Snorri hefur klifið nokkra af hærri tindum heims en nú ætlar hann sér að klífa fjallið K2. Fjallið er 8.611 metra hátt og er talið eitt af erfiðustu fjöllum jarðar að klífa. Ef markmiðið næst verður hann fyrstur Íslendinga til að klífa fjallið, en aðeins 240 manns hefur tekist að klára verkefnið. 

Kvikmyndagerðarmaðurinn Kári Schram mun fylgja John Snorra eftir og í framhaldinu ætlar Kári að gera heimildarmynd um leiðangurinn.

John Snorri fór utan 3. apríl og segir hann áskorunina ekki bara vera að klífa fjallið heldur fjarveran frá fjölskyldunni en hann er fimm barna faðir og eitt barn er á leiðinni. Auk sinna nánustu segist hann sakna þess að fá sér saltfisk og lambalæri. Einnig segist hann sakna þess að komast í íslensku sundlaugarnar þegar hann er svona fjarri Íslandi.

John Snorri hafði gaman af símtali að heiman og lýsti sínum hversdagsleika á svæðinu fyrir hlustendum.

„Það sem maður gerir daglega þegar maður er ekki í fjallinu þá er maður að taka tjaldið í burtu og slétta undir því og reyna að hlaða í kringum það og þvo þvott og borða og spila og fara í göngutúra. Maður er svona að láta tímann líða og reyna að vera þolinmóður.“

Hann segist vera búinn að koma línum og súrefni upp fyrir búðir 3 og nú bíði þeir eftir veðurglugga eða því að vindurinn fari niður í svona 25 metra á klukkustund.
„Eins og veðrið lítur út núna langt fram í tímann þá vonumst við til að komast upp þann tuttugasta.“

Hann lýsir því hvernig hann er kominn á grænmetisfæði og hvernig var verið að koma með lifandi hænsni og uxa upp til búðanna. Það gekk ekki áfallalaust og stakk uxinn af og sagði John hann ekki fundinn og enn sé leitað.

Honum þykir vænt um allar kveðjurnar á Facebook og segir þær skipta máli.

Samhliða göngunni safnar hinn fimm barna faðir áheitum til styrktar Líf. Þeir sem vilja styðja John Snorra í þessu ferðalagi og um leið Líf – geta gert það hér eða hringt í áheitasímann 908-1515. 

Hér má hlusta á viðtalið í heild. 

mbl.is
Anton Líni er söngelskur Þingeyringur.
Viðtöl

Söngelskur Þingeyringur vekur athygli

Anton Líni Hreiðarsson er 19 ára gamall Þingeyringur sem er búsettur á Akureyri. Anton hefur verið viðloðandi tónlist frá unga aldri. Hann hefur vakið athygli fyrir sönghæfileika og lenti meðal annars í öðru sæti í söngkeppni Verkmenntaskólans á Akureyri í fyrra. Anton semur lög og texta sjálfur og var að senda frá sér nýtt lag, One, á dögunum. Nánar »

Willum Þór, þingmaður Framsóknarflokksins og Vala Pálsdóttir, formaður Landsamtaka Sjálfstæðisflokksins.
Viðtöl

Vilja breyta menningunni

Kynferðisleg áreitni í stjórnmálum var rædd í Magasíninu. Vala Pálsdóttir, formaður Landsamtaka Sjálfstæðiskvenna og Willum Þór Þórsson, þingmaður Framsóknarflokksins fóru yfir áherslur og mikilvægi þess að tekið sé á hlutunum. Nánar »

Inga Hlín Pálsdóttir, forstöðumaður ferðaþjónustu og skapandi greina hjá Íslandsstofu.
Viðtöl

Þrenn verðlaun á Stevie Awards

Inga Hlín Pálsdóttir, forstöðumaður ferðaþjónustu og skapandi greina hjá Íslandsstofu, hlaut þrenn verðlaun á Stevie Awards-verðlaunaafhendingunni sem haldin var í New York um síðustu helgi. Nánar »

Guðrún Árný Karlsdóttir heldur ferna tónleika í desember.
Fréttir

Búin að pakka inn jólagjöfunum

Söngkonan Guðrún Árný mun skapa hugljúfa jólastemningu á fernum tónleikum í desember. Hún er löngu komin í jólaskap enda hefur hún verið að undirbúa jólatónleikana frá í sumar. Hún mun leika sjálf á píanó og fá með sér góða gesti. Nánar »

Tryggvi Geir Magnússon var dreginn út í leiknum 100,5 sekúndur í ELKO og fékk hann tækifæri í morgun til að ná sér í sem flestar vörur í ELKO á 100,5 sekúndum.
Fréttir

Tók vörur fyrir meira en hálfa milljón

Tryggvi Geir Magnússon var dreginn út í leiknum 100,5 sekúndur í ELKO og fékk hann tækifæri í morgun til að ná sér í sem flestar vörur í ELKO á 100,5 sekúndum Nánar »

Hreingerningardrottningin og Snapchat-stjarnan Sólrún Diego hér með Birni Braga sem aðstoðaði hana við útgáfu bókarinnar Heima.
Viðtöl

Tékklistar og hagnýt húsráð

Heima er fyrsta bók Sólrúnar og er hún uppfull af gagnlegum ráðum sem einfalt er að tileinka sér. Í bókinni tekur hún fyrir helstu þætti heimilisins og kennir skilvirkar aðferðir til að halda því hreinu og fallegu án mikillar fyrirhafnar. Nánar »

Helgi Jóhannesson, hæstaréttarlögmaður og stjórnarmaður í Ferðafélagi Íslands, þekkir gönguleiðirnar um Öræfajökul vel.
Viðtöl

Þarf mögulega að endurskoða ferðaáætlun félagsins

Helgi Jóhannesson, hæstaréttarlögmaður og stjórnarmaður í Ferðafélagi Íslands, ræddi gönguleiðirnar um Öræfajökul á K100. Nánar »

Sérstök vinkvennasýning verður í Laugarásbíói á myndinni Wonder.
Fréttir

Vinkvenna- og saumaklúbbssýning á Wonder

Miðvikudaginn 22. nóvember kl. 20 er vinkonum og saumaklúbbum boðið á myndina Wonder í Laugarásbíói. Nánar »

Haukur Örn Birgisson tekur sjálfu með Íslandsmeisturunum Axeli Bóassyni og Valdísi Þóru Jónsdóttur í sumar.
Viðtöl

Ísland með einstaka tölfræði í golfheiminum

Haukur Örn Birgisson, forseti Golfsambands Íslands, verður næsti forseti Evrópska golfsambandsins eins og mbl.is greindi frá í gær. Hann kíkti í Magasínið til Huldu og Hvata á K100 í gær og ræddi forsetaembættið og stöðu íþróttarinnar hér á landi. Nánar »

Logi Bergmann Eiðsson fjölmiðlamaður og Magnús E. Kristjánsson útvarpsstjóri K100.
Viðtöl

Skrifar BA-ritgerð í lögbanninu

Logi Bergmann Eiðsson fjölmiðlamaður vinnur að BA-ritgerð sem hann segist „skulda“ í stjórnmálafræði, en hann hóf námið 1992. Logi má sem kunnugt er hvorki vinna hjá fyrrverandi vinnuveitendum hjá 365 né hefja störf hjá Árvakri vegna deilu um samning hans við 365. Nánar »

Í loftinu núna
Endalaus tónlist